مساء الخير عليكم حبيباتي
الويك اند الي راح كنت معزومه عرس صديقتي وصديقتي هي واختها الصغيره صديقاتي يعني الثنتين نفس المحبة والمعزه , المهم الاخت الكبيره الي هي صديقتي شخصيتها عاديه زينه يعني وحليوه وخوش بنت اما الاخت الصغيره شخصيتها قويه قويه قويه , يابنات تعرفون المرأه الحديديه ؟؟ هذي الاخت الصغيره بعينها ..:arb:حتى ساعات لما نعلق عليها نقول لها انتي ريال , حتى صوتها خشن ههههههه وجذعه أوي ..:02:
في نفس الوقت صايره قوه شخصيتها على ثقل يعني ما تتهاوش او تسبب مشاكل بالعكس حبوبه تحب الكل والكل يحترمها ويقدرها بس محد يقدر يدوس لها على طرف يعني شخصيتها مثاليه على الرغم من قوتها , تساعد الكل ومحترمه جدا , واذا قالت كلمه ما تثنيها كأنها رجال ههه , واذا وعدت بشي توفي الوعد لو على حساب نفسها , لكنها ما عندها الا ابيض او اسود مافي رمادي ماتحب الاساليب الملتويه او الكذب وتعطي الواحد بالويه ...
لما كنت بدخل العرس:icon28: من البوابه الداخليه كانت الاخت الصغيره الي قلت لكم عنها واقفه وظهرها على الباب ومسكرته بايدها وجدامها 3 حريم وطفل , واحتد النقاش وعلى صوتهم , اكتشفت ان هالحرمه عمتها اخت ابوها وبناتها الثنتين ويايبين معاهم ولد وحده منهم , وكانوا ملبسينه شحلاته ثوب وغتره يهبل اسم الله عليه ,, يعني عمره حول 3 سنوات , صديقتي تقول احنا كاتبين في البطاقه ما يدخل يعني ما يدخل ما يصير جذي المفروض تتقيدون بشروطنا وتحترمونها واحنا العرس مافيه ولا طفل حتى اخواني وخواتي ما يابو عيالهم وعمتها مسكينه بصوت منكسر تقول يا فلانه صلي على النبي وتترجاها تدخل الولد لان مافي مكان يتركونه فيه عورت قلبي العمه اما بناتها واقفين والشر يطلع من عيونهم وشوي الا صار الصراخ وعلت الاصوات وفي الاخير سكرت صديقتي الباب وقالت لهم ما تدخلون , قامت وحده من بنات عماتها اتصلت بابو صديقتي الي هو يصير خالها يعني واشتكت عليها وصارت سالفه واصرت فلانه ان مايدخل الطفل ... :35:
اخر شي ما شفت شنو صاير بس شفت الام الي هي العمه تمشي بروحها بالعرس وواضح ان بناتها مع الصغير مشوا ...:04:
بنات انا احس صديقتي طاحت من عيني يعني لو كنت انا محلها ممكن اسوي للغرب نفس الحركه بس عمتي او خالتي لاااااااا والف لااااااااا , ومن ناحيه ثانيه يعني المفروض هم يلتزمون بالي مكتوب بالبطاقه وما ياخذون الطفل معاهم ..:mad:
مادري بصراحه احترت انا كنت رايحه ويا وحده من صديقاتي تصير صديقتهم بعد وكل ساعه نقول بصراخه اثبتت فلانه انها المراه الحديده ومشت كلمتها لكن الطفل عور قلبي بالاخص انه متعشم مسيكين ولابس ومستانس وامه واختها مشوا عشان ما يكسرون بخاطره ولا يخربون العرس مع انهم كانوا لابسات وكاشخات وايد عورو قلبي
قولو لي رايكم بالسالفه وقولو لي عن وجهه نظركم عن اصطحاب الاطفال في الاعراس , مره سويتوها , ولو سويتوها شنو كانت رده الفعل , بصراحه الي صار خوفني اخذ ولدي لأي مكان , اخاف انطرد انا معاه ...:44::09:
بالانتظار
دنيا ملونه @dnya_mlonh
محررة فضية
يلزم عليك تسجيل الدخول أولًا لكتابة تعليق.
طلعت العمه قلبها واسع وراعية واجب لو واحده ثانيه كان سحبت نفسها مع بناتها ولدها
اما اللى قلتى عنها بيجي يوم وبتنحط نفس مكان عمتها والدنيا دوارة
اما اللى قلتى عنها بيجي يوم وبتنحط نفس مكان عمتها والدنيا دوارة
شكرا قلبي عالردود
ميمي
صح ساعات تشوفين اعراس مليانه اطفال لدرجه ا وقت الزفه يشاغبون العروسين خخخخخ
انسه منشن
صح كلامج , ما تتصورين شقد كسرت خاطري العمه , لو وحده غيرها بالاخص لو عماتي انا جان سوت سالفه وصارت ما تكلم لا امل ولا ابوي ولااااا كان شيشت ابوي علينا وعلى امي خخخخخخ خيالي واسع
ميمي
صح ساعات تشوفين اعراس مليانه اطفال لدرجه ا وقت الزفه يشاغبون العروسين خخخخخ
انسه منشن
صح كلامج , ما تتصورين شقد كسرت خاطري العمه , لو وحده غيرها بالاخص لو عماتي انا جان سوت سالفه وصارت ما تكلم لا امل ولا ابوي ولااااا كان شيشت ابوي علينا وعلى امي خخخخخخ خيالي واسع
شوفي لجينا للعيب والله عيب اللي سوته مع عمتها وربي عيب
احسها حاقده بقوه عشان اخوانها وعيال خواتها بالبيت
يختي هذولا ضيوف جايين يقدرونا ويلبون الدعوه
شوفي احنا بزواج اختي نفس الشيء كاتبين ممنوع اصطحاب الاطفال
بس خليناها بوجه الحارس اللي عند الباب
قال له اخوي اذا طفل واحد دخل اقرا على نفسك الفاتحه ههههههههههههه
وفعلا التزم بكلام اخوي قال له شوف اللي معهم اطفال قبل تروح سيارتهم بلغهم انه مافيه امل يدخلون
لانه بصراحه فيه ناس قليلين ادب وعيالهم عفاريت موب اوادم ومايقولون لهم شيء
بس صديقتك ذي من جد غلطاااانه وربي غلطانه
احسها حاقده بقوه عشان اخوانها وعيال خواتها بالبيت
يختي هذولا ضيوف جايين يقدرونا ويلبون الدعوه
شوفي احنا بزواج اختي نفس الشيء كاتبين ممنوع اصطحاب الاطفال
بس خليناها بوجه الحارس اللي عند الباب
قال له اخوي اذا طفل واحد دخل اقرا على نفسك الفاتحه ههههههههههههه
وفعلا التزم بكلام اخوي قال له شوف اللي معهم اطفال قبل تروح سيارتهم بلغهم انه مافيه امل يدخلون
لانه بصراحه فيه ناس قليلين ادب وعيالهم عفاريت موب اوادم ومايقولون لهم شيء
بس صديقتك ذي من جد غلطاااانه وربي غلطانه
ساندي س
•
عن نفسي التزم بهاالشرط والا مااروح اخدها من قاصرها اذا مالقيت احد يمسك لي عيالي
لكن الموقف حق صاحبة الفرح مو حلو ابدا من باب صلة الرحم بس طالما اخوانها واخواتها ماجابو عيالهم صعب تدخل ولد بنت عمتها لان الكل حيقول اشمعنى ويصير قيل وقال ومشاكل ماادري يمكن هادي وجهة نظرها
بعدين في حريم يقهرو صراحه يعني مكتوب عاالبطاقه وبرضه تجيب عيالها ليش ماادري
لكن الموقف حق صاحبة الفرح مو حلو ابدا من باب صلة الرحم بس طالما اخوانها واخواتها ماجابو عيالهم صعب تدخل ولد بنت عمتها لان الكل حيقول اشمعنى ويصير قيل وقال ومشاكل ماادري يمكن هادي وجهة نظرها
بعدين في حريم يقهرو صراحه يعني مكتوب عاالبطاقه وبرضه تجيب عيالها ليش ماادري
الصفحة الأخيرة
بعدين صغير ماراح يبعد عن امه بيخاف
مره زواج بنت خالي وممنوع اصطحاب الاطفال ورحنا ومااخذنا اختي الصغيره وهي برابع ابتدائي ويوم دخلنا القاعه كانت مليانه اطفال ويرقصون بعد