الهم والغم وش يسوون فيك .. ادخلي اعلمك اذا كنتي تحبين نفسك

السلام عليكم
الهم والغم وش يسوون فيك .. ادخلي اعلمك اذا كنتي تحبين نفسك ..

اول شي
الحالة النفسية مرتبطة ارتباط كبير بالحالة الصحية
اول شيء قلبك يتضرر .. جهازك الهضمي كله يتأثر المعده القولون .. الهرمونات تتلخبط .. الغده الدرقية .. تكيسات مبايض .. بلاااااوي كل شي
غير شكلك جماااالك كله يروووح .. شعرك يشيب
وجهك يتجعد
الضغط النفسي يسبب كل عله
ياما ناس انجنت .. ياما ناس ماتت .. كله بسبب القهر


وعلشااااان ميييين؟؟؟؟
علشان حتى لو كان اقرب الناس لي مثل اهلي او زوجي ولا اهل زوجي ولا عشان صديقتي وعشان كم عاهه نطقت وقالت لي كلام
انا اتعب واذي نفسي واجهد نفسي بالتفكير و هم يروحون ينامون مرتاحين؟


انتي شايفه في احد يستاهل ؟ تسوين في نفسك كل هذا ؟
خذيها قاعدة ..
في كل مكان تلاقين المرضى النفسيين الغيورين الحاقدين النكديين
في الدوام .. من اهل الزوج .. احيانا الصديقات .. الاهل .. المعارف ..


قطعتي علاقتك في احد منهم يطلع غيره وغيره
عينات موجوده في كل مكان وزمان


خلاص تستمرين طول حياتك تتابعينهم ؟
في امور تجتاز الحدود والطاقة انا ادري


لكن ليش تدمرين نفسك اكثر واكثر ..
افتحي القرآن استغفري توضي .. ادعي ربك يزيل همك


انا مليت قضيت عمري كله .. احاول استوعب هالناس
بس استنجت .. ان كل انسان يعاني ومافي انسان مرتاح راحه كامله .. وكل انسان جرب التعامل والمعاناة مع هذول الناس


انا كنت من النوع الي يبحث عن فرصه عشان يرد على الاشخاص الي يقهرونه بالكلام .. لازم الاقي فرصه و ارد .. اذا ما ارد ما ارتاح


لكن الان ماعاد يهمني واعتبرهم مرضى نفسيا .. اسأل الله ان يهديهم ويشافيهم ولا اسعى للرد عليهم
الهدف من الموضوع .. حبي نفسك .. انتبهي لنفسك
لاتضرين نفسك على شخص مايستحق .. ضياع وقتك وانشغال تفكيرك ..