الوظيفه والزوج واحتياجك لها (( موضوع للنقاش))

بسم الله الرحمن الرحيم
السلام عليكم ورحمة الله وبركاته

اكتب لكم هذا الموضوع وكلي الم وحسره على اخت لي في الله انهدم بيتها ولسبب تافه جدا جدا جدا ولظلم زوجها لها

اخواتي نظرتك للوظيفه احتياجك لها بمقياس كم ؟؟؟
خواتي المتزوجات وغير المتزوجات ليش انتو تتوظفون ليه ؟ علشانك محتاجه ماديا ؟ علشان تبين تضمنين نفسك ومستقبلك بعدين ؟ علشان تعينين اهلك نظرا لحاجه ابيكي الماديه ؟ علشانك فاضيه وتبين تضيعين وقت ؟ علشان دراستك ماتروح هباءا منثورا؟ علشان يكون عندك منصف تفتخرين فيه ؟؟؟؟
بناااااااااااااااااااااااااااااااااااااااااااات حنا ليه نبي الوظيفه ليه

صحيح الرزق بيد الله ولكن !!!!
اذا جبتي عيال وتركك زوجك طلقك علقك توفي لاسمح الله مين اللي بيعينك ذاك الوقت مين اللي بينفق عليك ؟؟؟؟؟ ابوك ؟ ماهو مكلف بعيالك انتي بعد الحين صرتي في ذمته لكن عيالك في ابو يتكفل فيهم واذا ابوهم مو مهتم بعيالك ؟؟؟ ... صحيح في محاكم بامكانك تطلبين حق عيالك لكن .....انتي انتي انتي ماتبين تبينين لعيالك هذا شي ماتبين تبينين انهم مو مثل غيرهم ...

يا اخوات بالله عليكم مو الوظيفه مهمه ؟؟؟ انا اعتبرها اهم شي افكر فيه بعد الزواج ليش اني بعيش عيالي وبعيش نفسي بعد ابوهم الله يخليه لي يارب ....

انا ما كتبت هذا الموضوع الا من الالم والحسره اللي جاتني امس والله ماقدرت انام ولا قدرت اجي جنب زوجي ولا قدرت اسوي اي شي بس اني جالسه اضمم بنتي واصيح .....والسبب :
في وحده من اقاربنا اعرفها الكل يشوف النعمه عليها الكل قابطها كل عطل في بلده لها 8 سنوات من تزوجت ماحد سمع انها شكلت ماحد متوقع العيشه اللي هي فيه والكل يقول فلانه يحبها زوجها فلانه اهل زوجها ميتين فيها فلانه وفلانه ... وفجأه ... نسمع ان زوجها متزوج عليها طبعا ما صدقنا وانكرنا قالت لنا اللي قالت هذا الكلام الا متزوج عليها تو اختي بتقول لا هذي يحبها زوجها بس خافت يحسدونها وسكتت وطبعا انكرنا هذا الشي ولا صدقناه .....الا امس نسمع من اختي الثانيه انها قايله لها هي انها انفصلت بصراحه صرنا نبكي دم من الالم ... وهي مبسوطه جدا وتقول الحمد لله اللي فكني منه !!!
بنات كيف صبرت هذي البنت على عذاب زوجها 8 سنوات كيف عاشت مع هالزوج الظالم الللي يمد ايده على زوجته الشكاك ...بنات والله ما اقدر اكمل
ولا تخيلوا كنا الاول نقول مدري ليه متوظفه وظيفه عاديه جدا هي يعني ماعليها قاصر الحمد لله لاكن يوم عرفنا الخفايا ما ظلمناها ابد ..... والقهر القهر القهر ان تو جايتها وظيفه وارفضتها تخيلوا ؟؟؟؟؟ قبل ما يطلقها حسبي الله عليه يارب العالمين
((( بنات تكفون ادعوا لها الله ينصرها على من ظلمها ويخلي لها عيالها يارب )))

///////// بعد هالكلام /////////
وش رايك تتوظفين ولا لا ؟؟؟؟؟؟
لا تقولون اني غرضي بالوظيفه ماديا بس !!!!!

لا الحمد لله انا طموحه وابي الوظيفه علشان اشغل نفسي وماديا ولا انسى تخصصي وخاصة اني من الاوائل بس انا انظر للمستقبل بسسسسسس

بنات تكفون لا تطنشون الموضوع وخلونا نستفيد يمكن انا غلطانه تصوبوني ويمكن وحده فيكم ماخذه فكره غلط عن هذا الشي ونبصرها

واسفه على الكلام المرتجل لكن اصريت اكتب من حره فيني
وسلامتكم