الهم ذبح اختي وبيذبحني

الموضوع يخص اختي الله يفرج همها ويرفع عنها الظلم اللي هي فيه
من غير مبالغه وهذي شهادة كل اللي يعرفونها والله احنا خمسة اخوات ما قدرنا نصير زيها انسانه مختلفه قلبها ابيض ويوسع الكل والكل يحبها ويموت فيها من اخلاقها العاليه الغير طبيعيه الضحكة اللي ما تفارق وجهها والفرفشه ولين الجانب وحبها للصغار قبل الكبار وقبل هذا كله التزامها الله يثبتنا وياها
قصتها طويله باختصرها لما كانت في اول ثانوي خطبها ولد خالتي وعنده بنتين من زوجته اللي طلقها كان دايما بينهم مشاكل ومعروف عنها انها كانت من النوع اللي تبغى كل شي على مزاجها بنته الكبيره عمرها 3 سنوات وهوبصراحه ما كان كبير لان ابوه زوجه وعمره 21سنه لانه هو الوحيد بين 3 بنات ولما خطب اختي كان عمره 25 سنه طبعا ابوي قال البنت صغيره بعدين تعال ونشوف والراي الاول والاخير للبنت.
ابوي كان من جوا نفسه مقتنع لأن الولد كان ناجح بمعنى النجاح في دراسته ووضبفته وشخصيته الكل كان معجب فيه ومثله ما ينرفض وبصراحه احنا تفاجئنا انه خطب لأن اختي لسا صغيره فذاك الوقت وامي احتارت في القبول او الرفض لاكن قالت لأختي انتي الحين باقي تدرسين وما فيه زواج لحد ماتخلصي عالاقل الثنوي وبعدها كيفك هذاك الوقت القرار راجع لك واختي ما اخفيكم مسكينه راحت فيها من التفكير واستخارت كثير طول السنتين الباقيه وتقول احس ماني عارفه ايش اسوي فقلنا اللي فيه الخير يقدمه الله دامك استخرتي وبصراحه ترددها كان بسبب انه مطلق وعشان هو ولد خالتنا نعرفه عصبي حبتين وعشان اهو جميل و الدلع اللي كان فيه لأنه الوحيد .لاكن قلنا اكيد كبر ولتغير وصار عنده تجربه وهو متعلق في اختي
راحت السنتين وهو مازال متمسك وقبل يبدا الترم الثاني من اخر سنه رجع للمره العاشره وقال انا متمسك فيها لأخر لحضه وطلب الزواج في الأجازه وسبحان الله مشت السنتين وبسرعه واختي حست بالراحه عشان شافته مره مصر عليها ونجحت في الثنوي وبتفوق وتم الزواج وكان كل شي تمام وسافرت شهر العسل واحنا بنموت على صوتها واتصالاتها وهي قليل تكلمنا طبعاً عرسان
مرت الايام ورجعت في بيت خاص لها بس جنب اهل زوجها اللي هم خالتي وضرتها وبعد شهرحملت وتوحمت وحم غير طبيعي وتعبت في حملها ومع ذالك ما كانت تعترض دخول اهله واخوانه لبيتها لانها كلمته في الموضوع فقال لها انا وحيد اهلي وهم محتاجيني على طول فلازم نكون كذا ولا عاد تكلميني في الموضوع ابداًاتخيلو كانت في بيت وكانت ملزومه تطبخ لهم كل 3ايام لما يمرها الدور بعد خالتي وضرتها
وكانت خالتي زي العسل معاها ولدت اختي ولد زي القمرو من هنا بناتها بدوا يسوون حركات استفزازيه وهي مستحمله وكل ما قالت له قال اخواتي ما يسوون كذاوصارت اول مشكله كبيره بسببهم والكل لاحض لدرجة انه قال لاختي لمي عفشك باوديك لأهلك انجن زوج خالتي لما دري تحلف لي اختي انها سمعت صوته من البيت الثاني وهو يهاوش ولده عاللي سوا في اختي رجع لها زوجها وانهى الموضوع سبحان الله زوج خالتي كان يموت على اختي بشكل غير طبيعي لدرجة ما ياكل اذا ماهي جالسه معاهم وبصراحه كانت ضرة خالتي انسانه حبوبه بالمره وكان عندها ولد وحامل ودارت الدنيا وصار حادث على زوج خالتي ودخل المستشفى وجلس ايام قبل لا يموت الله يرحمه وقبل لا يموت طلب يشوف اختي وجلس يسولف معها وبعدين اخذ ولده على انفرادقبل يموت بلحضات تخيلوا وش قال اول شي و وصيتي لك ام هتان يقصد اختي يقول لو تزعل الناس كلها لاتزعلها هذي نور بيتكم ام الوجه البشوش ما اشوفها غير مبتسمه وراضيه ودعا لها ومن هالكلام زوج اختي قالها اللي وصى فيه ابوه بعدين ومن هنا بدت المعاناة بجد اولها لما قال بنطلع من بيتنا ونعيش عند امي حاولت معاه لاكن لا جدوى قال تبغين تجلسين في بيتك انا ما راح اجلس وانام هنا وامي واخواتي وبناتي لان خالتي حاضنتهم واخوانه اللي من ابوه ولدين وبنت لأن زوجة ابوه ولدت بعد موت زوجها ولد وبنت وانتي اذا عشتي معاي راح تعيشين معززة مكرمه والايام الجايه بنبني بيت اختي فكرت قالت عشان ما يتشتت وافقدة طول الوقت عند اهله وبصراحه ما كان مزعجها احد لا خالتي ولا ضرتها غير اخواته الثلاثه اللي تطلع منهم شوية حركات احيانا ومن تحت لتحت لأنهم يحافون من اخوهم .