*للو حبي كلو*
الله يسلمك و يخليك

جاتني بعض الاستفسارات عن الملف على الخاص وحبيت أحطها للي يستفيد
----------

اطمني السواد يروح بس يبغى له عناية..
خل التفاح في السوبرماركت تلاقينه..خل دارنا..أو اليمامة..أو شتورة..شوفي اللي يأثر من أول أسبوعين..إذا ما أثر غيريه طوالي..

بالنسبة للحمام المغربي..اشتري الصابون المغربي (يجيك ثقيل أفضل من السائل) و لازم معه الليفة المغربية (قماشها نوع خاص خشن)..تنباع في الصيدليات و العطارين..و سويه في البيت..أو جيبي مغربية متخصصة..أنا عني أخاف منهم..سحرة!!..الرسول اللهم صلي و سلم عليه..لعن المرأة اللي تخلع ثيابها خارج بيت زوجها!..تقدرين تسوينه وقت الحمل عادي..أنا كنت أسويه كل شهر..
و سويه بعد الأربعين لما تتأكدين ان الخياطة طاحت..بتلاحظين خيوط تطيح منك و جلدك لم على بعضه..بس انتبهي لا تجرين الخيوط..تراها مزعجة بالمرة و الله يعينك اتحمليها لين تروح..و هي أنواع..بعضها يطول ما يطيح و بعضها يطيح بسرعة..أنا عني ما أحب اللي يطيح بسرعة لأنه ممكن اللحم من الحركة ينفتح..وهي من أسبوعين لشهر تطيح عادة..لا تشيلين همها بتطيح من التشطيف بالملح..و نصيحة لا تفوتين عليك مشد الفخذ أنا جربته في ولادتي هذي صراحة مريح يلم الرجول على بعض بعد ألم الولادة و تنجح معه الخياطة..مو زي ولادتي الأولي..أحيانا أنسى و اتربع..أربطيه أول ما تطلعين من المستشفى..و انتبهي الله يكرمك لما تدخلين الحمام تغيرين..لا تباعدين بين الفخذين كثير عشان ما تنفتح الخياطة..و عذرا..عموما انتبهي لحركتك دائما..و لا تطولين الجلوس على الخياطة، خليك أغلب الوقت مستلقية..خاصة أول أسبوعين..بعدها بتحسين براحة في الجلوس..

طريقة الحمام المغربي: لازم تكونين دوبك آكلة شي..موزة..زبادي..عشان ما تدوخين لأنه متعب شوية في البداية.. بعد ما تغسلين شعرك..ظلك في المويه الدافية (أو حمام بخار لو عندك) 10 دقايق على الأقل..بعدين حطي الصابون على جسمك بايدينك وافركي جسمك فيه (انتبهي الليفة المغربية لا تقرب الصابون أبدا!!)..خلصتي تفريك..فركي ظهرك بعصاية الظهر و حطي عليها من الصابون..مو مشكلة..بعدين غسلي زين بالموية و غسلي البانيو..أهم شي الليفة المغربية ما تشم ريحة الصابون..:) و يللا ابدي تفريك قوي بالليفة (لا تبللينها) على جسمك المبلل...بتطلع بلاوي ما تصدقينها..فركي قوي بس لا تعورين بشرتك و تطلعين دم..:) خلي أحد يفرك لك ظهرك..و إذا ما فيه حطي الليفة المغربية داخل عصاية الظهر بعد ما تغسلينها بالصابون و افركي فيها..
الأفضل تتشاركون انتي و زوجك في الحمام المغربي..:) فركي له و يفرك لك !! :) و الله رفاهية بس جربيها!
بعدين غسلي رقائق الوسخ :) و حطي مقشر حبيبات و دلكي بشرتك..وغسليها..وجففيها..حطي قناع الزبادي نص ساعة..استرخي وقتها..سوي تمارين التنفس (اليوغا)..شهيق من أنفك خلال 4 ثواني..احبسي النفس 7 ثواني..بعدين ازفري من فمك خلال 8 ثواني..و خلي طرف لسانك على أسنانك العلوية و فمك مفتوح شوية..و خلي الزفير يمر من خلال اللسان..تمرين رائع يخلصك من التوترات و يرخي جسمك..سويه 10 مرات بالقليل..بعدين غسلي جسمك و جففيه و رطبيه..طبعا وجهك اشمليه في العملية كلها ما عدا التنظيف المغربي..نظفيه بمنظف خاص و قشريه و حطي عليه القناع..و رطبيه بمرطب خاص..

