الوالد مانعرف كيف نرضيه تعبنا.....ساعدوني بلييييييز؟؟

الأسرة والمجتمع

بدخل بالسالفة على طول أبوي مدري ليه هو كذا دايم يقول لنا انتم عاقين مع اننا ماسوينا شي ابدا خاصة حنا البنات احيانا يجينا كلامه عسل واكثر الاحيان زعلان ويهاوش ويدعي علينا ليه محنا عارفين بس والله يابنات لو تدرون وش يهاوش عليه ماتصدقون يهاوش على الاكل والشرب ليه ماتاكلون هذا وليه ماتشربون هذا انتم ماتسمعون كلامي انتم عاقين انتم ماتحبوني انتم منتم حاسبيني والد ومن هالكلام واللي ترد او تقول كلمه يهاوشها ويدعي عليها ويقول كلام ماله داعي لمن تبكي من قوة كلامه الله يهديه ويخليه لنا ومايحرمنا منه
و المشكلة الثانية واحد من اخواني فيه مرض نفسي الله يشفيه وهو ياخذ دواء وللدواء هذا اعراض جانبية مثلا الحركات عنده مو طبيعيه ابدا المهم ابوي الله يهديه اذا شاف اخوي بيسوي هالحركات يجلس يضحك عليه ويعلق عليه ويفشله اذا تكلم ويساله احيانا اساله مدري وش يبي منها ويقوله انت ماتعرف راسك من رجليك وانت مجنون ودايم يهزاءه ويكلمه كانه يكلم طفل واخوي بس يطالع بابوي وساكت ونظراته قسم بالله يابنات انها تبكي وتقطع القلب مدري ابوي يحسب اللي مريض نفسيا ما يحس ولا كيف
انا احس ان هالتعامل هذا بيزيد تعبه والله يابنات انا ما احب اكون بالمكان اللي يكون فيه ابوي واخوي صراحة يضيق صدري لمن اشوف ابوي يسوي كذا وطبعا مانقدر نقوله شي وامي دايم تكلمه بس مايسمع لاحد الله يهديه ويصلح قلبه والله اكتب لكم ودمعتي على خدي قلت يمكن الاقي عندكم حل لانه انا ماني متحمله اكثر من كذا
ودعواتكم لاخوي بالشفاء ولابوي بالهدايه والصلاح
انتظر ردودكم
12
3K

يلزم عليك تسجيل الدخول أولًا لكتابة تعليق.

تسجيل دخول

حبيبة مبارك
حبيبة مبارك
الله يشفي اخوج اختي ، ويهدي الوالد .

بس انتي ما قلتي الوالد جم عمره !

يمكن العمر يخليه يسوي جذي
أم أنـس
أم أنـس
مشكوره اختي حبيبة
عمر الوالد ستين و شوي الله يطول بعمره وهو كان مدرس وله سنتين متقاعد
ام ياسر وحصة 44
شوفي ياعمري ابوك الله يخليه كبير بالسن يبغاله تعمل خاص يعني أذا عصب بوسي راسه قوليله حاضر طال عمرك ان شاء الله ما يصير لا اللذي تبيه من هذا الكلام كانك تتعملين مع طفل عصبي بيهده ان شاء الله شوي

ام أخوكي أحسن ان اذا اخذ الدواء حولي تاخذينه لغرفه ثاني حتي تخلص الاعراض الدواء بس لاتحسسين ابوك ان اخذتي اخوك من قدامه

الله يفرج همك
أم أنـس
أم أنـس
ياقلبي الاعراض دايم معاه مو بس اذا اخذ الدواء واخوي اكبر مني ما اقدر اخذه لاي مكان
الدلع كلة
الدلع كلة
شوفي حبيتي ابوك ربعه واجد لايضيق صدرك واحس انه ولاش عند اللي اشوفهم وصدقيني مسكين رجال كبير بالهسن طالعوه بعين الشفقه لانه مادرس وتعلم زينا ولادرس علم نفس علشان يعرف كيف يتعامل يحس هالشي عادي