السلام عليكم ورحمة الله وبركاته
اخواتي وحبيباتي بعد لما شيلتكم همي وكنت اكتب لكم بدموعي واطلب منكم الدعاء لزوجي حبيت اطمنكم واقولكم الحمد لله خرج من المستشفي وذلك فضلا من الله قبل كل شيء وبفضل دعواتكم له ربنا مايضركم في اي حد ويشفي مرضاكم ويخليكم ليه
قلت ارجع لكم بصنف جميل وبيشهد لي بيه العيلة لدرجة سموه الوفاءكو نسبة لاسمي الاصلي يللا نبدا
بسم الله الرحمن الرحيم
حنجيب دبابيس فراخ ونخليها من العضم ونحشيها وحوريكم ازاي نخليها ندخل بوز السكينة الرفيعة ونسلك العضم ونقلب اللحم لفوق وننزل بالساطور بس ننضف فتافيت العضم اللي جوة والصور توضح
نيجي للحشو حمر رز في زيت واضيف بصل مبشور وملح وفلفل واقلب واضيف المية واكمل سواه واوطي النار وبعد لما يستوي احطه في طبق واسيبه يبردواضيف عليه المفروم المعصج ودي صورة الحشو
اخد الدبابيس الفراخ واحشيها بالحشوة كاني بحشي باذنجان واجيب اعواد الشوي اكسرها النص بالساطور واقفل بيها الفراخ لحد لما اخلص الكمية ارص في صينية وابشر عليها بصلة وملح وفلفل وادخلها الفرن ولما تاخد لون انقلها علي الشواية الفحم او الكهربا واسيبكم مع الصور وهنا طريقة الحشو
بليز انتظروني لينا تكملة
وهنا بعد التتبيلة
وهنا بعد لما خرجت من الفرن
وده الشكل النهائي بذمتكم مش شكله يفتح النفس
وهنا من جوة
وبصحة وعافية علي قلوبكم يللا مستنية رياكم واسيبكم في رعاية الله السلام عليكم