صباحـ/مساء الورد...الأمل..كل السعادة..
أتمنى أن يكون الجميع بخيــــــــــــــــــــــــــــــر..
صبوا هالقهوة وزيدوها هيل..وقولوا ياحيّى الله من جانا..
لاأحد يستحي تقهووا عشان تروقون وتفكرون معي...
وهذي قهوة اهل الدلع مانبي نزعلهم بعد..
حتى لو طعم القهوه مو حلو اشربوها لاتطيحون وجهي..
وهذا بيبسي باااااااارد للي مثل حالتي مايحب القهوه>>>منعاً للأحراج
وتفضلوا شكاليت>>جمع شوكولاته رجااااء وحده بس عشان تكفيكم ولااقول أكتفوا بالنظر ..!!
بصراحه قررت في هذه اللحظه والدقيقة والساعة اني أخليكم تشاركوني الي افكر فيه من أياااااام وشاغل تفكيري بشكل ملح..
بصراحه من تخرجت من الكلية وانا احس الحياه متغيره علي مره والناس متغيره ..
ماادري كيف أقولكم ماادري هو الوضع تغير في السنتين الأخيره ولا انا تفضيت للحياة وصرت اشوف الي ماكان يمديني أول أشوفه..
بصراحه طول مراحلي الدراسية الي فاتت مامرت علي ولا بنت تمر بقصة حب..كنت أسمع بقصص الحب من المشايخ في الأشرطة بس وأحس هالبنات خيالايات مو موجدين بالواقع؟!
يوم تخرجت ماادري كيف تغيرت الحياه فجأه صرت اشوف العالم كلهم من حولي يتعذبون من تجارب حب ؟!
واقع...منتديات ..ماسنجر...مجالس (عزايم)؟!
حتى نيك نيمات البنات في الماسنجر تغيرت صارت كلها حب والله بنات مستقيمات اعرفهم؟!
كان دايم خويتي تسولفلي من سواليف اخوانها عن بنات يشوفونهم بالشات في الأماكن العامه ...كنت أعصب وارفض دااااااايم أي أحد يقول انه في بالسعوديه بنات ممكن ينحرفون؟!
كنت اسمع سواليف وأحسها خرافات واشاعات؟!
بس فجأه ياناس الوضع تغير كلن صار يمر بتجربة حب..حتى ناس ما اتوقع نهائي منهم هالشئ الاقي نيك نيمها بالماسنجر عذاب xعذاب يالله خوياتي بنات جماعتنا الناس الي اعرفهم نفس الحاله؟!!
المنتديات من أول نسمع بالقصص منقوله ؟!!
الحين اًصحابها يكتبونها بكثره؟!!!
البنات في المدارس ..وضعهم صعب جداً بنات المتوسط والثانوي غالبيتهم فاااااااصلين ولاهم حول دراسه كل وحده تتألم من تجربة حب؟!!!
ياناس الوضع مخيف جداً .....جداً ......جداً
البنات قاعدين يطيحون بحفرة الحب بأعداد كبيـــــــــــرة شوفوا المنتدى والمصايب الي تنزل فيه يومياً
وترى مو بس البنات ترى حتى الشباب فيه منهم عاطفين مره ويدخل تجربة حب وتسّحب فيه البنت وتعذبه وشوفوا عاد عذابه هو والمه؟!
ياناس نحن بصدد ظاهرة بل مشكلة أجتماعية خطيــــــــــــــرة؟!
حتى الخيانات الزوجية صارت بشكل مجنون..؟! ماكنا نسمع فيها أول؟!!!
طيب كيف نضل ساكتين والوضع قاعد يستفحل بمجتمعنا؟؟
ايش ممكن نسوي ونساهم في التخفيف من هالتجارب والدمار؟؟!!
لا أحد يقول عادي خلهم يمرون بتجارب حب؟؟!!!!
ياناس الي يحب يتعذب عذاب مو طبيعي يخسر كل شئ حلو بالدنيا حياته كلها تصير معاناه xمعاناه خاصة البنات..واعراضهم الي قاعده تسلم بكل بساطه؟!!!
