التخطيط للميزانية والمصاريف والتقليل من الكماليات و البحث عن افضل الاسعار بيريحكم
كمان لاتضغطوا الميزانية في شهر
يعني التاثيث يكون على مدة طويلة كل شهر شي وبالمناسبات الاعياد وشهر رمضان حاولوا ماتصرفوا على شي ثاني ولاتطلعون للمطاعم اكثر من مرة بالشهر ومايحتاج تصرفون كل مابغيتم تتمشون ممكن قهوتكم وسناك خفيف من البيت لاتطلعين كثير للعزايم او الافراح عشان ماتضطري تصرفي على اللبس كثير
ومهما كان لا تخلي الباقي من الميزانية يكون اعتباطي ماتدرين كم يبقى!
ممكن تحتاجون شي او تواجهكم ظروف تحتاجون فيها نقدية فلازم في مبلغ محدد للطوارئ
ومابتكون للماديات تأثير على علاقتكم الا اذا قارنتي حالكم بغيركم
مهما كان الرجل غني ويغرقك بالفلوس والسفرات عمرك مابترتاحين لو كان خاين او سيء الاخلاق
انا معك البخل شيء لايطاق بس من كلامك الرجل مو مقصر بحدود امكانياته

الله يهديك لاتشيلي هم الرزق ابدا لأن ربي الكريم متكفل فيه ولاعليك من رقم الراتب ياما رجال رواتبهم عالية جدا ومعيشين أهلهم في ضيق ونكد.
إذا زوجك كريم معك لايهمك الراتب ابدا أهم شي أخلاقه وكرمه معك ومايكون أناني يصرف على نفسه وانتي تطالعين.
دوري لك على وظيفة لاتنتظري ترى العمر يمشي وراتب زوجك الله يطرح فيه البركة ويزيده ويرزقك يارب الوظيفة الي تتمنينها.

ماطلبت مصاريف كثيرة واراعيه دايما .
قبل شهرماصفى الا 200لأننا كنا نأثث واغراض رمضان مع جوال جديد .
وتزيد مع القرض
ايش تبغي مال قارون شي طبيعي بيخلص الراتب
لازم تتاقلمي معه دامك تزوجتيه وانتي عارفة
ظروفه ولاتتعبي نفسك بالمقارنة بينك وبينه
ادري ما في تكافوء لكن إذا وضعك العائلي تمام
ساعديه أي نعم اطلبي من اهلك المساعد ة
وشيلي الخوف من قلبك اما انك تساعديه ماديا
معنويا أو تصبري وتتحملي

لا تشيلي هم يا بنت الحلال
الحمد لله ربي فاتح لكم بالخير
أكثري من الحمد والصدقة .. وبتشوفي الأثر في المال والرزق كافة
وكلما اقتنعتني بما رزقك الله فالله يزيدك من فضله سبحانه
الله يبارك فيكم يارب

يابنت الحلال احمدي ربك،اهم شي كريم اعرف ناس رواتبهم عاليه وباخلين على اهلهم فيها لا جوال ولا مصروف ولا يحزنون،واللي مثلي زوجها راتبه الفين وخمس وقروض وما يصفى منه الا الف وميتين حسب مايقول ولا يعطيها منه شي واهلها يصرفون عليها وش تقول،وحامل وشايله هم المستقبل،الله يفرجها علينا وعليك