بدت المشاكل تقول صار عصبي بزياده وتغيروا الناس اللي حولي خالتي وبناتها صرت احس ان احنا اعداء وصارت خالتي تسوي حركات تسويها الضره بضرتها والله صارت تغار بشكل غير طبيعي على ولدها مني وتتعمد تاذيني وتجرحني لأن ولدها حلو ومن هالكلام وبصراحه اختي جمالهاعادي اهو متفوق عليها بصراحه وهذي بحد ذاتهامشكله لدرجة انها توصف له البنات الجميلات من اقاربنا وهذي كبرت وصارت وهذي وش الجمال وهذي الشعر ومن هالكلام
وهي صابره ومحتسبه وكل ما قالت لزوجها شي قال هذي امي ما ابي تقولي ولا شي عنها لازم تتحمليها ..و.صار في حياتها مشاكل كثير يعني المشكله ان اختي صار عندها بنت وولد منه وكل ما كلمته يوديها اذا صار بينهم شي يقول تروحين وما ترجعين وعيالي ما تاخذينهم طبعا هذي نقطة ضعف في كل ام واختي بزياده مره كلمت امي وهي عنداهلي فقالت امي خليه يجي ابوك يكلمه اختي انجنت قالت لا هذا بياخذ مني عيالي وما عاد اشوفهم قالت امي خلاص انا اكلمه امي ما حبت تعدي الموضوع بالساهل كلمته وابوي طبعا ما يدري في الدوام امي تقول مرد علي كثير بس قال خلاص نتفاهم بعدين اجي واخذ ام هتان واذا ما تبي
اخذ عيالي يعني يقولها بأسلوب مؤدب عشان امي خالته ما شفتوا ايش صار لاختي انهارت انجنت امي تقول خفت يصير لعقلها شي وما عاد فكت بنتها وولدها امي تقطع قلبها عليها وقالت لها سوي اللي يريحك يا بنتي ما ودي اكون انا سبب تشتيتك من عيالك اختي كلمته تجلس عند اهلي كم يوم خلاها شهر وبعدين رجع لهم واخذهم وابوي على باله انه مسافر وعلى ذالحال تكلم امي وامي تصلح الوضع دايما بينهم من غير تدخل ابوي لأن لو يدخل ابوي بصراحه ما راح يصير طيب لأن ابوي انسان جاد وهو انسان عصبي سريع الغضب ممكن يطلقها في لحضه وهنا عرفنا ان المشكله ما كانت من زوجته الاولى المشكله منه اهو عشان عصبيته طلقها وهو ضامن ان فيه احد بيحضن له اطفاله طبعا بدأت المشاكل تزيد وصار ما يجلس معاها اغلب الوقت الا كله مع امه واخوته واختي ما يعرفها الا في الغرفه وقت النوم وهي تحاول تلم المشاكل عشان عيالها لنها صار عندها3اولاد وبنتين ومع ذالك ماحد داري عنها اقصد زوجها اللي اذا رضي فلها منه الرضى وهذا نادر واذا سخط الله يعينها وصار ما عد يتكلم وهو اصلاً من اول كلامه بالقطاره تقول اجر منه الكلام جر يعني التفاهم متعب وتقول كنت اقول يمكن عشان المسؤليه الكبيره اللي عليه لاكن الحين زوج اخواته ونشبت لها امه وكان هو المسؤل عن ورثهم وبصراحه تعب عليه واستثمره لهم وما قصر واخوانه من ابوه مازالوا معاها هم وامهم وطبعا بناته الحين صبايا وقال بيبني بيت فرحت قالت اخيرا ويا فرحه ما تمت بيت كبير وللكل وهي من ضمنهم في غرفتين وحمام فقط هذا اللي طلعت به
