الهم ذاااابحني.............

بنات مرررره نفسيتي زفت كل يوم اسوء من الي قبل كل مره أحاول اتجاهل الي يصير معاي من ضيق وحزن وهم بعد وفاة زوجي بس مو قادره بس لو اهلي وقفو معاي شوي يمكن ساعدوني ان نفسيتي تتحسن لاكن للأسف ما الومهم اتحملوني انا واطفالي سنه و اثنين لاكن بعدها ملوووو
المهم انا ساكنه بشقه بعمارة اهلي وبنفس العماره ساكنين اخواني اثنين وحريمهم كل واحد شقه وامي واخواتي بشقه اخواني من بداية رمضان كل يوم كل واحد يخرج حرمته وعياله مولات ويتمشون الله يهنيهم بس محد يذكرني انا وعيالي والله ولا احد يقول اطلعكم تشترون للعيد!!
امي واخواتي عندهم سواق خاص وسياره خاصه لهم والله يطلعون يوميا أسواق ومطاعم اقولهم اذا بتخرجون قولو لي ولاحد يقولي احس بقهررررر قلت لامي ابغا السواق يوديني المول بشتري قالت روحي مع تكسي كلها 20 ريال تدفعينها الشوارع دحين زحمه لو تخرب السياره محد بيصلحها !!! واحيان كثير اروح مع تكسي وهم لا بسيارتهم!! وكله حلال ابوي الله يرحمه السياره ابوي جابها والسواق يعني زي زيهم بس ما اقدر اقولهم كدا يقلبون علي!!
انا ما انكر أحيان بعد ما اشحدهم ان السواق يوصلني واشوف امي تتضايق اني اطلبهم مشوار يخلون السواق يوصلني بس اشوف انهم مايبغون ويتضايقون لما يطلعون البحر او حديقه اروح معاهم وانا احس اني طالعه على ظهورهم وطول المشيه مو مرتاحه لانهم متضايقين مني انا وعيالي بس مجبوره اتحمل عشان عيالي يغيرون جو
والله اختي الصغيره بأول متوسط أحيان بنص اليل تبغا بقاااااله!! مو شي ضروري يقولو لسواق روح جيبه لها واحيان بس تبغا اسكريم ويروح السواق يجيبه
مرررره مقهووره !!!! ماديا مو حتاااجه احد بس يحسسوني اني منهم وفيهم زي زي باقي اخواتي تعاملهم معاي كاني غريبه مره طلبتهم السواق يجيب حليب لولدي من الصيدليه راح والشرطه اعطته مخااالفه امي زززعلة وقالت انتي سددي المخالفه برغم واحدمن خواني يعرف واحد بالمرور وقطع المخالفه بس جلسو شهرر يجيبو سالفة المخالفه دي
ودحين صرت اقولهم اذا رحتو قولولي بشتري لعيالي يعني ما ابغا السواق يروح عشاني اذا رحتو اروح !!وقبل شوي راحو اخواتي للمول بعد العشاء وللان ماجو!!
مررره مقهووره وحزينه على حالي لما كان زوجي موجود الله يرحمه والله كنت ازعله أحيان عشانهم ولما اخرج او اسافر اخذهم معاي مانسيتهم وغير الهدايا الي كل مارحت مكان اجيب لهم لانهم اهلي ماكنت بتوقع انهم بيتغيرون علي لما احتاجهم!! مرررره نفسيتي ززززفت