النفس اللوامة

السلام عليكم خواتي والله انها ضاقت بي من كثر ماني قلقانه و افكر بحالي
انا ضعيفه ايوالله ضعيفه و قلبي عكس لساني نهائي بس مشكلتي ما اعرف اسكت اذا احد غلط و مستحيل اغلط الحمدلله بس ماتحمل احد يغلط و اسكت و كل اغلاطي ردّات فعل مو اكثر زوجي للاسف احيان احس يتعمد يشوفني ابكي انا ماقدر امسك نفسي هذي شخصيتي هو يشوفه تافه الموقف بس انا فعلاً مقهوره و تصير مشاكل كثير حتى مع اي احد اذا غلطت عليه لو هو اللي بدا بالغلط
اندم و اعتقد اني ظلمته و فهمته غلط و افكر لو مات و احزن و كل ماقعدت لحالي افكر باللي غلطت عليهم و ابكي ، وحده غلطت علي في حكيت لزوجي الموقف وانا كلي قهر و كان شايف انها عي غلطت علي و اذا زعل مني قال انتي فيك و فيك عشان هالموقف الين حسسني انا الغلطانه مو هي ،
انا تعبت وانا خايفه من موت الناس اللي زعلتهم وربي احيان اشوفهم ملائكة اذا تذكرت موقفي انا بس هم ناس تتعمد تستفزني وتقهرني
زي اخت زوجي انا بيتي مقابل سلفتي و تصاميم بيتنا زي بعض و بيت سلفتي تبارك الله مأثث و كامل وانا لا و كل جلسه تقارن بين البيتين قدام امها و حريم اخوانها و بنت الناس هي اللي تتفشل من المقارنات و كل مره تقول من جد الاثاث يغير و انتي عندك الغرفة ذي تسألني و تسالها و انتي عندك قالت لها الحرمه يابنت الناس نفس التصميم مافيه فرق قالت والله مره الالوان و الاثاث تغير و ماشاءالله فاهمه قصدها ان بيتها احلى وهي ماشاءالله موظفه اثثت بيتها هذي ليش بتقهرني مو فاهمه ، و انا قلت لزوجي عادي ناثث براحتنا اهم شي زي ما ابي انا ، قالت شالفايده اذا قدم البيت جبتي الاثاث روحي خوذي مستخدم نظيف و لا اثاثك الاول نجديه لو انا منك ما اخليه فاضي كذا
و قلت الموقف لزوجي و صحت و هو زعل منها قال مالها شغل بشي و هي حرمه كبيره يحبون يقولون رايهم و يدور لها اعذار و بعد فتره قال لي انتي قليله ادب تردين عليها و طلعني انا الغلطانه لاني قلت لها لوسمحتي بيتي مالك شغل فيه و اذا عندك شي اثثيه لنا و زوجي زعل ليش انا رديت لانها حرمه كبيره و ام عيال و يقول هي على نياتها اعرفها




و بعد ماقال لي كذ زوجي قمت اتذكر كل موقف طيب منها و اقنعت نفسي انها معدنها طيب و انا هاجمتها و طلعت نفسي بابشع صوره و اذكر اي شي لو انه بسيط بس يجي بعقلي انها طيبه منها