الله يعينك

سبب مشاكلك هو زوجك ....ماله داعي ينقل لك الكلام حتى لو بصيغة اسئلة ....ولا حتى انه يسمع منهم ولو سمع يدخل من اذن ويخرج من الثانية ... وتصرفه الاخير أكبر خطأ لأنه تمادى على امه حتى لو كانت غلطانه ماله حق يرفع صوته عليها ويفضحها عند ابوه ...أهم شيئ انه عرف انك مظلومة ...المفروض يتعامل مع الموقف على انها حماة ويا كثر مشاكل الحموات مع زوجات الابناء ..يهديها ويتحملها ويعاملها بلطف حتى لو ما صدقها في كلامها ....لأنه بتصرفه هذا خلاهم يكرهونك أكثر وانت مالك ذنب


وبصراحة غريبة كرهها الزايد لك لدرجة تطلب من ولدها يطلقك بدون اي سبب حتى لو سوء فهم ؟؟؟

السلام عليكم ورحمه الله وبركاته

اختي الفاضله
ارض النور

ليش مستغربه ؟؟ انتي ماتدرين وش يدور في الدنيا تحسبين الناس مثلي ومثلك على نياتنا ونفكر الناس يحبوننا مثل مانحبهم


لا ياحبيبتي هذااااااااك اول اللحين بعض الناس الله لا يبلانا بمجرد مايشوفونك ممكن يكرهونك بدون سبب ويحقدون عليك ويسببون لك مشاكل بعد


اي نعم يكرهونك بدون سبب ولا كان ماصار فيه شي اسمه ظلم

اللحين اعوذوا بالله بعض امهات الزوج لو تشوف ولدها يبتسم لزوجته تشوفينها تكره الزوجه وتحقد عليها مع انها مالها ذنب


اختي لو كل شي له سبب في هذي الدنيا كان الحال غير الحال

الحمد لله اني عاملتهم بمايرضى الله والحمد لله اني مظلومه ولاني ظالمه

والحمد لله والحمد لله


شكرا لك اختي

العفو أختي جاذبية نجد ......أنا ما قصدت انك انتي مسوية لهم شي ولكن واضح من كلامي اني أقول ولو بسوء فهم


يمكن فيه تصرفات سواء من زوجك (ولدهم ) أو منك هم بسوء ظنهم فسروها خطأ وحكمو عليك بالذنب ...وطبعا انتي منتب مسئولة حتى عن سوء الظن ولكن اقصد خليك واضحة وصريحة معهم بحيث لو فيه شي خطأ توضحينه لهم ...والله يعينك ويساعدك ويفرج همك وكربتك ...

لاحول الله.. شي يضيق الصدر الصراحه.. مره غريبين..


لو انا منك ماعاد اروحلهم الا نادرا جدا واخلي زوجي يروحلهم علشان ماتصير قطيعه..


اذا هم بهالصفات منيب ملزومه اروح انكد على نفسي..