صدى الايام الجميلة :

مين تشمت؟!! على فكرة انتي فاهمة الشماتة غلط ياحلوة يعني لو اوضح و اقول الخيانة غلط وحرام الوحدة تحب على زوجها اكون تشمت؟!!!!!!! الحمدلله والشكر هذا إنكار منكر افهمي الفرق ياحلوة الي يسمعك يقول اعرفها تعرفني ؟عشان احقد عليها يا حلوة في قاعدة شرعا لا غيبة لفاسق يعني الي يجاهر أسقط حقه في الغيبة ويحق للناس التحذير منه الي ساتر نفسه في بيته مااحد يجيه ويفضحه لكن الي جالس ع سناب يقول انا سويت وتعالوا قلدوني هذول مالهم حق لأنهم يأثرون على أجيال وممكن انتي يالي مو عاجبك كلامي وتبررين تتأثر بنتك او اختك وتقول عادي فلانة سوت والكل يقلدها وهذا كثير من الناس غافلة عنه الي جالس يبرر الغلط هو الي يحب تنتشر الفواحش و جالس يشجع الناس على الفساد بحجة لا تغتابون ارجوكم بلا غيبة وين الغيبة في الموضوع والكل عرف ؟ وكان الأولى يقولون الي سوته هذي الحرمة حرام وغلط لكن موازين وعقول مقلوبة وبالعكس دام الواحد يخاف على أهله مثلك ومشاعره مرهفة المفروض انه ينكر المنكر الي سوته هالحرمة انها حبت وهي متزوجة المفترض فيك انكرتي المنكر بدال ماتلعبين دور محامي الشيطان الي يبرر شيء فيه حد شرعي وبعدين اي أمر يظهر للعلن خلاص ماعاد فيه مجال للتغطية عزيزتي فيه مجال ممكن للتقاضي واخيرا اتمنى انتي الي تكفين لسانك عن التبرير لوحدة خاينة تطلع بكل وقاحة ع السناب وتنشر وتشجع البنات على الخيانة ويلا حبوا وانتو متزوجات وانا الي اقولك الدنيا دوارة اذا بررتي الخيانة فخافي على أعز الناس يجون يقولون لك انتي كتبتي في يوم ما في منتدى انك مع هالفعل فليش تمنعينا منه ؟ ترضين احد من اهلك تحب وهي متزوجة؟ اذا ترضين مبروك عليك واذا ما ترضين لا تبررين المنكر وقولي هذا حرام وغلط ولا المنكر ع السوشال عادي وفي بيتك حرام؟! والانسان الطبيعي له موقف واحد مهما كانوا الاشخاص اخيرا لا تعليق على تعليقك الي كتبتيه إلا حسبنا الله ونعم الوكيل و كفى

مين تشمت؟!! على فكرة انتي فاهمة الشماتة غلط ياحلوة يعني لو اوضح و اقول الخيانة غلط وحرام...

عصفوره ناعسه :) :

لا حول ولاقوة الا بالله. انتي وش فيك الواحد يمسك للسانه عن خلق الله ومن هي مي العيدان عشان نصدقها ؟ كلامها خلاص صدق ماتكذب ! ياختي خافي الله بعرضك وبعرض بناتك. ومو من حقك تحلللين لنفسك اعراض الناس شايفه بعينك خيانه ! شايفه بعينك علاقتهم ! ياختي خافي الله. الواحد يقول لا اله الاالله وموحد الله وتحاج له عند الله تقومين تقولين الفاسق ماله غيبه مو على كيفك تصنفين الناس مو على كيفك تحطين لهذا حسنات وهذا سيئات وتحللين اكل لحمه ! ياختي خافي الله بلسانك قبل الناس وعدلي حالك ومالك دخل بصحيفة اعمالهم الا نصيحه بينك وبين فلانه من الناس نصيحه مو فضيحه ! بالنسبه لدينهم لهم رب يحاسبهم علينا من اللي محاسبين عليه. اذا على المراهقات تعرفين وش التربيه تقولين لهم حرام تصديق اي شي حرام نشر اشياء ماندري عن مصداقيتها حرام ندخل بنوايا ناس مانعرفهم ولا يعرفونا وربما لهم سرائر بينهم وبين الله تنفعهم يوم الحساب ياختي الواحد مسلم ويعرف ان حرمة المسلم دمه وعرضه وماله وهم مسلمين ويقولون لااله الاالله. والا الوحده. جت سالفة زواج وطلاق خلاص انهبلت وقامت تحلل لنفسها الكلام ! لا حول ولاقوة الا بالله.

لا حول ولاقوة الا بالله. انتي وش فيك الواحد يمسك للسانه عن خلق الله ومن هي مي العيدان عشان...