تعاملي معها بحزم
ولو قالت لك ماعندي قولي لها طيب وش اسوي اتسلف
حجري عليها ولا تخلين لها وقت تتعذر

يعني من الذوق انها ترد حتى لو ماعندها تتسلف علشان ترد الفلوس

اذكر فيه وحدة حصل وانه بطريقة معينة امي سددت عنها شئ بقيمة خمس الاف
وهي لا تقرب لنا ولا شئ
والوالدة تطلبها الفلوس وتقول ماعندي ان شاء الله نبي نبيع السيارة ونسدد لكم
و هذي عندها طباخ و سواق وشغالتين وساكنة في قصر
سبحان الله

وغيرهم كثير . ياخذون الفلوس بعدين يقولون للوالدة حللينا ماعندنا
وفي نفس السنة تروح تسافر برا السعودية هي وعيالها

بس الي يبرد حرة امي انها ترسل رسالة تقول
الله لا يحللك ولا يبيحك دنيا وآخرة

وتقول بقلبي محللتها علشان الاجرلي في الآخرة مو حب فيها
لكن تقول لها كذا لان هذي الأشكال لازم تتوقف عند حدها

واذا كان الشخص فعلا محتاج وماعنده فلوس وتحلل منها
تقول له انت بحل في الدنيا والآخرة

ارسلي لها ماسيج
وقولي لها
محتاجة الفلوس يا ام فلان
الدنيا مالها امان وبكيفك لو صار شئ فالفلوس في ذمتك

والله يرد لك حقك

صراحه ذا الزمن نصيحه لاتسلفين احد

الله يعينك ياختي
هذا اخرة الثقه بالناس
صار معي زي موقفك بس الحمد لله ان المبلغ اللي سلته قليل مره
كان الله في عونك

لا حبيبتي لاترسلين مسج ولا شئ هذا حقك روحي وقولي لها ردي لي حقي ولا بدعي عليك دعوه تتندمين عليها وهذا اخر حل اول شئ قولي لها بحزم وصرامه مو كانك تسالينها تقدرين ولا لا قولي انا برسل لك احد وعطيه المبلغ اذا مافاد قولي لاتنهين علاقتنا مافاد نفذي اخر شئ

قال تعالى...اكتبوا..يجب أن نكتب أوراقا في تعاملاتنا المادية..أضمن لنا

وكي لا نعاني الأمرين من شخص مددنا له يد العون يوما ما..

الله يفرج همي وهمك.. وهم كل مهموم يااااااارب