الوزن بين صعود وهبوط وداعا لتأرجح الوزن ولننعم بالرشاقه الى الابد

:angry:







:angry:







هذي كل صحون البيت بكسرها علشان ابدأدايت



سوري بنات نسيت اسلم على الجميع

كيف الحال تمام


ببدا في الموضوع على طول



اول شي انا من يوم كنت طفله كنت مليانه مو سمينه لكن مليانه

تخيلو طفله في خامس ابتدائي ما تفطر في المدرسه ولا تاكل ولا شي وتتغدا بدون خبز مثلا وما تتعشى وهذا كان تجربة امي في الرجيم انك ما تتعشي ولا تفطري مع انو الفطور مهم خاصه في مقتبل العمر



المهم يوم كبرت صرت اكل اي شي من ورا اهلي ياما طلبو اكل او طلعنا ناكل وما كنت اطلب غير القهوه!!!

طبعا صرت اجيب الشوكلا واخبيها واكلها لوحدي زي اللي عامل مصيبه لو امي ما كان لسانها طويل علي وما كانت ترمي كلام وما كانت تمنعني يمكن ما كنت سمنت


المهم طوووووووووووول عمري من رجيم لرجيم وارجع انحف وارجع اكل ويخرب كل شي طبعا نتيجة الحرمان وراه الانفجاع


لين دخلت الجامعه وطبعا جامعتي كانت في بلد ثانيه وبعدت عن اهلي طبعا توقعو الكل اني اصير دوووووووووووووبه

مع العلم كنت افكر نفسي مو حلوه وما عندي ثقه في النفس بس للاسف اكتشفت من صاحبات اختي واهالي صاحباتنا اني كنت بنت جميله جدا جالي خطاب من وانا في 14 من عمري وانصدمت ايش يبغو في واحده سمينه طبعا سمينه وقتها كنت 60 كيلو مع العلم اني طويله!!!!



لما دخلت الجامعه رجعتلي ثقتي في نفسي صرت اكل بحساب واتصرف بحساب يعني ما احرم نفسي بس ما اكل من برا غير كل شهر مثلا اعمل في البيت اكل صحي لما يجي على بالي شوكولا اشتري واكل بس ما اخلي في البيت كميه علشان اخر الليل ما اكل وانفجع


المهم نحفت كان طولي 168 ووزني وصل 61


ومع ذلك امي ما حسستني اني انجزت انجاز قالتلي يلا كمان كملي

اكمل اوصل لوين مع العلم اني حتى لما اسمن جسمي من النوع الملفوف يعني بالعربي الكل يقولي جسمك يجنن ما يحتاجلو نحف بس انا علشان نفسي


المهم قبل ما اتخرج جم خواني سكنو معايا لانهم بيكملو دراستهم وطبيخ وبطاطس مقليه ووجبات ليل تخنت وبرضو انا كنت مركزه في مشروع التخرج تخنت وصل وزني 80 تقريبا وطبعا ما كنت بشعه انا زي ما قلت جسمي ملفوف ولما اتخن ما في لا كرش ولا ترهلات وايديني صغيره بس هي الارداف وشكلها حلو كمان


بعد ما اتخرجت انخطبت ورجعت عند اهلي نفسيتي كانت محطمه لا شغل ولا مشغله خطيبي في بلد ثاني مهملني سمنت كمان شوي

ولما لقيت شغل ضعفت من غير رجيم بس كنت ما اكل اي شي وعندي وجبة الغدا وتكون خفيفه وفترتها استعملت الريداكتيل خطيبي ما كان يبغاني انحف بس اهلي وامي اصرت وانا كنت ماخذاها تحدي نحفت مره وللاسف اكتشفت ان خطيبي انسان اتكالي فتركتو وابتديت انفش بالاكل من ثاني


وبعد فتره رجعت عملت دايت لدرجة غيرت عباياتي وصار شكلي بني ادم ثاني وصل وزني بالسبعينات وانا يا بنات اكره الميزان مره لانو يحطمني


طبعا نسيت اقولكم اني ما انحف غير بطلوع الروح جربت رجيم ما اكل شي طول اليوم اربع ايام واخر يوم كاس حليب صغير نزلت 300 جرام واعرف انو هالكلام غلط بس امي كل ما افكر اكل اتذكر كلامها عن النحف اخاف , الدكاتره قالولي كذا دكتور تغذيه لما جربو معي قالولي عملية الايض بطيئيه لاني من صغري ما اكل كثير فأي شي يسمني لاني عودت جسمي ما اكل!!


المهم بعدها اتخطبت واتزوجت وزوجي متين ويحب الاكل انا اكلي صحي مره وطبيخي يجنن والكل يمدح فيه مشوي وطعمو لذيذ لكن زوجي برضو يحب اكل برا


معاه اول مره اجرب البرجر كنج ومعاه اول مره اجرب الدومينوز ومعاه اول مره ادمن الكي اف سي

وكل المطاعم من والى حتى السينابون اول مره احس اني حره اكل وقت ما ابغى وما اجوع

المهم سمنت مره في سنه زدت تقريبا 25 الى 30 كيلو مصيبه مو!!!!!!!!!!!!!!



