النية الذكية عمرك جربتيها ·· اللهم ارزق من قرأ الموضوع من خيري الدنيا والآخرة

السلام عليكم ورحمة الله وبركاته ··

النية الذكية!!
لا طالما قمنا بأشياء ولو اننا احتسبنا بها الأجر ونوينا بها نية حسنة لؤجرنا عليها··

بكمل بالعامية :)

في كل شي نقدر ننوي فيها نية حسنة نؤجر عليها زي لمن تقومي بعادة وتحوليها لعبادة!!
متخيلين اني اعمل عادة واقدر احولها لعبادة مثلا /
الأكل عادة ناكلة عشان نشبع ، عمرك نويتي تأكلي عشان تكوني قوية وتقدري تقومي بطاعة ربك ؟
عن نفسي لا للأسف!
الجوال نشحنه عشان نتراسل نلعب نشوف آخر الاخبار ،في مرة جربتي تشحني جوالك عشان تشوفي اخبار اهلك قرايبك او ترسلي موضوع يستفيد أحد في عبادة الله!؟

زي هذي الأمثلة يعني نقدر ننوي نية حسنة بحيث نحولها من عادة الى عبادة نؤجر عليها ،

في النوم برضه نقدر نخلي نومنا عبادة لمن تقولي انا بنام عشان اريح جسمي عشان اقوم بعبادة الله وانا جسمي مرتاح!!

الخرجات نقدر ننوي نية نؤجر عليها في كل شيء
لكن احنا متهاونين هي فقط مجرد نية مايعرف عنها غيرك وغير ربك ولا بتتعب ولا شيء!

من الآن اجعلي نيتك نية تؤجري عليها ،،

مو انوي اني اشحن جوالي عشان اهاوش فلانة أو اغير توبيكي احط كلام دق في فلانة والا ارسل رسالة فيها استهزاء!

ومو انوي اني انام عشان لمن اصحى اتفرج للمسلسل الفلاني او اتابع برنامج الفنانة الفلانية ·

ومو انوي مثلا اني اعمل رياضة عشان بس انحف لا عشان جسمي يكون اقوى ولمن اصلي واصوم جسمي يكون اقوى ·

ومو اخرج عند فلانة لمجرد اني ازورها انويها نية حسنة تؤجري عليها ازورها عشان اكون من واصلات الرحم عشان ابتسم لها والابتسامة صدقة عسان لو خرجت ولاقيت شي في الطريق يؤذي احد اشيله واكون امطت اذى عن الطريق ··

والامومة كمان تقدري تنوي انك تنوي انك تجيبي أولادك عشان تربيهم على طاعة الله ويخدمون الاسلام وينصرون الدين و يكونوا دعا الله في الارض·

كمان الزواج انوي انك لمن تدعي ان الله يرزقك بالزواج انوي انه زواجك عشان زوجك يعينك على طاعة الله ·


اشياء كثيرة نقدر نخليها عبادة لكن بنية حسنة اللبس الأكل النوم اللعب كل ماتقومي به مباح

ان شاء الله من اليوم نبدأ كلنا نزلت موضوعي بعد هذا المقطع الرائع لاني كنت غافلة عن النية الذكية ··
واي وحدة حابة تضيف كيف نؤجر على اعمال نقوم فيها بسبب نية حسنة ··

http://safeshare.tv/w/mSPrbJfrmR





اللهم صل وسلم على سيدنا وحبيبنا محمد وعلى آله وصحبه أجمعين ··

سبحانك اللهم وبحمدك اشهد ان لا اله الا انت استغفرك واتوب اليك··