ما عندنا مواصلة وبالأصح ما أسمح أحد يواصل بالبيت السهر واعطيهم وقت محدد ننام بعد صلاة التروايح ويكون تعشينا ثم ننام ونقوم على الساعة واحدة ونصف أو اثنين وأكون مجهزة السحور من قبل المغرب وأسخنه أو مرقة واكبس الرز فيه ثم ينامون بعد صلاة الفجر أو الصبح بعد الصلاة بساعة ساعاتين ، ثم يقومون من أذان الظهر أو قبل الظهر
يقوم الجسم أخذ راحته و يكون الجسم أنشط أما المواصلة يخلي الجسم كسلان وغير نشيط وتخرب النفسية .
ما عندنا مواصلة وبالأصح ما أسمح أحد يواصل بالبيت السهر واعطيهم وقت محدد ننام بعد صلاة التروايح...
انا بعد صلاة الفجر يادوب اقرأ شوي قران ثم اقوم للمطبخ احاول انجز بعض المهام في الطبخ للفطور ما اطلع الا وانا مجهزه صنف وخلاص الساعه تكون صارت 6 أو 8
وللاسف السنه اللي راحت كان عندي اصابه بكتفي وظهري وجنبي اليمين كله فكان المجهود يتعبني واخلص من المطبخ وما اقدر انام من الوجع ونومي كله تقطيع واغلب ايام رمضان احس نفسي مرهقه ومشتاقه للنوم لكن مثل ماقلتي مافي وقت مايمدي نخلص حوسة المطبخ الا وجاء وقت السحور خاصة احنا سكان المناطق الشرقيه الفجر عندنا يأذن بدري 😅
اول ما يخلص رمضان بخير وسلامه اعتبر النوم هو عيدي