ابي ادخل بالموضوع على طول..
انا ساكنه بعماره فيها عشر شقق وانا بالدور الثالث وعمارتنا مره هاديه ونظيفه والداخل والخارج منها معروف..
من شهر ونص تقريبا لقيت على باب شقتي زي المويه الوسخه مكبوب عليه من برى :09:
التفت على ابواب جيراني مالقيت على ابوابهم شئ لاني ظنيت انه يكون من العامل اللي ينظف الدرج بس طلع مو منه!!
ومع العلم ان جيراني محترمين ونظيفين واولادهم صغار و متربين ولا يطلعون من بيوت اهاليهم لو فكرنا انه من الاولاد..
خصوصا ان المويه مصبوبه بشكل منظم ومرتب وعلى مستوى واحد من جوانب الباب الايمن الى الايسر كأن اللي صبها يصب من كاس من طريقة شكل المويه على الباب..
بعد هالسالفه بكم اسبوع لقيت على وطاية الباب الخارجيه اربع او خمس نقاط تميل للون البرتقالي منقطه في جانب بعضها فوق الوطايه !!
طبعا ان هنا استغربت وكلمت زوجي بس ما اهتم وقالي ابعدي عن الوسواس مع اني من النوع اللي مايهول الامور ولا يحملها اكثر مما تحتمل
بس مازال الامر شاغلني فقلت ابي انزل الموضوع مع صورة الباب ابيكم تفيدوني هل انا مكبره الامر فعلا؟؟
ولا الموضوع فيه انا وبفعل فاعل ؟؟
وعلى فكره لا احد يقول ركبي كميرا لان زوجي رافض بتاتا هالفكره احترامالخصوصية الجيران في الدخله والخرجه من بيوتهم ..
وهذي هي صورة باب شقتي بس ماصورته الا صوره وحده ومن جهه وحده وسط الباب..
لاني كنت مستعجله لايشوفني احد من الجيران بس تراها كلها على نفس المستوى
