الهاربات من الوطن قنابل موقوته في منازلنا

السلام عليكم ورحمة الله وبركاته

ما أناقش هم ليش هربوا
لأن سبب هروبهم ما يعنينا
قي شي.

لكن الي حصل إن فيه وحده من الهاربات
فتحت لها قناه في اليوتيوب مؤخرًا
وصارت تنزل يومياتها العفنه المنحطه!

وصارت تتبكبك وتسرد قصص العنف الي
كانت تتعرض لها من أهلها!

ليش راحت لليوتيوب؟
اليوتيوب هو البرنامج الوحيد المسموح
به لكل الأطفال

عادة بقية البرامج يسمح بها للأطفال
من سن ١٣ وفوق

توجهت لليوتيوب وصارت تستعرض
حريتها..وحرية بناتها

وتقول إنها تمردت على أهلها
وعلى دينها وعلى كل شي
وصارت تستعرض وتنعم بحريه
لا مثيل لها!

العنف الي تتكلم عنه وشو؟؟؟
أب قال لها تستري
أخ قالها ليش تحطين مناكير!

ومن منا ما أهله هاوشوه
وضربوه؟

من منا مازعلت منها أمها
وماتهاوشت مع أخوها؟

لكن هي تبالغ
تبرر
تروج للعقوق

أب رباها وكبرها لين صارت ذات شأن
في المجتمع!

تزوجت وخلفت وفجأه قررت إنها مضطهده!
شفناها في فيديوات لها مع شخصيات إعتباريه
ويهوديه وأمريكيه داعمين لها
قصور وسيارات فخمه !!

الي يعنينا ننتبه لبناتنا
نوجههم
نتكلم معهم بصراحه
نفهمهم إن التربيه والتوجيه
مهو بدافع الكره والسيطره
بل بدافع الحب والمسؤوليه
آيات وأحاديث تأمرنا بتربيتهم
ورح يسألنا الله عنهم

ترى سنهم خطير
وينجذبون للحريات
وكل شي متاح أمامهم

فيه قسوه وفيه تعنيف
لكن مامعناته الوحده
تنحاش وتتاجر بجسدها

تقول الصلاه حريه
والصوم حريه
والجسد حريه

مافيه قوانين ولا حدود
الي يبيه الواحد يسويه

تستضيف أصحاب بناتها
وأولادها وينامون معهم في البيت!

تكلمواااااا مع بناتكم
ركزوا على سالفة إن هذي النوعيات
تبرر سلوكها بالعنف الي كانت تواجهه
فهموهم إنهم مستهدفين
وان أمثالهم يكذبون ويبالغون

ترى صاروا يقتحمون حياتنا
في كل وسيله
ويلقون آذان صاغيه من المراهقين والمراهقات

الله يحمي بناتنا منهم ومن أشكالهم.

لو سترت نفسها وما نشرت فضايحها
ماتكلمنا ولا نبهنا

لكن دام وصلت لبناتنا لازم يكون فيه
رد وفضح وتوجيه