المهم طبعا كل تحاليلي ممتازه وما في مشاكل مأثره على الحمل الحمد لله بس تخيلت شكلي وانا حامل

حتى لبس جهازي ما عاد يدخل فيني

عملت دايت وخففت اكلي مره من شهر وعزيمه يعني اطبخلو اكل يجنن ومع ذلك ما اكل

همبرجر اعملو بايدي وما اكل وشوربات تجنن بالكريمه حلويات تشيز كيك وانا ماسكه لاني انقهرت لمتى


بنات انا بعد ما اتزوجت بدت اعراض تجيني وجع الاقدام وتورم غريب فيهم الدكاتره قالولي ما في اي سبب

ارهاق مزمن من اكل المطاعم

همتي نزلت حتى شغلي اهملت فيه


المهم لي 3 اسابيع مخففه اكل مره لا اتعشى ةاتغدا سلطه وبيض مسلوق اي احيانا اكسر بس على ايش ملعقة رز

حبة حلى يوم اكون معزومه مو اكثر وما اتعشى واكمل اقول هذا مو رجيم يومين او اسبوع هذا رجيم سنه وسنتين يعني لازم اتحمل حتى لو كسرتو ما الوم نفسي وارجع اشد مو مشكله


صحتي صارت احسن

وجع رجولي راح

وجع ركبي خف

قمت نشيطه في بيتي وزوجي مدح فيني

عبايتي الضيقه وسعت مره

حياتي كلها اتغيرت


المهم اليوم كنت في مستشفى وقررت اوزن وانصدمت صدمة عمري





وزني طلع 112 كيل تخيلو!!!!!!!!!!!!!!!!!!!




112


انا اللي عمري ما شفت الثلات ارقام شفتها بعيني


وانا توني عروس لي سنه

وورراي هم حمل



حسيت الدنيا دارت فيني انا بعد ما اتزوجت بشوي اخر مره وزنت كان وزني 97 وحسيت اني ماكله كف على وجهي


طول عمري اكبر سمنه لي 84


طبعا احس نفسي اخر فتره بطيخه ما الها ملامح


بس انا نحفانه مره اخر اسبوع يعني كم كان وزني؟؟؟؟؟؟؟؟؟؟؟؟؟؟




انا اتوقع اني نحفانه 5 كيلو على الاقل لان حتى بنطلوني وسع علي يعني كم كنت؟؟؟؟؟؟؟؟؟؟؟؟؟




يا ويلي ويلاه ما ينفع كذا


حراااااااااااااااااااااااااااااام بدري علي وعلى هذا الوزن كلو

خجلت من نفسي ومن كل اللي حوالي


قلت خلاااااااااااااااااااص


خلااااااااااااااااااااااااااااااااااااص



لازم انزل نفسي لغاية 60


اه صحيح مو هبل لازم وهالمره في عزيمه وبعد ما انحف بحافظ عليهم اهم شي اكمل علشان كذا لي اسبوعين وانا متابعتكم بشغف وانتو اللي مقوين عزيمتي يا بنات



انا ملتزمه بالرجيم وبكمل وعندي جهاز مشي امشي عليه يوم اه ويوم لأ او كل يوم حسب ظروف شغلي


فعلا بديت بس ما ابغا اوقف ابغا احد يتحمس معي افضفضلو اخاف اقول اني اكلت حلو لامي تبهدلني لانها تكره السمنه ووزنها مره قليل واستحي من زوجي بس هنا انتو راح تقوليلي غلطه بس كملي مو من يوم وليله



بنات يلا ننحف ترا كثير اشياء حلوه بانتظارنا اللبس والكشخه والحياة الحلوه ويكفي تعليقات من الناس لان كل اللي شافني بعد الزواج علق على سمنتي صرت اخاف اروح لاي مكان علشان ما حد يعلق على سمنتي


لازم انحف



اليوم بديت رجيم التمر واللبن لغاية رمضان وفي رمضان بعمل رجيم سلطات وبروتين واحاول ابعد عن النشويات بكتبو بالتفصيل لانو هالرجيم ينزل وزني مره مره وبنشوف


انا مو مهم عندي الوزن انا مهم عندي المقاسات


وبوزن اول كل شهر وبس حتى ما اتحطم لان وزني ما ينزل بسرعه بس شكلي يختلف بسرعه


مين معاي ؟؟؟؟؟؟؟؟؟


مين يشجعني واشجعو



مين يداوم معاي على الرجيم؟؟؟؟؟؟؟


يلا نبدأ يا بنات

:icon28: