أنا خبيرة في مشاكل الوحم :) وحمي لا صار ولا استوى....ومثلك اقضية في الاسعاف بعيد عنك ....
جربت كل شي ..كل شي والله ...كل انواع الحبوب اللي تنوم واللي تخليك مثل مدمنين المخدرات ..حتى المورفين عطونياه وانا حامل..والزنجيل...والبسكويت وكل شي...بس اقول لك في علاج يعطونياه ...اخذته في حملي اللي راح وهذا والحمد لله ...لو وش ما صار لا يمكن ترجعين :) عن جد فضيع هو يوصف للناس اللي تاخذ علاج كيماوي او اشعة بعيد عن السامعين بس يوصفونه للي عندهم وحم صعب....أنا ما احب احد اسامي ادوية هنا...بس لو انت يفي امريكا يوصفونه لك من غير مشاكل لكن لو في كندا..الله يعينك....كنت في كندا ولا يمكن يوصفون لك اي شي..هو طبعا احسن ...بس ما يحس في الحالة الا اللي مجربها. هو مشكلته انه غالي كثير..بس الملحق بيدفعون لك ان شاء الله ..يعني حق 30 حبة بـ 1400 دولار !!! ادري كثير بس من اللي شفته من الوحم اقول ما يخالف لو هو بلميون :)
أنا اخذه مدة شهرين تقريبا لحد ما يخف الوحم الشديد بعد كذا ...بس احاول اكل طول الوقت لانه اذا فرعت معدتك تحسين بغتيان وترجعين وتبدا سبلسلة ما تنتهي ...اهم شي كلي طول الوقت ..شوي شوي ...بس كلي لا بطلين ....لا تفكرين في الوزن ولا غيره الحين لين ربي يخفف عليك.
ربي يعينك ان شاء الله

الموز والزنجبيل وخذي حبوب تخفف هالشي وحاولي اذا جاك الغثيان وانتي واقفه تجلسين وتكون حركاتك كلها بهدؤ ولاتجوعين وانتبهي لنفسيتك حاولي تريحين على الاخير لان النفسيه لها دور وخلك دائما في جو معتدل اقرب للبروده
الله يتمم لنا بخير ويفرح قلوبنا ويعوض صبرنا خير

مشكورين اخواتي على الرد الشافي والله يجعله في موازين اعمالكم
اختي manola انا في امريكا والدكتوره ما وصفة لي الا حبوب تجيب النوم بس

Manola
الله يعييييييييينك وش هالوحام
<<<<<<<<<<< اقول اسكتي من شاف وحام امك يرتاع من فكره الحمل اصلا

امي كانت تجلس بغرفه ظلالالام مره تتضايق من النور ومتغطيه ببطانيتين وتلبس شرابات ومع هذا كله تنتفض وترجع وطول الوقت مفلوزه وماتبي احد يمر جنب الغرفه خخخخخخخخخخ وتعتزل العالم كله
وماكانت تسوي شي بعد ماتعدي الشهر الثالث وتدخل الرابع يبدء يخف

بس كثير سمعت عن الزنجبيل للوعه .. حطي منه شوي بالقهوه واشربيه او البسكويت الي قالو عنده البنات الصباح اشتري بالزتجبيل

والله يهون عليك حملك ويسهل ولادتك انتي وManola وكل الحوامل

طيب Manola ليه بكندا مايرضون يصرفونه ؟؟
قد مره سمعت ان الكندين اكثر شده بموضوع الادويه وحتى لما تسمح فيها حقين الصحه في امريكا واوربا يرجعون هم يسون عليها اختبارات يلا ينزلونه للكندين
تتوقعين مضر؟؟ ولاهم بس يحبون يتفلسفون ولانه غالي مايرضون يصرفونه لان الدوله هي الي تدفع العلاج للكندين تقريبا؟

ربي يجزاك خير يا سنادوتش تونة...تراني يوم كنت اتوحم وكان عندي تدريب في المستشفي...وتدرين ما يتاكل اكلهم بس ساندوتشات التونه :)

كندا ....مو طبيعي تشددهم في الادوية ....انا رحت لها وكنت حامل في الشهر الرابع تقريبا ومع ذلك ما ترضي الدكتورة تكتب لك اي علاج...بصراحة مبالغة....اذا الوحدة ترجع 24 ساعة هذا ضرره على الطفل والام اكثر من ادوية مجربة...اكيد انها ماهي 100% امنة ...لكن اللي ما جرب الوحم الشين يقول معليش اصبري...والله كنت اقعد صياح طول الليل من وجع معدتي...وفي الاخر اروح الاسعاف :(
ما عجبني نظامهم الصحي هناك ابدا....احسه فيه من تخلف بلادنا...مو مثل امريكا بصراحة هنا طول ما عندك تأمين صحي دلعي نفسك ويخدمونك خدمة مميزة.
في كندا رحت للمستشفيات الحكومة ...تبع نطام روحي لطبيب رعاية اولية اول وبعدين بعد ما يسوي لك كل التحاليل ويعجز عن حالتك يحولك على المختصين..غير الزحمات ..عن جد حسيته نطام متخلف...كله كوم وانهم ما يعطون تطعيم ( جدري الماء) للصغار كوم...لما قلت للدكتور بصراحة نظامك متخلف ...زعل :)
ربي يخلي لك امك...عن جد الحين عرفت وش كثر امهاتنا كانوا يعانون ...عاد ذيك الايام لا احد يعلمهم ولا يخفف عليهم ...ولا احد يدلعهم :)
لا يعرفون كلي بسكون مالح ولا جلي ولا ايسكريم...ربي يجزاهم عنا بالجنة.