أصالة @asal_7

عضوة فعالة

النمسا الله يسخرلكم ازواجكم

بنات ابي اسافر فينيا زيلامسي انترلاكن ميونخ في شهر 8 او 10
ياليت تعطوني الفنادق او اماكن السكن وفي ايش تنصحوني ازور الاماكن الحلوه وايش استبعد زيارتها لان مانبي نضيع وقت وعلموني بالاماكن الي ماتتفوت هناك والمميزه وكم تتوقعون تكلف عشره ايام لي وزوجي وثنتين بناتي
وهل افضل اسافر عن طريق مكتب سياحه لاني اول مره اسافر اوروبا
وحبيت اسال الاماكن القريبه من كل وحده فيهم يعني مثلا قالولي فينيسيا قريبه من زيلامسي واستغل الوقت اشوفها يعني مثل كذا
وبعد بسال عن التذاكر يقولون اشتري التذاكر افضل الحين بالشتاء تكون ارخص
طيب كيف اشتريها بدون تاريخ لوقت التذكره بما اننا مانقدر من الحين نحدد الاجازه بالضبط من الدوام في الصيف
هل اقدر اشتريها واخليها مفتوحه الين نحدد التاريخ والاجازه او انها تظل فتره بسيطه مو فاهمه معليش فهموني هل اقدر احجز هالفتره واخليها للصيف بعدين نحدد التاريخ والاجازه
الموضوع دعيت لكم يسخر لكم ازواجكم عشان ربي ان شالله يسخر لي زوجي لانه طفشني بالموت اقنعه بالسفر وللحين اقنعه وباذن الله تتيسر

يلزم عليك تسجيل الدخول أولًا لكتابة تعليق.

تسجيل دخول

مطبخ الملحق • 9 سنوات

اللي اعرفه فينيسيا بعيدة تقريباً سبع ساعات
واللي قريبة من زلامسي كابرون عشر دقايق
وسالبورغ وميونخ بألمانيا

سعوديهـ ذوق • 9 سنوات

انتي تبين تزورين كل قرية او مدينة سمعتي فيها من غير م تعرفين المسافات بينهم ..

بتجلسين عشرة ايام حددي دولة معينة او منطقة معينة وتمشي بالاماكن القريبة منها ..

اذا تبين النمسا روحي فيينا وقرية زيلامسي واللي حواليها وميونخ ..

استبعدي انترلاكن وفينيسيا لانها شطحة ووقتك م يساعد .. وحطي بدالها سالزبورغ ..

أم يارا... • 9 سنوات

حبيبتي 10 ايام انصحك تخلين وصولك ميونخ

وعودتك منها ..

ويصير تقعدين بميونخ 3 ايام واسبوع بزيلامسي

او كابرون وخلاص كذا انتهينا...

اريح لك وفينيسيا لناس الهابقه ممكن لان مشوار

وانا بزيلامسي كلمنا شركة تسوي رحلة لها وطلعت

مبلغ ع الشخص وماتسووى علينا ورجعت وكلمنا سواق

خاص وطلع اخس من الشركة وبغينا نسافر خاصة معنا

سيارة وصادفنا قريب لنا تو راجع منها تعب وهو وزوجته

فقط وحنا معنا اطفال فينيسيا الافضل للي بيسافر لها

يروح فيلاخ كم يوم ويزورها من هناك ..

يعني خلاصته انك تخلين ميونخ وماحولها ...

أصالة • 9 سنوات

انا قصدي الوصول فينا يومين بعدين زيلامسي هي الاهم يمكن 4 ايام بعدين انترلاكن 3 ايام وميونخ 3 ايام
وش رايكم يعني نخليها 15 يوم او 13 يوم ويصير العوده من ميونخولا وش رايكم الوصول ميونخ والعوده فينا
لان اشوف الاغلبيه من فينا الوصول والعودع ميونخ للشرقيه سواء الخطوط الجويه او من البحرين لسه ماقررنا وش الافضل في رايكم وعلموني بالنسبه للتذاكر

أم يارا... • 9 سنوات

ياحليلك يا اصاله ...حبيبتي لازم قبل تسافرين

تعرفين المسافات تقرين تقارير كثيرة تعرفين

تبين تجمعين بين زيلامسي وانترلاكن احذفي فينا

وصول ميونخ وعودة فرانكفورت يصير ميونخ ليله

زيلامسي 5 ايام وكونستانس يومين و5 انترلاكن

ويومين بادن بادن لازم 15 يوم ولا بتصير هجول

ع غير سنع..

بشوف الخطوط وارجع لك