الورق عنب

السلام عليكم
جربى المصرى وحيعجبك بأذن الله
http://forum.hawaaworld.com/showthread.php?t=521830...
أختك هبهوبة

صح المصري لذييييييييييذ

صح المصري لذييييييييييذ

مشكووووووره يا هبهوووووبه بس عطيني الطريقه اذا ما في ازعاج حبيبتي

السلام عليكم

طريقة المحشى
كيلو أرز مصرى
خلطة محشى (كزبرة ,,,كرفس ,,شبت ,,,بقدونس ,,,نعناع من كل مما سبق حزمتين يعنى حزمتين نعناع وحزمتين كرفس وهكذا )
طماطم (كمية مناسبة تضرب فى الكبة سريعا ) ....ملعقتين صلصة طماطم
ليه (مؤخرة الحروف )
ملعقة دبس الرمان..عصير ليمونة
مكعب مرقة....سمنة
بصل ( حوالى 3..4 بصلات كبار مضروبين ضربة سريعة بالكبة)
قطعة ثوم مفروم (أو رشة ثوم بودر مناسبة )
حبهان,,,,مستكة
3 وحدات قرنفل
ملح..فلفل أسود
شطة..بهار لحم
ريحان..زعتر خفيف
قرفة
السقى
شوربة فراخ مضروبة فى الخلاط مع نعناع ناشف وصلصة طماطم ...

خلطة ماقبل الغلق
ثوم مدقوق مخلوط بعصير ليمونة ويصب على الوجة ويغطى ونغلق النار ولا يفتح عليه حتى الغرف..

الطريقة
بصى ياستى هى الطريقة سهلة بس المكونات كتير ولكن الطعم يستاهل بأذن الله
أنتى تحطى على النار السمن والليه والمكعب والمستكة والحبهان والقرنفل وتقلبتين وتضيفى لهم البصل وحينما يدبل البصل والمستكة تسيح والليه وقبل إضافة الطماطم تنزعى القرنفل والحبهان وتضعى الطماطم وتقلبى وبعدما ينشف ماؤها تضيفى الخضروات الورقية وتقليبه واحدة فقط وتغلقى النار وبعدما تبرد الخلطة تمااااااااااااما نضيف الأرز المغسول والبهارات وصلصة الطماطم مذابة فى القليل من الماء ولازم تدوقى الخلطة عشان تضبطى المطعم (لوناقصة ملح أو بهارات)..
وبعدين تحشى ورق العنب على الوجه الخشن وترصيه فى الحلة وتصبى عليه الشوربة حتى تغطى الصف قبل الأخييييييير فقط ويترك على النار حتى يتشرب ثم توطى النار وتتركيه ليكمل السواء وقبل ما تغلقى النار مباشرة تضيفى خلطة ما قبل السقى..
ملاحيظ هاااامة
------------
*الحشوة بالطريقة دى أسمها الضلمة (طريقة فلاحى )وهى ألذ من الطريقة المعتادة ألا وهى وضع جميع مكونات الحشو بدون تعرضها للحرارة...
* الحبهان والقرنفل ممكن تطحنيهم وتضفيهم مع الأرز والبهارات فى الأخر .
* المحشى يحب بصل كتير وبهار لحم يكون باين بس بدون إفراط والليه طبعا والمزازة الناتجة عن الدبس وعصير الليمون.
* الطماطم المضروبة لما راح تنشف على النار فى الحشو حتضيفى للحشوة مع الأرز الصلصة مذابة فى قليل من الماء فراح تعوض نقص السوائل فى الحشوة.
*ممكن تستبدلى الطماطم المضروبة بعصير طماطم.
* فى ناس مش بتحب تسوى الورق العنب بشوربة وإن كنت أرها وغيرى أيضا لذيذة لما تستوى بشوربة الفراخ.
* (معلومة من طباخ ) بالنسبة للثوم فى الأخر فى ناس بتحط بين كل دور والتانى فص ثوم سليم
وناس وأنا منهم بتعمل زى ما خبرتك سابقا ثوم مفروم ومخلوط بعصير الليمون قبل الغلق مباشرة وهذه أشهى ولك حرية الأختيار....

محشى ورق العنب بذات لازم معاه قوارب الخيار بالزبادى
---------------------------------
تشقى الخيارة نصفين بالطول وتزيلى منها القلب وتنزعى وجه الزبادى (الروب ) وتخلطى بملح قليل ورشة خفيفة ثوم بودروقطعة ثوم مفروم صغيرة وتصب بداخل قوارب الخيار..وبالهنا والشفا على قلبك.
أختك هبهوبة