من وجهة نظري الرجال سواء كنت عنده ولا بعيده اذا مثلا جاتها الوظيفه ورفضتها وبعد عشر سنوات يوم يكون راتبها وصل لو اشتغلت 7000 الالف ريال وراح وتزوج عليها وهي لا وظيفه ولا شي واذا مثلا توظفت ونقول مثلا راح وتزوج عليها ذيك الساعه عندها سلاح تقدر تحارب به مصاعب الدنيا
انا بقدم علي وظيفه لو هي اخر الدنيا سواء رجالي وافق ولا لا مصيره بضي لو يبيني ويحب لي الخير وله وعياله في المستقبل

والله انا بعد كنت بسوي كذا بس ذبحني التفكير !!! صرت مانام والله جد !!! بعدها استخرت وقدمت بمنطقة عمل زوجي !!


بعدين لاتنسو ياحلوين كثييييييييييييييير العام اسبعدوا بسبب إثبات الإقامة !! إلا عاد اللي بتدبر نفسها ربي يوفقها !!
ويوفق الجميع

شوفي حبيبتي كل الاثنين مهمين لحياتك
وعني لو حصلت لي وظيفه باستانس
بس اهم شي انها تكون موبعيده عن المكان اللي انا فيه
يعني اخذ باص يوديني ويرجعني وكذا مااترك زوجي ولا الوظيفه
حتى لو كانت من المكان خارج المنطقه
وكل شي بيد الله

والله الوظيفة سلاح بيد الوحدة
ضامنهالوحدة فيكم انه مايتزوج عليها والا لاقدر الله يموت عنها
وقتها الواحد يعرف قيمة الوظيفة ولاتضطر لاي مخلوق حتى لوكان الزوج مرتاح ماديا
هذي وجهة نظري.

انا بقولك بصراحه
انا من العام فكرت اني اقدم بالجنوب مع ان اهلي وزوجي بالرياض
وقلت بقدم هناك لان وحدة اعرفها معي ونفس تخصصي لا ونسبتها اقل من نسبتي
قدمت ولها سنتين متوظفه بس ميزتها انها غير متزوجه
وقلت لزوجي قال انا مابغى احرمك من شي تبغينه فكري وقرري
فكرت في الموضوع انا للعلم عندي طفلين
وبعد التفكير العميق قررت اني ماقدر
اعيش في مكان وزوجي بمكان
اولا اطفالي صعب علي اذا احد مرض منهم او احتاج شي ابوة مو جنبه اهله مراح يقصرون بس مهما كان مالهم الا ابوهم
ثانيا يمكن مالقى نقل الابعد 4 او5 او الله اعلم متى فقررت قرار نهائي ان اطفالي وزوجي اولى اني اجلس معاهم
واذا الله كتب لي الوظيفه في مدينتي الحمد لله
واذا ماجت كمان خيرة
اسفه على الاطاله بس حبيت اقولك راي
تقبلي مروري