الهام الفضاله مب احلى منا ..حتى نحنا نعرف نسوي رسمه عينها ..ادخلوا واتفننوا

خوااتي ..
ان كنت تحبون مكياج الهام الفضاله باللون الاسود والتركوازي المزرق..حياكم الله ..

ضروري هاي الفرش اللي نحتاجها...

من ماركه ميك اب فور ايفر فرشاه 14S والفرشاه رقم 2s
من بودي شوب فرشاه ايلينر رقمها 063913وفرشاه للتخلص من البودره السائبه 063907

القلم الاسود الفحمي من:
MAC -SMOLDER EYE KOHL CRAYON KHOL
اللون البيجي من ريفلون
WET/DRY SHADOW Ombre Double Effet
اللون التركوازي المزرق من لانكوم
color focus ombre mono finess - 351 Masame Butterfly
HR DAZZLING NEON 12 من
COLOUR FUSION MONO

الخطوه 1
ول شي توزعين الكريم الاساس والبودر , فوق الجفن وتحت العين ... وتجيبي اي بودره سائبه انشالله من ماركه رخيصه تخليها بس عشان تنثري البودره في المنطقه اللي دايما تسبب اللهالات السودا ..عشان اي الوان وظلال غامقه استخدمتيها واتناثرت ..تنزل على البودره السائبه..ونحط الون اللولي تحت الحاجب والاصفر عند عظمه العين ..يعني الخط الفاصل بين الجفن المتحرك والثابت وتحت الرموش السفلى من اول العين للخارج..وبتسالينى ليش بعد هالمره استخدمته الاصفر وتحت الرموش السفلى.. ..خليها مفاجاه؟؟؟.

الخطوه2
شفتي جذور رموشج السفلى عند الزاويه الداخليه للعين مب فيه خط فاضي ما فيه ولا رمش...ايوه بالضبط ...الحين بري القلم...,ويبي صبعج وابعد شوي عن الزاويه الداخليه وحطي نقطه بالقلم مسافه سم ..الحين اسحبي جلده عينج لتحت ارسمي خط رفيع مائل وانتي ضاغطه عالقلم الاسود من المنطقه الفاضيه للنقطه اللي رسمتيها .

الخطوه3

بنفس طريقه سحب العين للخلف السابقه اللي تمطينها للزاويه الخارجيه للعين اتذكرتي......بري القلم الاسود ...وارسمي خط رفيع تحت جذور الرموش السفلى من وسط العين .لين الخط الفاضي اللي ما فيه رموش...وواقفي خذي نفس عميق ..وا.سحب جلده العين لتحت..وكملي مده الخط وانت تميلين لتحت وتلصقين الخط اللي رسمتيه من وسط العين للخط المائل اللي رسمتيه سابقا بالاسود .

الخطوه4
شفتي الخط اللي رسمتي وسط العين.؟ بنفس سحبه العين للخلف كمليها ..من وسط العين الى الزاويه الخارجيه للعين وطلعي الخط شوي على برع ..بخبرج ليش بعديننننننننننننن.

الخطوه5
والحين بعد ما خلصنا من اهم خطوه ...نروح للجفن العلوي ونغمض عينه اللي بنرسمها و
بنفس سحبه العين واسحبيها من خاطرج هالمره للخلف ونرسم ونحنا ضاغطين بالقلم فوق جذور الرموش العليا خط مستقم من الزاويه الخارجيه للعين الى الزاويه الداخليه وننزل بالخط بتلاقين نفسج وصلتي للخط المائل ...افتحي عينج ..شو تلاحظين لصقتي الخط الي جاي من الرموش العليا بالخط المائل اللي رسمناه اول شى وقفلنا الرسمه عند الزاويه الداخليه للعين .

