ظلع @thlaa

محررة برونزية

الوظيفه

مرحبا
انا متخرجه من الجامعه صار لي 8 سنوات بس اقدم على وظائف وقدمت على كثير من المدارس الاهليه واخرمره قدمت على وظائف في جامعة الاميره نوره وانا ان شاء الله متوكله على الله بس ودي بواسطه ودي اهلي يهتمون فيني شوي بنت خالتي زوجها واسطه قويه مره وكذا مره توسط لناس وامي مره علاقتها قويه مع خالتي وبنتها وتمون عليهم وهم دائم يطلبون مننا مساعدات انا قلت لمي تكفين كلمي خالتي امي بارده من ناحيتي ما ادري ليش
اذكر بنت خالي يوم بغت تدخل الجامعه وما جابت مجموع امها كلمت امي عشان ابوي يدور لها واسطه وخالتي كلمت بنتها عشان يتوسط لها زوجها والكل كان يركض لها وجدا جدا جدا شالو همها حتى امي والي يقهرني اكثر ان صديقة امي مره كلمت امي وكانت عندها بنت متخرجه معي بنفس السنه قالت لمي تكفين كلمي اختك تكلم لنا زوجها عشان يتوسط لبنتي امي قالت ابرك ساعه وكلمت خالتي انا انقهرت كيف امي تساعد ابنت وانا ما فكرت فيني المشكله ان عندي 3 حريم يتوسطون لناس هم خالتي لان زوجها مسئول وبنت خالتي الثانيه زوجها بعد مسئول وعمي ولا واحد منهم حس فيني مع انهم يشوفوني انا يا اخوات والله ما همتني الوظيفه بقد ما همني اهتمام اهلي خاصه امي ودي بس اشوفهم مهتمين فيني وحا سين فيني ولو مره زي ما يهتمون في الناس لا تقولون لي اقضي وقت الفراغ انا الحمد لله ادخل دورات وامارس هولياتي بس ها المعامله تقهرني

538

يلزم عليك تسجيل الدخول أولًا لكتابة تعليق.

تسجيل دخول

ظلع • 15 سنة

انا ادري ان الواسطه مو شرط تنفع بس ودي احد يجبر في خاطري على الاقل

لمسه دفى • 15 سنة

اتركي الخلق وروحي للخالق....الحمدلله ان الله هو الرزاق مو الناس....والله لو الناس هم اللي يرزقون كان ماشفنا شي....
وش لتس بالناس ؟؟ روحي لي اكرم الاكرمين ادعيه...الله عظيم المن يكفي انه هو ارحم واحد فينا....

يارب يرزقني ويرزقتس الزوج الصالح والوظيفه الحلوه...امين...قولي امين...

دودي الخبلة • 15 سنة

شوفي ياختي بعض الأهل الله يهديهم

يخافون على مشاعر الناس ويساعدونهم

أما عيالهم في اخر القائمة

أنتي كلمي خالتك بنفسك وقولي لها والله يسهل عليك

ويرزقك بالوظيفة

احلام منسية • 15 سنة

دودي الخبلة :

شوفي ياختي بعض الأهل الله يهديهم يخافون على مشاعر الناس ويساعدونهم أما عيالهم في اخر القائمة أنتي كلمي خالتك بنفسك وقولي لها والله يسهل عليك ويرزقك بالوظيفة

شوفي ياختي بعض الأهل الله يهديهم يخافون على مشاعر الناس ويساعدونهم أما عيالهم في اخر...

فرحتي ماتكتمل • 15 سنة

الله يكون في عونك ولا تشيلي هم الواصطات اعلمي ان الرزاق رب العالمين ويوم الله يبـي يرزقك راح تشوفي فرج ربـك