النوادي النسائيه في الرياض ياالله

فيه نادي الامير سلمان حلو مره بس والله ما ادري وين مكانه بالضبط

فوووووووووق.

في نادي مستشفى التخصصي

انا والله مثلك اختي محتاره

من فتره ماادري وين اروح

رحت لتخصصي الطبي جدا راااايق

ثلاث ادوار الثامن والتاسع والعاشر وكله قزاز على الشارع يعني مرررررره شرح وفيه مسبح

بس مشكلتهم جدولهم فيه فوضا

كل ساعه نوع رياضه

يعني مايعطونك ساعتين فيها كل انواع الرياضه وانتهينا لا

كل ساعه شكل واللي تبينه تدخلينه

ويبدا من الساعه 10 الصبح الى 9 بالليل

يعني منهو اللي بيجلس طول هالوقت علشان يمر على كل الرياضات


واسعارهم الشهر 1200 مع الفحص

واخيرا

اتمنى ماتحرميني من الدعاء لي بالذريه الصالحه


اختك بحور

في نادي مستشفى الحمادي صغير ومو شرح بس ينفع اذا ماتبغين ناس كثير وفي مستوصف راسان كمان نفس مواصفات الحمادي بس زحممممممه .. وفي افاق اللي مقابل مركز الامير سلمان بس ماقد رحت له بس اسمع عنه ... واذا اتذكرت شي رجعت اعلمك