الخطوه6
نستخدم الفرشاه اللي مثل الالوان المائيه اللي من ميك اب فور ايفر ورقمها رقم 2sونموهه الخط اللي تحت الرموش السفلي من الزاويه الداخليه للعين وانا ساحبه جلده العين لتحت ...الى الخارجيه الزاويه الخارجيه للعين وانا ساحبه العين للخلف.

الحين الغاليه انظري لفوق وخلج ساحبه عينج للخلف شفتي الخط اللي رسمتيه وانتي تكملين رسمه العين من الوسط للخارج وقلتلج طلعي الخط لبرع؟؟؟
اتذكرتيه ..بالفرشاه رقم 2sاللي بعدها في ايدج واسحبى الخط لفوق عند نهايه جذور الرموش العليا للزاويه الخارجيه للعين والصقيها بالخط اللي رسمتيه فوق الرموش العليا .

الخطوه7
بنفس الفرشاه موهي الخط اللي فوق العين من الزاويه الداخليه الى الزاويه الجارجيه ونفس ما علمتكم من قبل كانكم تكنسون لفوق ...صارعندج ضباب فوق العين وتحت العين صح؟؟؟
استخدمي الفرشاه وحطي ايشدو لون اسود شوي بس... ووزعي اللون يمين ويسار ووبحركات دائريه ووزعيه لبرع.. بس بس ديري بالج توصلين عند عظمه العين .

الخطوه8
يبي اسفنجه الاشدوه اللي مثل قطن الاذن واستخدمي اللون التركوازي من لانكوم ووزعيها ابعد شوي عن اللون الاسود ونظفي الفرشاه 14S من الاشدو الاسود السابق وموهي الون التركوازي كانج تكنسين لفوق وطلعي لبرع الزاويه الخارجيه للرموش االعليا و وطبعا اندمج اللون بلاصفر الفاقع ..شو طلع اللون؟؟؟؟؟؟؟؟؟؟؟؟؟؟
المفاجاه ..لون اخضر عشبي فاتح ..صح وفوقه البيج اللولي تحت الحاجب .

الخطوه9
بالفرشاه رقم 2s ونفس اللون التركوازي وزعيه فوق الون الاسود الدخاني اللي بالقلم لين الخط اللي ما في رموش لالالالالالالالالالالالالالالالاتنسين وطلعي لبرع طبعا بيندمج مع الاصفر والنتيجه لون عشبي فاتح تحت الرموش السفلى.
ومدي اللون التركوازي لبرع واسحبيه لفووووووووق والصقيه باللون التركوازي اللي طالع من الرموش الخارجيه .وادمجي اللون اللي طالع من الزاويه الخارجيه للرموش العليا والسفلى بواسطه الفرشاه 14S


الخطوه10
جيب الايلينر المائي وبالفرشاه الرفيعه لايلنر من بودى شوب وارسمي خط مائي بسسسسسسسسس في وسط العين ...وبسرعه قبل لا ينشف عليج مديه للزاويه الداخليه للعين ولا تنسين تسحبين جلده العين لتحت .. اهم شي وبالذات هالمره عشان يكون واضحه الرسمه ويبي الفرشاه 2s وموهي بسرعه اللون الاسود المائى شوي بس باللون التركوازي
ونفس الشى فوق ارسمي خط بالايلينر من داخل العين للخارج وموهي بالفرشاه 2sمع الاشدو الاسود الي فوقه يكون اللون التركوازي ..ونجحل العين بالقلم الاسود .
وحطي مسكرتج المفظله نفس الطريقه اللي علمتها لكم + وتنظفون البودره السائب بالفرشاه الكبيره لان اكيد اتناثر فوقها بلاوي عرفتوا ليش نخلي الاساس اخر شي عشان الوان كيلوباترا اللي استخدمناها اليوم لرسمه العين

ادري وااااايد طولت عليكم بس انشالله اكون توفجت وشرحي كان وااااضح للجميع وبالذات لاختي لازورد البحر ...جربوا وردوا علي شو صار معاكم ...