الوسواس بيذبحني

بنات قسم بالله اتوقع لو ماشفت حل لنفسي
لازم اروح دكتور نفسي
بنات نفسيتي مو زفت تحت الزفت
السنه هذي
صايره بزياده اوسوس وأتخيل ان امي تموت😭
قسم بالله جاني اكتئاب وابكي لحالي بالغرفة بدون سبب
وتعرفون زي كل العائلات تحصل خناقات بسيطه
بين الام وبناتها وعناد وكان يصير هالشي لي مع امي
لكن بنفس الدقيقة اتسامح منها 😭
وترضى😭
وهالشي مشبب لي جلد ذات بشكل مو طبيعي
دايم اقول لو امي ماتت بسم الله عليه
كيف بكمل حياتي ؟😭
والله ثم والله حياتي بتتوقف من غير امي
انا اكبر خواتي عمري ٣٠
لكن اكثر وحده متعلقه لامي
كاني طفله ام ٨ سنين مره راحت للحج والله
كنت ابكي بالحمام او بغرفتي بعيد عن خواتي
فاقددتها كنت احس لي سنه عنها
والله ثم والله امي جلست بمكه٩ ايام اتذكر
كأنها ٩سنين من كثر ماحسب اليوم يمشي
امي تعبانه كل شي فيها ضغط سكر وتضخم بالقلب
وهالشي يخوفني 😭
غير كذا انا اكره نفسي بصفتين
صفة جلد الذات اني اتذكر مواقف
قديمه او هواشات لي مع امي او كلام جارح قلته
لامي وسامحتني وامي دايم تقولي انني قلبك قلب
سمكه تعصبين وتجيبين اللي عندك وبنفس الدقيقة ترضين
امي عارفتني وعارفه طبعي يعني لما كنت تعصب امي خلقه امي عصبيه نار وهذا سبب ضغطها
فكنت اعصب مثلها لما مثلا تقولي كلام جارح
او مقارنات مع بنات اقاربي فكنت اتكلم على امي
بدون شعور بشكل جارح احيانا وهالشي كارهته
بنفسي دايم تقول لو امي يجيها شي وشلون بسامح نفسي؟
ثاني شي صفة الرحمه بنات انا رحومه لدرجه الضعف
يعني خواتي بالكليه متسدحات بس يطلبون مني
اغسل لبس الكليه لها
او اسوي لها اكل اروح اسوي كل اللي يبون
مو ضعف
قد مو رحمه احب أساعدهم
اتذكر مره اختي قالت بأسلوب شين انها بنتاخر بالكليه
سوي غداء بدري !!
كأنها تأمرني لاول مره عصبت كنت مضغوطه
وقلت فاضيه لك تعالي وشوي لنفسك بعد هذا اللي ناقص
اسوي لك
ولا سويت وجت ونامت وهي ماكلت شي
والله يابنات بدون مبالغه
ان السالفه قعدت بقلبي يمكن شهرين
اني ليش مأسويت لها اكل ليه قسيت عليها بكلامي
ومره نفس الشي اختي طلبت اسوي لها فطاير
ورفضت بحجة انها شغله ويبي لها وقت والله كنت تعبانه
فجاه بعد ساعتين ماحسيت لنفسي الا قايمه اسوي لها
كذا يجيني تأنيب ضمير بدون سبب !!
تعبت نفسيا من صفتين جلد الذات
والرحمه الزايده قسم بالله من شدة رحمتي
احس احيانا خواتي يحسوني ضعيفه!
وامي غصب اسوي الشي هذا ب امر احيانا يجون
منفسات يطلعون الحره فيني !
وأحيانا يغلطون واغلط عليهم وتخيلو اندم
اني ليش اجرحهم مع انهم هم اللي جرحوني بالبدايه
تعبببببت يابنات قسم بالله احسد كل وحده
قلبها ميت
وقاسية
قسم بالله انتي بنعمممممممه
انا الحين اي شي يأثر فيني ابكي على اشياظ سخيفه
ابكي لان اختي مريضه ابكي لان امي كبرت واخاف أفقدها
ابكي على اشياء كذا وهي لسى ماصارت
كيف اتخلص من الشي هذا بنات
والله احس زي جبل على صدري لي يومين مكتومه
بدون سبب ودي ابكي ودي اسوي اي شي