هدية ما بعد الولاده معروفه عندنا ويسمونها الطلاعه ( يعني طالعه من النفاس ) وفيه بعض الرجال خصوصا هالوقت ما يعرفونه ولازم تذكرينه بها بطريقه غير مباشره وانا اول حمل لي سقطت لكن زوجي جزاه الله خير عطاني طقم ذهب غالي عشان كذا حلفت عليه انه ما يعطيني شيء بطفلي الاول لكنه اعطاني هديه غير متوقعه ( كفالة يتيم ) وهي احلى هديه .

انا سافر بي زوجي بعد ماطلعت من النفاس ؟؟؟؟؟؟؟؟؟؟؟؟؟؟؟؟

انا زوجي ما اعطاني شي بالرغم من ان فايز طفلنا الاول

وانا ما زعلت ولا شي ... اصلا الهديه اذا ما جت من خاطره مو حلوه اجي واقول له ما جبت لي هديه يا فلان .. وجب لي وجب لي

صحيح الهديه تفرح الزوجه كثييييير ... لكن وقفته معي في الولاده وشوفة الدموع في عيونه اول ما طلعت من غرفة الولاده تكفيني سنيييييييييين

والله يوفقك

عني بصراحة افضل زوجي مايعطيني شي او على الاقل يعطيني فلوس بدل الذهب


بس المشكلة وين ؟؟

المشكلة في المجتع اللي حواليني يعني لما تسألني امي او وحدة من خواتي ( وش جاب لك طلاعة ؟ ) اكيد بحس باحراج شديد عاد تعرفون ميانة الاخوات والاخوان وتعليقاتهم حتى لو كانت مزح وانا انسانة حساسة وانجرح
بسرعة

مابي احد يقول عن زوجي بخيل او ظروفه ما تسمح مع انه ولله الحمد مو من هالنوعين ابد ومواعدني بهدية حلوة بس اكيد بتكون ذهب وانا ما ابي الذهب افضل الفلوس بس وش اقول للناس عطاني فلوس ماراح يصدقون ولا حتى يرحمون من التعليقات والمشكلة انهم اقرب القرايب

والمشكلة الثانية موجودة عند ام زوجي هي من النوع الكريم بالمرة وماترضى على ولدها يجيبني من بيت اهلي من غير طلاعة عشان كذا حتى لو اتفقنا انا واياه اننا نسافر بالفلوس بدل الطقم مارح احد يعذر

انا عن زوجى اول ولاده لى جابلى طقم ذهب وكان من الى ابيه يعنى كان يسالنى قبل الولاده من بعيد لبعيد وماكملت شهر من ولادتى الاوهو الله يسلمه جايبه لى .. عاد ان شاءالله انا الحين انا انتظر هديه المولود الثانى ان شاءالله
الله يسهلها على اميين
وحتى لو ماكانت ظروفه ماتسمح اعتقد راح يجيبه حتى لو كان شى بسيط لانه كان فى ذكرى يوم زواجنا كانت ظروفه ماتسمح وانا فى امريكا بس مع ذلك جابلى هديه بسيطه ساعه رخيصه بس والله انها غاليه وفرحت انه مانسانى حتى وظروفه ماتسمح و انا كنت مستعده بطبخ غير شكل وكيكه مسويتها من نفسى ومزينتها
واعتقد انها ضروريه فى مجتمعنا واتذكر اختى لما ماقدر زوجها يشترى لها راحت اهى وشرت طقم من فلوس الودلاه يعنى كانت عاذرته