ترى أول كان شئ جداً كبيــــــــــــــــــر أن وحده طلعت مع واحد؟!
الحين شوفوا القصص عادي..... وتتزوج بعدين بوضع طبيعي؟!
ومثل ماقال الأمام ابن القيم رحمه الله: (من أحب مع الله عذب به)
والله لي أيام أفكر بهالموضوع واحس تعبانه كثير من التفكير الموضوع هذا شاغلني مره؟
خاصة بعد متابعتي لـ منتديات للمشاكل العاطفية والإجتماعية بمافيها منتدانا هنا أحس أنصدمت بالحياة كثيــــــــــر من المصايب الي اقراها فيه والله من كثر التفكير احس شعري صار يطيح بشكل كبير بشرتي تغيرت أكلي قل بكثير..كل أعراض الأكتئاب متوفره عندي..الله المستعان..أحس بصدمة مره؟!!!
مو معقوله نقرى ونشوف ونسمع من حولنا ارواح تتعذب وحنا ساكتين بس نجي نعاتبهم لطاحوا بالغلط ؟؟
طيب وينا عنهم قبل؟!!!
لازم يصير لنا وقفة في مجتمعنا ونحاول نخفف من هالمهزله؟؟
لازم بناتنا وشبابنا يتثقفون بتقولون لي لا أصلاً هم عارفين ؟؟!!
صدقوني لا لا لا اااااااااااااااااااااااا
الغالبيه يجهلون عواقب الحب وحرمته؟!!!
أتذكر بأنني حضرت قبل أشهر ملتقى المرشدات في المنطقه وتحدثوا بعض الأخوات عن محاضرة تثقيفية ارشادية قامت بها احد مدارس المنطقه وحدثونا الأخوات عن ماقاموا به وكانت ندوتهم عن(( الحب والفراغ العاطفي وعلاقته بالانحراف السلوكي لدى الفتيات))
وقاموا بعمل أستبانه لطالبات المرحلة الثانوية والله انني بحثت عنها ولم أجدها كنت أريد عرضها عليكم هنا لتكون المعلومه أكثر دقه لأنني لااذكر النسب بالضبط؟!
كان سؤال الأستبانه هل تؤيدين علاقات الحب ماقبل الزواج ؟ وسؤال اذكر عن حرمتها؟ وسؤال اذا كان لها علاقه؟؟
هذا بشكل تقريبي كانت النتيجة خرافية جداً بل أصابتنا بذهول!!!
طبعاً الأستبانه وزعت على طالبات المرحلة الثانوية في أحد المدارس لاحظوا ثانوي يعني أعمارهم(16-19)
كانت النسب تصل الى من 70-80% لديهم علاقات ويؤيدونها ولايعلمون انها محرمه!!!!!!!!!
وطبعاً من غير علم أهليهن..
بل كانوا يتحدثون الأخوات عن مداخلات الطالبات أثناء الندوة بإن الكثير منهم كنا يناقشن بغضب وعدم رضى لماذا العلاقات ممنوعه وليس(محرمه) في السعودية ؟!!!!!
ومداخلات كثيرة يشيب لها الرأس وبنات المتوسط أسوء حالاً أيضاً بل أن الإبتدائي أخبرتني زوجة أخي بإن مدرستها قامت بتفتيش الطالبات فجأه ووجدوا مالم يكن بالحسبان بل وجدت مصادفه غريبه؟!
صورة لاحد الطالبات مع شاب ؟ وصورة أخرى لفتاه اخرى مع نفس الشاب؟!!!!!
^
(طالبات أبتدائي)؟!!!
^
(ماتدخل الرأس صح حتى أنا أتوقع أن البنات كبار عايدين كم سنة)!!!!
أما طالبات المتوسط فلقد تناقشت معهن شخصياً وكانت مداخلاتهن تدمي القلب والله..؟!!!
