والله المفروض يقفلون الديوان لان وجوده زي عدمه..

أمس كلمت الديوان وطبعاً مشغول على طول من كثر الشغل الي عندهم وفي النهاااااية

ردت علي وحده قبل لا اتكلم قالتلي خذي معاك الرقم هذا

وأعطتني قسم الرجال طيب ليش يحطون تليفون في القسم النسائي والحمد لله الرجال طلع ابن حلال اكثر منها وسألت على حكاية تقديمي هل هو الاسبوع الجاي عشان حاسب ولا الاسبوع هذا عشان دبلوم قالي اعتقد حسب الجدول انه الاسبوع الجاي بعدين قال احولك على القسم النسائي تستفسرين قلت له لا مايعطونا وجه وقلت له ياليت تسأل لي لو سمحت وراح سأل واحد وانا أسمع وقال الاسبوع الجاي وبعدين قالي يا اختي والله مافيه طلب للحاسب بجده يعني بتعبين نفسك ومهم ماخذي اوراقك لانه جده ماتبي حاسب..

وش اسوي هل هو صادق ولا اتلحق نفسي واروح بكره محتاره..

وبعدين بالنسبة لقضية الحاسب مهو مطلوب ليش صاجينا فيه من فتره وانه له مستقبل واخر شي الوحده تتكلف وتتدفع لهالمعاهد النصابة وعلى قلة فايدة

وليش اساسا مايخلو بكل مدرسة مدرستين نظاميتين للحاسب في كل المملكة وبكذا نضمن نلاقي وظايف كثيرة حتى للي ماخذة بكالريوس في اي مادة ودارسة بعده كومبيوتر.

والله تعبنا الشكوى لله

*
انا من الرياض وشهاداتي من الرياض لكن انا من مواليد المجمعة
هل ينفع اني اقدم على ادارة تعليم المجمعة ولا مطلوب اثبات شيء اخر

ولك جزيل الشكر

اخواتي لاحظت استماته عجيبه في الحصول على الوظائف ولاحظت ان بعضكن يدعي على

ناس مجهولين جميل هو الطموح والرغبه في الحصول على مصدر رزق ثابت

والسعي بكل مااوتينا من قوه شرعيه للوصول لمبتغانا

لكن الي اثار استيائي دعوتكم على من حصل على وساطه دون علمكن بظروفهن

وانا واثقه ان حصلت لاحداكن واسطه في التوظيف استحاله ان ترفضها

فمن منبع اسلامي اذكركن انه لايجوز ان يدعي المسلم على اخيه المسلم لا في وجهه

ولافي ظهر الغيب اذاالرسول الكريم عاتبه الله عندما كان يدعي على من اذوه من المشركيت بأسمائهم وهو ساجد وقال لاتدعي عليهم انتا بعثت للدعوا ونشر الاسلام وليس لك غير ذالك

من الامر من شيء

بارك الله فيكن ركزو طاقاتكن في الدعاء لانفسكن ولغيركن بالتوفيق بدل من اهدارها

في الدعاء على ناس مجهولين واكتساب معصيه من جراء ذالك ولندعو لمن وفقهن

الله

وتوظفن بالتوفيق ولنرضا بقضاء الله لهن ولنا فالحسد يأكل الحسنات كما تاكل النار

الحطب ولنعلم ان الله مقسم الارزاق فاعتراضنا اعتراض على حكمة الله وحكمه

ووالله يعلم اني لاعندي واسطه ولا ني موظفة حكومه واني مثلكن انتظر الفرج

لكن استفزني عدم رضاء بعضكن وحسدهن لاخريات فنحن لسنا في غابه

وستتحسن الاوضاع بااذن الواحد القهار ولو بعد حين ولن يصح الا الصحيح

واسال الله العلي العظيم ان يوظفنا جميعا ويرزقنا من حيث لانحتسب

ويسهل عملنا في الحكومه كل في بلدته وبين اهله

سبحانه انه يقدر ولانقدر ولايستعصي على رب العباد شيء

وصلى اللهم على محمد وعلى اله وصحبه وسلم

طيب انا بكالوريوس احياء من الشرقية متى اروح اقدم؟؟؟؟

اهلين اخواتي ..

معليش بارد من الاخير للاول اسهل لي :D

همسة غلا .. هلا ومرحبا

السبت الجاي ان شاءالله روحي قدمي يااختي ..

