الوسواس والخوف الزائد

السلام عليكم ورحمة الله وبركاته
اخواتي كنت انسانه طبيعيه نظيفه واحافظ على الشي جديد وزوجي نفسي وهو اللي عودني على كذا وانا تأقلمت بسرعه لاني احب الترتيب والتنظيم اللي حصل اخواتي سكنت فلتنا الجديده
هنا زوجي زاد عنده الوسواس وهوس المحافظه على الشي جديد يعني مو نظافه لا طبيعي بالنظافه لكن لكن هوس المحافظه على الشي جديد اعطيكم أمثله الكنب لاتتسدحون عليه يتخفس المشي امشو شوي شوي الدرج انزلو بشويش الحمامات اللي بالدور اللي تحت لا تدخلونها كل واحد يدخل حمام غرفته ممنوع الدخول بالجزم اعزكم الله
الحوش عندي زريعات في احواض اسقيهم وينزل مويه منها من تحت يبداء يصارخ لايخرب بلاط الحوش ويتخفس الدرجة قللت المويه وماتت الزرعات وماجددتها ولاجبت غيرها من حنته وقلقه الدفايات بالشتاء متنا برد ينجن اذا شافنا نتدفاء فيها طفوها لا تحرق البيت لا تشغلونها وحرب داعس والغبراء حنا وأياه تعبت معاه ذاك اليوم عادي نقطت السخانه اعووووووذ بالله ماخلا ولابقى انتم تخربون الشي انتم الشي لازم يخرب عندكم ماتحافظون عليه الدرجة رديت قلت تراه شي عادي جدا. لي السخانه خرب ويبيله تغيير فقط الشغله ماتكلف خمس ريال وشوله اللجه والهواش تعبت معاه جاني توتر صرت اوسوس اعوذ بالله مافيه راحه في بيتي لو يلقى شخط سوالنا سالفه تعبت نفسيا صرت اذا طلعت من بيتي اخاف اتخيل انه بيحترق او يصير فيه اللتماس او نسيت اللغاز مفتوح صرت اوسوس منه سببلي توتر ابد تجنيد مو بيت الدرجة والله العظيم مره من المرات خربت السخانه حقت حمامه من الخوف من هواشه وقلقه جبت السباك وخليته يصلحها بدون علمه متعب نفسبا تعبت تعبت مرض حامت كبدي خلاص
بعض الأحيان اجلس اصيح من ضيقة الصدر اخاف اعزم احد يصير معهم اطفال يخرب لي شي ابلش مع زوجي
اخر شي قبل شوي جايبه شاهي ومكسرات وفواكه وبجلس اسهر معاه الا بسم الله قب في وجهي هواش انتي كم مره اقولك خلاص ودي الدفايه المخزن خلاص خلاص خلص البرد انهبلت قمت اتأتأ احسب في شي ويتطنز يقول تتتتت قلت امسك شاهيك اشربه الحالك يا الموسوس انا في تجنيد مو بيتي وطلعت وتركته حامت كبدي يصارخ ورب الكعبه احسب في مصيبه بالاخير السالفه دفاية