🌸صييف وشتاء🌸 :

انا كل رمضان مرهقه ما انام زين وعلى طول اصحى اسوي الفطور وذا افطرنا غسل مواعين وبيت وتنظيف وصلاه ومايمدي اخلص الا السحور جاي وقته وذا خلصنا السحور بعده يطير النوم عني اجلس اقراء قران او اسوي شغل عندي وكذا يعني نومي قليل مرره في رمضان انام الصباح تقريبا ٨ واصحى الظهر وبعده خلاص ابدا في المعجنات وكذا وبعده صلاة العصر ووقت الفطور واخر رمضان ماننام الا قريب الساعه ١١ مدري وش السالفه كل يوم نتأخر بالنوم 😂

انا كل رمضان مرهقه ما انام زين وعلى طول اصحى اسوي الفطور وذا افطرنا غسل مواعين وبيت وتنظيف وصلاه...

وردة شرقية :

ما عندنا مواصلة وبالأصح ما أسمح أحد يواصل بالبيت السهر واعطيهم وقت محدد ننام بعد صلاة التروايح ويكون تعشينا ثم ننام ونقوم على الساعة واحدة ونصف أو اثنين وأكون مجهزة السحور من قبل المغرب وأسخنه أو مرقة واكبس الرز فيه ثم ينامون بعد صلاة الفجر أو الصبح بعد الصلاة بساعة ساعاتين ، ثم يقومون من أذان الظهر أو قبل الظهر يقوم الجسم أخذ راحته و يكون الجسم أنشط أما المواصلة يخلي الجسم كسلان وغير نشيط وتخرب النفسية .

ما عندنا مواصلة وبالأصح ما أسمح أحد يواصل بالبيت السهر واعطيهم وقت محدد ننام بعد صلاة التروايح...

زاميا :

انا في رمضان مب ضروري اغير جدول نومي اقوم الصبح ارتب البيت شوي بعد ما اصلي الظهر اقرى قران شوي ، ادخل المطبخ اسوي الحلى البارد في رمضان نفضل الحلى البارد واشوف وش اقدر اخلص مبكر واخلص علشان ما انزحم العصر واشغل لي اذكار وقت شغل المطبخ مثلا بقطع سلطه او بحشي سمبوسه او اي شي يستوي قبل بوقت اخلصه واخلي العصر بعد الساعه ٥ للامور الي ماينفع تجهز قبل عاد يفرق حسب كل يوم وش فطورنا واحاول اطلع من المطبخ كل شي نظيف مايبقى لي غير مواعين الي كلنا فيهم وارتب الصاله قبل الفطور لان العيال يحوسونها طول النهار ويوم الي اخلص مبكر ارجع اقرى قران شوي قبل المغرب وبعد الفطور اغسل المواعين وبعد الفطور يكون المكان نظيف ومرتب وابتدي اشتغل في الفساتين حق العيد الي تجيني من الزباين واشغل لي التيلفزيون لين الساعه ١٢ او وحدة ، عاد ان كنت قالبه نظامي اسهر اكثر وان كنت اقوم الصبح اكل لي شي وانام

انا في رمضان مب ضروري اغير جدول نومي اقوم الصبح ارتب البيت شوي بعد ما اصلي الظهر اقرى قران شوي ،...