السلام عليكم ورحمة الله
مشكلتي كما بالعنوان ، إذا حصل هوشة بيني وبين زوجي قبل النوم (وهو غالباً يختار هالتوقيت) ولا وصلنا لحل أو اتفاق ولا تصالحنا وطبعاً ما يحصل اتفاق غالباً ، ثم يروح ينام بالمجلس لأن بنتي رضيعة ونومها متقطع وهو نومة خفيف جداً ، المهم إنه إذا تخاصمنا وراح ينام وكان اخر ما بينا هواش أصير كاني على نار ما أقدر أنام ولا أقدر أسوي شيء حتى صياحي أحسه بيقطع صدري وأحس إني بأنهار ، وبالنهاية أروح أقومه (صار هذا مرتين)
هل هالشي طبيعي؟ صرت أحس إني مريضة ولا ودي أسأل أحد من أهلي لأنه أشوفه شيء يفشل ، باختصار هل وضعي طبيعي ومبرر إني كذا أحس إني بأنهبل وودي أصرخ أو أكسر شيء لما نوصل لرضى الطرفين أو على الأقل نتفهم بعض
مليحة @mali7h
عضوة جديدة
يلزم عليك تسجيل الدخول أولًا لكتابة تعليق.
نور العيون❤️🩹
•
تريد الحل النهائي اذا شفتيه عصب خلاص سكتي ولا تجادليه ع طوووول واذا شفتيه مروق رتبي نفسك وكشخي نفسك وبخري الغرفه وكلميه بهدوء وتفاهموا وخلاص
طيب اذا اخرتها انتي اللي تصالحيه
اجل على ايش الهواش
لاتقللي من قدر نفسك
ويصير ماعاد يعمل لزعلك اعتبار
اذا مانتي قد زعله فلاتتهاوشي معاه الا اللي على شي يسوا ويستاهل تتهاوشي عشانه
اجل على ايش الهواش
لاتقللي من قدر نفسك
ويصير ماعاد يعمل لزعلك اعتبار
اذا مانتي قد زعله فلاتتهاوشي معاه الا اللي على شي يسوا ويستاهل تتهاوشي عشانه
شوفي عًكلامك انه هو دايما يختار ذا الوقت اللي هو وقت النوم ف ذا يعني انه متعمد عشان ينام برا الغرفه عشان الرضيعه م تصحيه بما ان نومه خفيييف جددداً.ف يمكن منحرج منك يقولك ان النونو تزعجه وماتخليه ينام عشان كذا يفتعل شجار.ليه م تقولين له وتسمحين له انه ينام بالمجلس وان خاطرك طيب .والله اعلم ♥️♥️
نفس طيبة
•
توضي وصلي ركعتين ادعي فيها بكل اللي خاطرك فيه واستغفري وحافظي على ترديد ذكر التوحيد بكثرة يبعد عنكم الشياطين والهم والحزن
مليحة
•
طيب اذا اخرتها انتي اللي تصالحيه اجل على ايش الهواش لاتقللي من قدر نفسك ويصير ماعاد يعمل لزعلك اعتبار اذا مانتي قد زعله فلاتتهاوشي معاه الا اللي على شي يسوا ويستاهل تتهاوشي عشانهطيب اذا اخرتها انتي اللي تصالحيه اجل على ايش الهواش لاتقللي من قدر نفسك ويصير ماعاد يعمل لزعلك...
ما أصالحه أكمل الكلام اللي عندي وأحاول نوصل لنقطة تراضي
الصفحة الأخيرة