النوعية متى تمل؟!!!

السلام عليكم
عندي صديقه قديمه
بنت حلال لكن مشكلتها الفضاوه الدائمه رغمعندها اطفال وزوج لكن الزوج دوامه طويل واطفالها كبار معتمدين على انفسهم وشغالة فدائما تحس بالملل وتضن ان الكل مثلها
وماعندها أستيعاب انا مشغوله عندي التزامات والله مالي خلق ارد
بعطيكم مثال
تدق العصر ارد تسولف معاي ساعه
اسكرها منها تلاقيني متصل بالواتس ترسل انتي متصل اجل بدق عليك اقولها عندي عشاء بسويه انا مشغولة تقول طيب اول ماتخلصين دقي ومن هنا تبدا بالواتس كل شوي ترسل الو خلصتي ادق الوو
انا تعبت منها ولمحت لها لكن والله ولاهي هنا ماادري تستغبي ولا ماهمها
هذا غير الطلعات نطلع اليوم بكرا ترسل تبي تجيني بعدها تبي نطلع سوى يعني التزامات عجيبه كأنها زوجي والله زوجي مانشب لي كذا
مشكلتها تمووووون بزياااده عادي تدق مرتين ثلاث اربع غير الواتس اللي صرت اكره ادخله لانها تشوفني متصل وترسل اااااه منها ااااااه
طبعا انا قلت ستوووب لازم خلاص اوقفها عند حدها لازم حل قلتلها الفتره هذي انا مقدر ارد عليك زوجي٢٤ ساعه موجود بالبيت عنده إجازه من دوامه مايطلع فما اقدر اكلمك اول يومين والله تعبتني ترسلي تكفين بكلمك اذا دخل الحمام او طلع يصلي وغير رسائل الواتس هااه رجع زوجك يداوم هاااه متى بيبداء دوامه بعدها ملت الان لي ١٠ ايام لكن لها يومين رجعت ترسل وتدق وتسأل والله العظيم لو هي وسطيه وماتنشب كثير ورب البيت عادي اتقبلها مشكلتها نشبه اليوم فيه٢٤ ساعه تبيني اكلمها ٨ ساعات باليوم غير الواتس والله تعرف كل شي عني بسبب سؤالها الدائم بالواتس ترسل وينك اختفيتي ارد كنت طالعه وين المكان الفلاني اختفيت شوي ترسل وينك بالحمام اختفيت وينك اسوي عشاء صارت تعرف نظام بيتي متى اصحى متى انوم
البنت ورب البيت تعبتني الله يصلحها مو حل الكذب وانه اقولها زوجي موجود ابيها تفهم انه غلط العلاقه االي كذا مو كويس النشبه الزايده
ومشكلتها من النوعيه اللي تشوف ان الصداقات تكون كذا غلط نظريتها اتذكر قبل تقريبا سنه ونص نشبت لي كذا وهاوشتها انه غلط مو كل وقت تدقين ممكن انا مشغوله عندي مالي خلق ارد زعلت وقالت ليش مالك خلق تردين هذا قدري وسحبت علي وارتحت لكن بعدها رجعت العلاقه شوي شوي برسائل واتس وكذا رجعت اول شي رسميه بعدين قالت مشتاقين ودنا نسمع صوتك بدق اسلم عليك
وشوي شوي الحد ما بدون مبالغه مكالمات بالساعات ورسائل بالواتس
عادي اصحى من النوم الاقي٥ مكالمات تلاقونها صحت الصبح طفشانه قالت تدق علي تسولف
انا طبعا حاليا مصرفتها بزوجي وماملت تدق كل يوم بس ما ارد ابي حل لازم تغير حرام والله حتى اقاربها وخواتها طفشو منها ودايم تقول يتجاهلوني اكيد بسبب مسكينه طبعها هذا
والله صرت اكره ادخل واتس بسبب انه اذا شافتني متصل نشبت وينك بدق هذاك ماصل اكيد فاضيه ودائما ماصل هي بالواتس٢٤
لازم حل والله العظيم هذا مو حل ابدا