كيكفن
قبل دقايق طلعت صينية هالهريسة من الفرن
وحبيت اورجيكم اياها
معلش الصور صغيره لانها مصورة بكاميرا الماسينجر
شوفوها وقولولي رايكم :22:
اعطيكم بالاول المقادير:
4 اكواب سميد
2 كوب طحين
2 كوب برش جوز الهند
1 كوب سكر (اللي بيحبها حلوة اكتر يحط 2 .. بس انا ما حطيت عشان القطر حلو)
2 باكيت زبدة
من ربع الى نصف كوب حليب
علبة زبادي
2 باكيت بيكنغ باودر
لوز مقطع للتزيين
الطريقة:
نخلط جميع المواد الناشفه مع بعض (سميد + طحين + بيكنغ باودر + جوز الهند + سكر)
نضيف الزبادي والحليب والزبدة
نعجنها حتى نحصل على عجينه متماسكه وما تكون كتير ناشفه
ندهن صينية .. ثم نفرد العجينة فيها
نكون شاعلين الفرن مسبقاً
بنحطها 10 دقائق من تحت وبعدين بنطالعها من الفرن وبنقطعها مكعبات وبنحط اللوز
بنرجعها على الفرن وبنشعله من فوق لحتى يحمر وجهها
في هاي الاثناء بنكون حضرنا القط (الشيرة) ... واللي بدها الطريقة تطلبها وانا حاضرة
نخرج الصينية من الفرن ونتركها قليلاً ثم نضيف القطر
وصحتين وهنا
وهاي الصور يا أخواتي يا حبياتي :)
قولولي رايكم
