الوحده ذبحتني

السلام عليكم

اختي الغاليه 00الله يعينج على هذه الوحده اللي انتي عايشه فيها
بس صدقيني انتي تقدرين تطلعين منها وبسهوله00دام ان الغلط نفسه
تكرر معاج 00يعني اكيد في خلل في الاختيار00اختاري لناس الصــح
علشان تحافطون على اسرارج00واناانصحج ان اسرارج يبقى مكانها
قلبج وبس00لاتقولين لأحد اسرارج وهمومج00في مقوله والله مااذكر
لمنو00بس معناها (لاتشكي همك لأحد00لأن لو شكيت لصاحبك راح تزعله
واذا شكيت لعدوك راح يتشمت فيك)
*اهم شي انج تختارين الناس المناسبين
*ولاتقولين اسرارج لأحد
*ادرسي الشخص الي قدامج عدل وبعدين حاولي تتمعقين معاه.
*افهمي الناس من الداااااااااخل واعرفي معادنهم.
*احسن محط لأسرارج هم خواتج وامج00لن هم الناس الوحيدين الي يحسون فيج لأن لو تضررتي راح يتضررون معاج علشان جذيه راح يحافظون على سرج.
*خلي ثقتج بالله ثم بنفسج كبيره00لن لو كنتي واثقه من نفسج راح تعرفين تختارين صح.
*لا تخلين الاحساس بالوحده يسيطر عليج00تغلبي عليه واطلعي وشوفي الناس علشان تعرفين تتعاملين معاهم عدل00ترى الخبره بالحياه لها دووور بنجاحج في علاقاتج بالناس.
*اما بالنسبه لأخوات زوجج00حاولي تحسنين العلاقه معاهم وترضينهم بس مو على حساب نفسج00واحسني نيتج وتعاملي معاهم بطبيعيه وبدون تكلف00وخلي هذا منهجج بالحياه00واذا كنتي انتي زينه بالتعامل مع الناس وعرفوا عنج هذا الخلق00صدقيني محد راح يصدق كلام الناس ويتركون عيونهم0
*بعض الناس غرضها التخريب بين الناس وتشويه السمعه بقصد الغيره 00لاتخلين هالنوعيه من الناس يسيطرون عليج وتحققين مطالبهم بأن تضعف ثقتج بنفسج، وتقل علاقاتج مع الناس،وتنعزلين00ترى هذه هي اغرااااااضهم لاتحققينها لهم.
خلييييييييج طبيعيه مع الكل وتعاملين بحسن نيه مع الجميع الي يحبج والي ما يحبج
وادعي الله انه يصفي القلوب ويعطيج على قد نيتج00واهم شي الدعاء0
وحافظي على علاقتج بزوجج وخليه محط اسرارج وفرغي كل عواطفج فيه بحيث انج ما تحتاجين لأحد غيره00ولا تخلين ضيقتج من تصرفات الناس معاج تأثر على حياتج وتعاملج مع زوجج000
والله يوفقج ياااااارب00
اختج: دمــــــــوع

اشكرك اختي دموع
بس انا ما انعزلت عن الناس بالرغم من عدم رضائي عنهم لكن انا دايما معاهم ..
وبالنسبه للاخوات للاسف ماعندي اخوات انا البنت الوحيده .
وبعدين زوجي يعرف كل صغيره وكبيره تصير في حياتي لكن احيانا احتاج لوحده عشان تساعدني وتفهمني اكثر يعني مثلا انا زعلت من اهله والله صعبه يحس فيني واصلا صعب اكلمه بالموضوع هذا اخاف يزعل ....

اختي فنار

ر شك ان الاحساس بالوحدة مؤلم ومرير وصدقيني انا مثلك كنت اعاني هذا الشعور ولكني اكتشفت الخطا في نفسي لاني دائما لا احاول اقحام نفسي على الاخرين واعتبر اي تقرب هو تدخل في خصوصياتهم ووجدت اني بعيدة عن كل الناس وقررت ان اتغير واقنعت نفسي انه ليس بالضرورة ان اكون صداقات كثيرة فيكفيني صديقة اثق بها وارتاح لها وفعلا بدات احاول ان اكسر الحواجز النابعة من الحساسية واتعرف على الناس حتى لو لم انسجم مع اغلبهم واكتشفت ان كسب قلوب الاخرين فن يبدا في مشاركتهم اهتماماتهم ومحاولة التخفيف عنهم على الاقل بالانصات لشكواهم والتعاطف معهم وتقديم خدمات صغيرة في حدود استطاعتي وبالفعل شيئا فشيئا بدات اشعر بثقتي بنفسي وقدرتي على اكتساب الصديقات وبالمقابل لا يشترط ان ابوح لهم باسراري بشكل مباشر فليس اي شخص ممكن ان ناتمنه على اسرارنا وخصوصياتنا والواقع اننا طالما بعيدون عن الناس فغالبا تكون احكامنا خاطئة عليهم ولكن كل ما قربنا منهم اكثر ربما نكتشف فيهم معادن طيبة ونرتاح لهم
وفقك الله اختي وتحياتي لك

مشكورات على الردود
بس المشكله الناس ماتخلي احد في حاله يعني لو صار وجلست في البيت قالوا انتي انطوائيه وماتحبي الناس بالعكس انا احتاجهم وكمان انا ما افضل الخرجات المستمره