الهوس😝باالعين والحسد

صباح الخير كيفكم اخواتي هذي اول مشاركه لي ..... حبايبي راح اتكلم عن شي للاسف منتشر بكثره بين الناس والي  شجعني اكتب ان هاالشي صار لي شخصياً ... يابنات انا متزوجه من شخص من غير قبيلتي للاسف الشديد قبيلة زوجي علي اهله عندهم هوس شديد وخوف من العين والحسد يعني علي قد السنين الي كنت عايشتها عند اهلي ماقد سمعت فلانه فيها عين وفلانه حاسدينها لان الحمدلله مؤمنين بقضاء الله وقدره انا مؤمنه باالعين والحسد وذكرها الرسول صلي الله عليه وسلم لكن للاسف الشديد اصبح هناك هوس غير عادي گأنهم لا يريدون ان يصابون بمرض او بتعب او اي شي من امور الدنيا ..والله يابنات معاد احب اروحلهم حياتهم مخيفه في اي لحضه تخافين من الاحراج مثلا هاتي نواة التمره او شي من اثرك يحرجون الناس انا مؤمنه بان العين حق ... يخافون من الناس ان الناس تحسدهم وكأن العالم مافي شي بحياتهم الا هما مع العلم يابنات انهم ناس اقل من العادين يعني مااشوف فيه شي ميزه عندهم عشان الناس تلتفتلهم كل كلامهم عن العين احنا محسودين وكل يوم وهم عند شيخ حياتهم لا تطاق والله والله اروحلهم وانا يدي على قلبي حتي زوجي جننوه لين مصار مهوس مثلهم باالعين المشكله يابنات لما اجي في مناسبه عندهم يعرفوني علي فلانه عندها عين من خمس سنين وهذي فلانه عندها عين من سبعه سنين وهذي معاها وهذي معاه وگانهم لايومنون بقضاء الله وقدره فيهم جزع وخوف معنهم ملتزمين المفروض يوكلون امرهم لله وحده ....وحده تقربلهم كانت كل يوم تتصل بي باستمرار فجاءه بدون مقدمات انقطعت مع العلم انه لي اربع سنين ماشفتها بعد الانقطاع المفاجى سئلت زوجي وش فيها فلانه ماعاد تتصلل عساه خير ان شاء الله الا يقولي فلانه تراجع عند شيخ 😳والله يابنات انصدمت جلست اضحك قدام زوجي بهستريه واقول الله يستر وش يفكني منهم 😝علاقتي فيها جدا سطحيه بس اتصالاتها كثيره لدرجه تتصل لو في اخر الليل وتجلس باالساعات وانا علاقتي باهل زوجي وفيهم سطحيه وبصراحه يابنات اخاف بكره تحرجني وتقول صكيتيني عين وش الحل معاها يابنات وقد صارتلكم مواقف وكيف اتصرفتم ومعليش  طولت عليكم ياحلوين