اسئلتك:
1- بالنسبة لشاي الاعشاب: ايش هي كمية المرامية - الشيح - الحزاة - القيصوم - القرفة؟
>> لا تحطين ميرامية لأنها راح تنشف الحليب..صح انها تزيل الكرش..بس لا تخسرين الرضاعة و اللي بدورها تنحف و تشد الرحم..
و باقي المقادير اللي ذكرتيها..تجيك أعواد وحبيبات..لو حبيبات حطيها بنفس كميات الكمون و اليانسون و غيرها..و الأعواد كل ما جيتي تحضرين الشاي حطي لك عودين من كل نوع..

2- العنزروت كيف يكون ( مطحون او عادي) وكيف يكون شكله؟؟ انا اللى عندي يشبه المرة بس لونه مختلف وردي ومشمشي
>> العنزروت أنا استخدمت اللي مطحون زي حبيبات الرمل ملون وردي و بيج و مشمشي..و لو عادي نظفيه زين و اطحنيه و شيلي منه أشياء تشبه شبكة العنكبوت..أنا صراحة ما قد شفتها بس سمعت عنها..

3- بالنسبة للغسول: الارطا اللى جاتني مطحونه عادي استخدمها ولا لازم تكون اعواد؟؟ ومتى اسويها اقصد اسويها الحين واجهزها ولا اسويها اذا ولدت؟؟
>> في نظام فيافي كاتبه انها اعواد..و كثير يستخدمونها مطحونة..زي أم جهاد اللي مشهورة بنظامها..
و جهزي كيستها + كيس الملح (فارسي أو خشن كله واحد، أنا استخدمت الاثنين-الفارسي غالي شوية) مع بعض في المطبخ
و اذا جا وقت الوضوء فيها..حطي المقدار المناسب (ليومين ثلاثة) و اغليه و حطيه في برطمان زجاج و خليه في الحمام..و هكذا كل 3 أيام سوي جديد..ابدي فيه من بعد الأسبوع الأول..انتبهي على ريحته أول ما تغلينه هي نفسها ايلين آخر شطفة عشان تتأكدين انه ماتعفن..

4- ايش هي كمية الاعشاب في الكبو ولا احط على كيفي؟؟
>> حطي على كيفك..مقادير متساوية..واخلطيها في برطمان..أذكر اني حطيت كوب من كل شي..أهم شي لما تجين تتكبين تلاحظين انك حطيتي على الفحم كل المكونات..و إذا بغيتي تضيفين لها نوى التمر (أظن مطحون)..يقولون مفيد لشد المنطقة..(طريقة جنوبيين)..

5- وبالنسبة للحلتيتة انا سمعت انها مو زينه لانها ممكن توسع كيف احطها في مسحة الشمم والكبو؟ وانتي استخدمتيها ولا لا؟ وكيف شكلها لان اللى جاتني شكلها زي العجين او لزجة والله ما ادري بالضبط وش شكلها؟؟؟؟؟
>> أنا صراحة شريتها و لا استخدمتها..لإني سمعت أنها توسع..أعتقد فيافي حطتها لفائدتها عن الشمم، و التوسع تبريه و تلمه الأشياء الثانية !!!! :)
إذا بتحطينه..حطي كسرة صغنونة..في المسحة و الكبو (في كل مرة تتكبين)
و شكلها زي ما قلتي و ريحتها >>يخه! :D

6- في بعض مقادير الكبو ما لقيتها اقدر استغى عنها ولا لازم اجيبها؟؟؟؟
حطي قد ما تقدرين من مقادير الكبو..أنا حطيته كله ما عدا الحلتيتة..أهم شي المرة و الكمون و قشر البصل و فلفل الهواء و عود الهواء..

7- الملح الفارسي كيف شكله وكيف اطحنه؟؟ اللى عندي لونه ابيض على شفاف وحجمه كبير
>> شكله مكعبات شفافة و بيضاء..اغسليه وخليه يجف و كسريه صغير و اطحنيه..

