اول استخدام لي للهالات السوداء كان كريم روك استخدمت علبه كامله مرتين باليوم ماحسيت بنتيجه :16:
ثاني شي استخدمت جل للعيون بريحه السمك مدري ايش اسمه بس موجود بصيدليه ادمه بس اذا تذكرت اسمه جبته يعني تحسن بنسبه 40%
بعدين استخدمت ماركه فيتشي لمده شهر مرتين باليوم واليه الحين استخدمه بعد مافيه حل للمشكله ميه بالميه يعني تحسن بنسبه 50% ماراح السواد مره ولا يشد بس فيه خط تحت عيني من طريقتي الخطأ بوضع العدسات احسه انه اخفاه شوي بس مافيه حل للمشكله نهائي :(
اول استخدام لي للهالات السوداء كان كريم روك استخدمت علبه كامله مرتين باليوم ماحسيت بنتيجه :16:...
بالنسبة لي والله لو اكتب ألكم الاشياء الي استخدمتها ما بتصدقوني ... باختصار شديد بديت باشياء طبيعية مثل خيار او عسل مع مرامية او بطاطا ..... الخ ما فيه فايده كملت بزيوت مثل زيت اللوز المر او زيت الخروع والله ناسيه الباقي ...... بعد ما استفدت منها .......
قبل فتره خذيت كريم مال زين الاتات واستخدمته شهرين او بعدين كملت مع جل من ماركه اف افلور مده شهرين او الحين احط الجل الي من ماركه فيتشي من 22 يوم بس لاحظت ان الجل الاخير الي من هاي الماركه وايد تمام شد الجفن السفلي للعين او خفف من التجاعيد الدقيقة او خفت اشوي الهالات ... انا ان شاء الله ناويه اني اكمل ...... :27:
او هاي فرصه اني اقول شي مهم نحنا مشكلتنا في عدم الاستمرار صدقوني يا أخوات في الشهر الي انحط فيه الجل تبدأ المنطقة تستجيب لهذا الجل ما نستمر عليه وانجول انه ما فيه فايده ... الحاجه الثانية انه الجل احسن من الكريم لهاي المنطقة لانه ايشد المنطقة عدل او ايخفف الانتفاخ الي تحت العين (( للناس الي ايعانون من هاي المشكله )) ..... إذا كان ما فيه اي مشكله من الكريم او الجل المستخدم ليش نقطعه نستمر وان شاء الله انحصل نتيجه .... :)
قبل فتره فيه وحده من الاخوات كانت حاطه تجربتها او تجربه امها .. وتجول انها استمرت على الجل مده 6 شهور او لاحظوا انها فتره طويله علشان تطلع الافاده واستفادت ...نحنا نستخدم شهر ونجول ما منه فايده ...
اسمحولي .... هذا اختصار حابه اكتب اكثر بس بوافيكم بالنتائج ان شاء الله بعد ما اكمل 6 اشهر ...... :D