النقرس مبهذل الوالد

السلام عليكم ورحمة الله
خواتي الوالد بعيد عنكم اليوم قام وقدمه منتفخه واصبع رجله وارمه لانه من يومين اكل لحمه وهو عنده نقرس وممنوع من اللحم بالمره يمكن له سنه ماكل لحم بس قبل يومين كان نفسه فيها والله ماخذ الا لقهمه صغيره ذاقها بس ونام وماقام الا ورجله منفوخه ولا قدر يصلي بالمسجد
وماصلى الا على كرسي وله يومين تعبان راح المستشفى وعطوه علاج بس تعرفون العلاج وقتي بس
بنات الله يسعدكم مين تعرف علاج عشبي او شيء يفيد ويريحه تقلي عليه تكفى
محزني والله لما جا وقت الصلاه جلس يطالع الكرسي وهو متضايق
مايحب يصلي جالس بس انجبر مايقدر يوقف عليها بالمره ولما جا العصر اخذ من علاجه ودهن بالمرهم حقهم
وراح المسجد مشي وصلى المغرب والعشا وهو واقف يقول والله ان رجلي كنها مقطوعه ماحس فيها بالمره رغم انها بعد منتفخه الظاهر من المرهم بنجها

والله اللي تساعدني اذا عندها خبره ويستفيد الوالد من نصييحتها وعلاجها لدعي لابوها