8- في الغسول استخدم الملح الخشن العادي ؟؟ والتحاميل استخدم لها الملح الفارسي؟؟
>> الأكثرية يسوون هالشكل..وممكن أي نوع مو مشكلة من اللي سألتهم..
في الغسول استخدمت الاثنين..و سويت التحاميل بالفارسي..و اختي سوتها بالخشن..وأنا ما استخدمت التحاميل لاني مركبة لولب..حطيتها أخر 5 أيام من الاربعين بشكل بسيط..على برى ما دخلتها..خفت! :D

9- بالنسبة لمسحة الشمم:الخواجوا اطحنه ولا اخليه زي ماهو؟؟
>> لا تطحنينه..كسريه لو هو قطع كبيرة أو طويلة..

10- والصبرة اطحنه ولا اخليه زي ماهو؟
>> في المسحة حطي مطحون أو حبيبات صغيرة..و في منقوعة العنزروت حطي كسرة صغيرة مرة في كل مرة..

11 - وايش هي كمية حبة البركه اللى احطها في مسحة الشمم؟؟
>> أنا صراحة ما حطيت..و لكن حطيها نفس مقادير المرة و الخواجوا..
على فكرة..مطحون حبة البركة مع زيت الزيتون و الملح ممتاز يتمرخون فيه البيبيات أول ما ينولدون.. و ينلفون باللفة قبل النوم..

-12 ايش رايك احط في السفوف للايام الاخيرة الرشاد ولا ما احط ؟؟ يمكن احط نص الكمية بس لان احنا عندنا اكلة اسمها حسو وهي عبارة عن رشاد مع البهارات ويكون شكلها زي الشوربة وماناخذها الا في نص الاربعين وعشر ايام بس
ومحتارة احط الرشاد في السفوف ولا ما احط؟؟
>> لا تحطينه طالما انك تاخذينه مع الحسو..لأنه قوي و المفروض ما يتكثر..انا ما حطيته عشان الكلام الكثير حوالينه

13 - وبالنسبة للماش ايش الافضل احط ولا ما احط؟؟ انتي وش سويتي حطيته ولا ما حطتيه ؟؟ اخاف اسمن لان الحين زايد وزني واجد وما ابغى شي يزيد وزني في الاربعين اكثر بس المشكله انها مفيدة لتقوية الظهر وما ادري وش اسوي انتي وش رايك؟؟
>> لو ودك تنحفين، لا تحطين الماش مع السفوف لأنه يسمن.اطبخيه مع المرق كل فترة..(خاصة العشرين الأولى و خففيه في الاخيرة)
أنا حطيته مع السفوف عشان كان ودي أسمن (جسمي كان مثالي بس طمع- قالوا لي بعض الناس ربربي من هنا و هناك شوية)..و سمنت و للأسف السمنة وقت النفاس شينة مرة لأنك في وقت لازم تتخلصين من الكرش..بس ربك سترها (أنا أنحف بسرعة) و تخلصت منها..

ملاحظة: لما تجين تنشرين الأعشاب بعد غسلها عشان تجف..انشريها بشكل مسطح (فرقيها عن بعض)..لا تكومينها على بعض عشان ما تعفن من الرطوبة و تأكدي من ريحتها..

و بالنسبة لبرنامج البشرة..أضمن لك لو بتطبقينه، ان بشرتك بتصير زي الزبدة و مفتحة.. نظيييييفة وموردة و لماعة زي القزاز .. ايش رايك بحلاوة أكثر من كذا؟؟؟!!!!!!! :27:

انا ابي استخدم نظام فيافي بس اخاف انحف لان كله اعشاب وبر وهذي تقريبا تنحف وش اسوي

بليييييييييييييييييييز ابي اسمن قولي لي وش اسوي في نفاسي استخدمه والا لا ؟

توكلي على الله واستخدمي النظام اذا انتي مرتاحة له..
و أنا بعد نحيفة..و ما نحفت بالعكس سمنت من الماش اللي في السفوف..و من السمن البري و الخبز و التمر..و من الراحة بعد..!!!!!

و تبغين نصيحة..لا تسمنين وقت النفاس كثير لان جسمك ضعيف و مترهل..خلي ايلين ما ترجع صحتك زين و ينشد جسمك>>اسمني!!
السمنة على كرش الولادة و الترهلات و السواد و سليولايت الحمل شييييينة مرة!!

ربي يجزاك الجنة
ويسعد حياتك