الوعود في فترة الملكة!!

كثير نسمع نصايح متزوجات يقولون
لاتصدقون الرجل في فترة الملكة لأنه يتغير بعد الزواج وتكتشفين ان كل الي قاله مجرد كلام!


انا اقول اجل وش فايدة الاتصالات اذا كانت السوالف والوعود كذب :(


قريبتي زوجي كان يقولها ماأطلع من السعودية الا وانتي معي
بعد الزواج ماخلى ديرة ماراح لها سياحة وكلها بدونها راح لندن اسبانيا اليابان كندا اغلبها دول سياحية ومناسبة للعوائل يعني ماله عذر ماياخذ زوجته


وصديقتي موظف وظيفتين وراتبه ممتاز وكان شرطها بيت ملك لأنه قاااااادر حتى هو وعدها يقول بناخذ شقة 6شهور او سنة ووقتها بنعمر فيلا وانتي اختاري التصميم والاثاث وكل شي
والحين مازالت في شقتها جابت منه 3 بنات حتى غرف للبنات ماشترا لهم!!
طلع راتبه كله ضايع في العزايم والمطاعم والديون والأخ كل من طلب مساعدة جاه عطاه بالألاف وهو بنفس الوقت بخلان على زوجته وبناته حتى بالعيد يقول لها تقضي لهم انتي من راتبك وانا بسددك الشهر الجاي!! ويسحب عليها




ويييييين الوعود ويييييين الامال
حرام عليهم البنت في الملكة فترة التعارف تكون فرحانة ومرتاحة ان مستقبلها بيصير جميل ثم تتفاجأ بعد الزواج لا حاضر ولا مستقبل!!




وش نصايحكم للمقبلات على الزواج؟!
كيف نعرف شخصيات ازواجنا الحقيقية
وش الكلام الي نصدقه وش الي مانصدقه ولا نتأمل فيه