بل أن تفكيرهن أصبح يكبرهن بكثيــــــــر وبرائــــــتهن قتلت؟!!
الأمر خطير ولابد من مواجهته قبل تفشيه أكثر علنا على الأقل نحمي أنفسنا وأبنائنا والمقربين منا وهذا يكفي أن أستطعنا؟!!
أعلم بإن معرفات الكثير هنا تخفي ورائها شخصيات مفكرة ومبدعة فمن المؤكد بإن هذا المنتدى يقصده أباء وأمهات وأخوه كبار وأخوات كبار وتربوين وأطباء من جميع الأعمار وربما الكثير مممن يقاسي لوعة الحب وعذابه وغيرهم كثير..
نعم نريد اراء مختلفه ؟ من أشخاص متعددون؟؟
لايتردد أحد منكم في طرح رأيه فربما يسطره هو هنا بشكل عابر وتكون فكره بسيطة يتبناها أشخاص مختصون فتصبح حقيقة على الواقع ينفع الله بها عدداً من خلقه..ويكتب الله له أجر كل شخص ينتفع بها...إلى يوم القيامة..
ربما سكان المنطقه الشرقية يعرفون (قافلة الخير) كانت فكرة بسيطة مع السنوات تبناها رجال الأعمال في المنطقة وأهل العلم الى ان اصبحت على ماهي عليه في السنوات الأخيرة ونفع الله بها الكثير من بناتنا وشبابنا...
نريد ارائكم ؟؟
كيف نستطيع أن نثقف ونحمي بناتنا وشبابنا من الوقوع في تجارب الحب التي تجرهم الى طريق الأنحراف السلوكي؟؟؟
واذا كنت/كنتِ ممن مر بتجربة حب؟؟
ياحبذا لو تذكر لنا أسباب وقوعك فيها غير طبعاً الفراغ العاطفي كلنا متعطشين عاطفياً..
وسأذكر لكم انا بعض الأسباب التي أعرفها :
1/الفراغ العااطفي وضعف الوازع الديني مفروغ منهم.
2/شدة الأهل كثير من الي يلجؤون لخوض تجربة حب يكونون أهلهم مرة متشددين فالبنت أما عناد في أهلها وأما نتيجة الكبت الشديد تنفجر باي لحظه..
3/صعوبة القبول في الجامعة ومو ندرة الوظايف لا انعدامها تماماً بالنسبة للبنات فتصاب بخيبة أمل وملل فتلجأ الى العلاقات المحرمه..
4/المسلسلات التركية وهاذي والله مااعرفها يس كثير يسولفولي عنها وشفنا اثرها على الطالبات وكثير من الي خاضوا تجارب حب يقولون هي السبب تأججت مشاعرهم حتى المتزوجات منهم..
5/عدم وجود أماكن ترفيهية للنساء أو أندية فالبنت 24ساعة قاعده بالبيت وماعندها الا النت تطقطق عليه..>>طبعاً انا هنا اتكلم عن بنات الشرقية وباقي المناطق تقريباً بإستثناء الرياض وجده اسمع عندهم أماكن مخصصة نسائية..
6/قلة فرص الزواج للبنات والشباب بسبب تردي الوضع المادي والبطاله وأسباب كثيرة أول في الصيف ياكثر دعوات الزواج والحين صار نادر يجينا دعوه لزواج..
7/عدم وجود قانون أو عقوبة رادعة للشاب الذي يمتهن اللعب بأعراض الناس كالدول المجاورة لا أحد يقولي وزارة الداخليه نصت قوانين وينها مافي تنفيذ مجرد قوانين تنفذ على الورق فقط ..
هذا الي يحضرني الحين،،،
وأخيراً ...أسأل الله أن يهدي ينات وشباب المسلمين ويعلق قلوبهم بحبه وحب نبينه ودينه..ويبعد عنهم الفتن ماظهر منها ومابطن..آمين..
ننتظر ارائكم،،،
أختكــــــــم:
الهوى والنور
