اولا الله يشفيك رحلة موفقه
ثانيا زياره وحده او عشرين زياره ماتقدري تحكمي على شعب بالملايين وبلد مساحته بالملايين
أما قولك انهم شعب متعايشين مع بعض وودودين مع بعض غير صحيح شكلك ماتشوفين الأخبار. ومايتعرض له المسلمين من عنصريه حتى من الحكومه نفسها حتى وصلت انهم راح يسحبون الجنسيه من المسلمين
واللي صار للبنقال والبرماويبن من تعذيب شي لايوصف
وهذا لايعني كلهم سيئين كل العالم فيه السيء والطيب
بس حبيت أقولك المسلمين يتعرضون لعنصريه كبيره في الهند
اولا الله يشفيك رحلة موفقه
ثانيا زياره وحده او عشرين زياره ماتقدري تحكمي على شعب بالملايين...
اختي الكريمه انا سافرت البلد اكثر من مره ولي فيها اكثر من سنه ما خرجت والى الان, والمثل يقول ليس من رأى كمن سمع عشان كذا عنواني كان واضح (الهند..الوجه الاخر) وفي بداية كلامي قلت انو بعرض الموضوع من وجهة نظر مختلفة قد يتفق معي فيها البعض وقد يختلف البعض, ثانياً انا ما ذكرت الحكومة لا من قريب ولا من بعدين انا تكلمت عن الشعب او العوام وما حبيت ادخل الأمور السياسية في الموضوع لانو الكل عارف انو زي ما صاير عندنا في الشرق الاوسط الحكومات كلها تعادي بعضها لكن الشعوب بينهم وبين بعض اخوان ولا يتغير عليهم شي و الكل عارف انو مواقفهم تتغير كل شوي ثانيا التزاماً بقوانين الجروب وتجنباً للسجالات و النقاشات السياسيه اللي مالها داعي ما حبيت اتطرق لتعامل الحكومة مع أي فئة من الشعب انا ما ادافع وما انفي وجود بعض المشاكل الطائفية لكن كلها تصرفات فردية وزي ما قلتي كل العالم فيه السيئ و الطيب وفيه اللي يطلق احكام مسبقة بدون علم وتمحيص وفي اللي عارف وش بيقول مظبوط, أما بالنسبة لقولك ما تشوفين اخبار حابة اقولك انو انا ما احتاج اشوف اخبار لاني اصاً عايشة في البلد لي اكثر من سنه يمكن انتي او بعض الناس يكونوا محتاجين يشوفوا الاخبار و يقرأوا عن الموضوع بصورة أفضل وممكن تسألوا الاشخاص اللي عايشين هنا ودام انك ذكرتي الموضوع انا ما ذكرت شي عن البنغال و البرماويين انا تكلمت عن شي انا عايشته وشفته بعيوني, أما بالنسبة عنصرية الحكومة تجاه المسلمين فـ هذا الشي صار طبيعي ومو في الهند لحالها بل في كل دول العالم و الحق حتى احنا كمان عنصريين وإن اختلفت الطريقة وهذا شي طبيعي بالنسبة لدولة الحكومة فيها هندوسية و نسبة الهندوس فيها أكثر من 74% مقابل 14% مسلمين لكن زي ما قلت انا تكلمت عن الشعب فقط, وان كنتي تقصدين القانون الجديد و الامور هذي ف كلامك صحيح جزئياً اولا الموضوع مافيه سحب جنسية من المسلمين او غيرهم الموضوع عن المهاجرين القادمين من الدول الثلاثة باكستان و أفغانستان وبنجلاديش اللي الغالبية فيها مسلمين وما اعتقد انو سمعنا عن اضطهاد لغير المسلمين في هذه الدول ثانياً الموضوع مشروع قرار ولسى ما تنفذ واذا تابعت الاخبار بدقه او بمعنى اصح الاخبار اللي ما هيقولها التلفزيون انو الموضوع كله تغطية على إقتصاد البلد اللي نزل بنسبة كبيرة ف طلع مشروع القرار ذا لصرف انتباه الشعب عن الموضوع, و بالنسبة للمظاهرات المنتشرة في البلد ف انا شفت فيها المسلمين والمسيحيين والهندوس كلهم سوا ونازلين بنفس المطالب.
اخيراً حبيت اقولك انو المسلمين يتعرضون للعنصرية موبس في الهند لكن في العالم كله والاولى من النقاشات و الجدالات نساعدهم و ندعمهم ونسوي اللي الحكومات العربية والإسلامية مهي قادره تسويه الى الان