السلام عليكم و رحمة الله و بركاته
خواتي العزيزات اذا سمحتوا تعطوني طريقة الهريس با لهريس الكويتي و ما عليكم أمر يعني اذا يحتاج نقع ؟ وش كثر يجلس على النار ؟ هل يحتاج ماء كثير؟
معليش بتعبكم معي لكن الهريس عقدتي و ابغى أظبطها قبل رمضان
كني بزودها أشوي لاكن انا عارفه منتب خاذليني
:39: أبغى الطريقه هريس دبي ؟
ولي ترد علي بدعيلها دعوة زييييينه :D
فزعتكم أها لاتخلوني :(
يلزم عليك تسجيل الدخول أولًا لكتابة تعليق.
هلا اختي أم حمد القطرية يجزاك كل خير و يعطيك العافيه
عند سؤال : مقدار الماء ؟ يعني 5 كاسات هريس و دجاجه كامله و الماء ؟
معليش بتعبك معي تحمليني :39:
عند سؤال : مقدار الماء ؟ يعني 5 كاسات هريس و دجاجه كامله و الماء ؟
معليش بتعبك معي تحمليني :39:
um hissa
•
معليه أم حمد القطرية ,,, قدر الهريس كيف شكله ؟ هو اللي كأن له رقبة مفتوحة وهل يوجد في كل مكان في الدوحة ؟ <------ ما تعرف كوعها من بوعها في الطبخ , بس تبي تحاول :)
ايه نعم ام حصه مثل ما وصفتي
اختي الماي وايد يعني تحطين فوقه ضعف الكميه واذا نشف تحطين عليه ماي مغلي هذيه تتعلمينه بالتجربه
اختي الماي وايد يعني تحطين فوقه ضعف الكميه واذا نشف تحطين عليه ماي مغلي هذيه تتعلمينه بالتجربه
الصفحة الأخيرة
المهم عندك جدر الهريس
اخذي قمح الي منزوع القشره خمس كاسات ودجاحه له مش مثلج مبرد او طازج
حطي الدجاجه في القدر وحطي فوقها ماء تغلي شيلي الزفره وبعدين خليها على نار متوسطه
لمدة ساعه
بعد الساعه تكونين غاسله القمح شيلي الدجاج وشيلي عنه العظامه ورجعيه في القدر وحطي فوقه القمح خليه ساعه على النار متوسطه وبعد ين حطي الجدر في الفرن نار خفيفه يترسا
حق رمضان ابدي العشر الصبح
12 ادخله الفرن الساعه اربع اطلعه للضرب والغراف
وبالعافيه