عيالها الثلاثه الكبار ابتدائي الحين واختي صابره ومحتسبه عشان عيالها اللي هم روح روحها كان لما يزعل تخيلوا يزعل بالشهور وما عاد يكلمها حتى السلام واذا جات تتناقش معاه على طول كلمته جاهزه اذا موعاجبك روحي بيت اهلك وخلي عيالي لا تقولون انتوا السبب من البدايه تعود على كذا .هو اصلا ما ينفع معاه اي طريقه غير كذاولا تقولوا مخليتوا احد يتدخل لان ما احد يعرف شخصيته كثر اختي ما ينفع معاه لا طيب ولا قوه وهي ما تبي تخلي عيالها بأختصار ضحت بنفسها عشان عيالها تقولي دايما لما تضيق علي الدنيا من جهته اروح لسجادتي وتهدا نفسي واتذكر ان عندي عيال احبهم ويملون علي وقتي واشوف الدنيا فيهم انسى الهم اللي انا فيه واخليه الين يرضى ويرجع لي ويا سرع ما يزعل على اتفه الاسباب وبالشهور واذا جلست معاه تتفاهم على ايش الزعل يقول انتي اخطيتي وخليني لا تكلميني ويسحب الزعله بالشهر والشهرين والثلاثه ولا وبعد ما فيه خروج خاص فيها لازم جماعي السوق الاماكن العامه المطاعم نادر واهله لهم الأولويه يعني لو بغت تروح لأهلي واحد من اخواته بتجي ما يوديها لأهلي عشان اخته لما اقول لها الله يعينك عليه تقولي هو صح شديد مره معي بس ما يعطي اهله فرصه يقولون عني شي
وفي مره انتقطعت عنا اخبارها لأنها ساكنه بيت جديد ما دخل الهاتف الثابت ذاك الوقت والجوالات جوالها وخالتي انقطعت وما عاد شفناها مده امي قلقت مع انها كانت تكلم بجوال غير جوالها وما تطول اذا سألتها امي تقول ان زوجها عنده سفريات كثيره هاالايام واول ما يرجع بتزورهم واول ما زارتهم يمكن بعد شهرين مع انها ساكنه قريب منهم امي ما ارتاحت فحلفتها تقول ايش القصه مع ان اختي ما كانت تبغي تعلم قالت لها بصراحه لقيته يكلم وحده بالجوال اخر الليل وواجهته ارتبك وقفل وبعدين ثار فيني يقول انتي تتجسسين واختي على نياتها كانت نازله اخر الليل عشان تغشل رضاعة بنتها تقول ما عاد خفت منه قلت له كلام خليته يحس انه حقير بتصرفه هذا وحتى اهو ما عاد قدر يتكلم وراح ونام مع عياله في غرفتهم واليوم الثاني قلت له ودني لأهلي قال تخلين عيالي قالت الا اروح وبعيالي ولا تطول شعره من واحد منهم قال يكون خير وراح ولا رجع الا اليوم الثاني مع ان اختي كانت مجهزه الشناط وطول الوقت تستناه واهو شكله هارب من المشكله ولما رجع قال لها ما فيه خروج وفصل جوالها وجوال خالتي النذل عشان ما تقدر تكلم اهلي وعشان امي ما تكلم خالتي تطلب اختي وعلى ذا الحال لمدة شهرين واختي مربطه الشناط وتقول ما يناضر في وجهي من اللي عرفته عنه واخيرا رجع واعتذر لها وجاب لها هديه على باله بتنسى واما سألته ليش الغزل هذا اسمعه لغيري وانا اللي ذابحه نفسي عشانك واتمنى اسمع منك سوالف او كلام حلو ولا بيننا اي لغة حوار او تفاهم قال لها ما ادري هفوه وسامحيني اختي تقول انا مشيتها وانا عارفه انه يحسبني مصدقته هذا المغرور
والى الأن وهي في هم ما يعلم به الا الله منذي العيشه اللي تقصر العمر وعلىنفس الوضع يختلق المشاكل ويزعل بالشهور واذا جات تتفاهم معاه انسان مقفل تقول لي انا خلاص تعودت على هالحياة انا صابره واهم شي اني احس براحه اني وسط عيالي ودايما تقول انا اللي يخليني كذا هو اني استخرت كثير قبل الزواج وان شاء الله ما يضيع تعبي والضغط النفسي اللي انا عايشه فيه عند الله
ايش رايكم في ذي العيشه وايش رايكم في هذا الزوج وايش الحل
لأنها احيانا تنهار وهي تفضفض ليا المسكينه هما يهد جبال والله اني ادعيلها وادعي عليه احيانا انصاف الليالي وعلى استار الكعبه وف كل وقت وامي واخواتي
الكل عارف حالها لاكن ما نقدر نسوي شي بسبب حبها لعيالها هل فيه امل يتغير اويتعدل يالله والله اني لما اكون مبسوطه مع زوجي اتذكرها احزن انا واخواتي ما نقول على طلعاتنا و مشاويرنا مع ازواجنا ولا نبين لها راحتنا معاهم عشان ما نزيدها المسكينه
ذبحني همها الله يفرج عليها
من جد اطيب انسانه مع اعقد انسان
الله يخليكم ادعوا لها فظهر الغيب ان الله يحنن قلبه عليها ويرده لها رد جميل ويصلح احوالها مولازم تردون بس ارفعوا الموضوع لعل فيكم من اقسم على الله لأبره اللي تقرى قصتها تدعيلها .