والله يرزقك الوظيفه هالمره يارب :26:

------------

اختي مزاجيه

مادري وراك منفعله علينا .. ووالله لولا انك قلتي انك مش موظفة الى الان كان قلت انك من المتعينات علينا اياهم :)

شوفي احنا عارفين ان مااحد ياخذ رزق احد ابدا ..




الله يسامحك اسلوب السخريه ماله داعييدخل بينا خصوصا اننا كبيرات وواعيات وفاهمات :)
مو استماته ولا شي بس احنامادرسناعلشان نجلس في بيوتنا وياخذ الوظايف ناس ماتستحقها لان معدلاتنا افضل منهم بمليون مره .. بس لان عندهم واسطات ..
بعدين لفظ استماته مو حلو ابد تقولينه والله لبات حريصات على شي لاننا مو واقفين نشحذ على باب احد يااختي :)
وبخصوص اننا ندعي على اناس مجهولين .. هالناس المجهولين على قولتك ظلمونا ودعوة المظلوم مابينا وبين الله حجاب .. ومو شرط اننا نعرف من ظلمنا علشان ندعي عليه يكفي الله يعرفه والدعوة بتدل دربها تطمني ماراح تضيع الطريق :)

وبعدين انتِ بعد سخرتي مناو انت مو عارفه ظروفنا (ولااقصد الماديه فلله الحمد مو نشحذ احنا )
احنا نطالب بحق المواطن العادي اللي هو الوظيفه :)
لكن الوحده تحب تستفيد من شي تعلمته وتحب ترفع معنوياتها بشغلهاترا :)
فلاتكون نظرتك ماديه بحته يالغاليه ..
وكونك تحسين ان حقك راح لغيرك هذي بحد ذاتها كفيله تهز اي انسان





سامحك الله ( الله يحللك مني انا ) حكمتي عليناوانتِ مو عارفتنا والله ..
ماراح ادعي واقول لانك حكمتي علينا انتِ وقلت انك واثقه .. فكيف اقنع وحده واثقه
بس ابيك تعرفين ان الواسطه لما يكون فيهاضرر على احد اخر (وهنا الضرر وقع على البنت الاحق بالتعيين) فالواسطه هنا حرااااااام
والى الان وفيناوخير وندور الرزق الحلال ترا ..

ودايم نقول يالله تغنينا بحلالك عن حرامك .. تتوقعين قصدنا بالحرام ان ماتعينا بنسرق مثلا!!! طبعالا بس مانبي نلجأ لهالطرق :)

ادري انك ماصدقتيني لانك ((( واثقه))) الله يسامحك




اللي اعرفه ان الرسول قال ( اتقوا دعوة المظلوم ) وماقال للمظلوم لاتدعي على اللي ظالمك .. عفوا استدلالك ليس في محله اختي ابدا واذا تبين اوضح لك ليش انا موافقه ولكن يطول التوضيح .. وان بغيتيه ابشري :)



الله يهديك خليتي دعاء الله بوجه حق معصيه !!!!

يااختي لاتفتين الله يجزاك خير ترا الفتوى حرام ..

وربي اعلم بالنيات عموما ..




مره ثانيه الله يسامحك :(

وصفتينا جميعا بالحسد !!

يااختي فيه بنات معاهم عقود ومشاركين معنا بالموضوع هنا ..

الله يسامحك بس مو سهله انك توصفين احد بالحسد والله ..

ويعلم الله انا ماحسدناهم ولانتمنى زوال نعمتهم .. بس اللي اخذوا حقوقنا هم اللي وظفوهم وربي ادرى باللي لنا حق عنده واحنا مارحنا نشكيهم والا نسوي فيها وباقول لك سالفه .. واتمنى تصدقينها وماتكوني واثقه ..:)

هذا واحد من اخواني عرف عن وحده متخرجه بجيد ومتعينه .. وانا تقديري افضل منها بمراحل وماحصلت التعيين .. زعل هو طبعا لانه شافني مره متضايقه قال باروح لعمها ( عمها يشتغل بالاداره ) وبيتفاهم معاه .. طبعا لو راح عمها بيعيني مباشره بعد لانه مجرب من هالناحيه من قبل كم وحده اعرفها ..

انا لاني مو حسوده ولا ابي الوظيفه لان فلانه وعلانه اخذتها قلت له انا باتحيسب اذا لي حق باخذه يوم القيامه واذا مالي مابيه :)

عموما ياك الله في الموضوع ومشكورة على دعوتك لكن كنت اتمنى ان يكون ردك اكثر مراعاه لنا وتفهما لظروفنا وان لاتكيلي لنا الاتهامات جزافا ..

سامحك الله ياغاليه :26: