الوقاحة وقلة الادب مالها حل!

السلام عليكم
بدخل بالموضوع على طول
ي بنات فيه وحده كانت صديقه لي بالجامعه
وفجأه وبكل صراحه صارت زميله فقط!!
انا ابتعدت عنها تدريجيا
و قاعده اشوف البنات شوي شوي يختفون من حولها
بسبب لسانها البذيء و جرأتها الغير عاديه فالسناب.
المهم كنا ب الاختبارات النهائيه الترم اللي فات
وهي شاء الله انها تجي ف المقعد اللي جنبي
المهم الورق توزع وخلاص والمراقبه واقفه ببداية القاعه ومندمجه بجوالها
ف جلست تناديني بصوت واطي جدددددا تقول بدليني الورق
* نماذج الاسئله تختلف من بنت لبنت
يعني اللي جنبك تختلف عنك بس اللي قدامها نفس نموذجك فهمتو كيف ؟
المهم انا كتبت اسمي ورقمي الجامعي بالقلم الازرق يعني راحت عليها
وهي نيتها تبي تغش من اللي قدامها وانا اغش من اللي قدامي
المهم جلست تتلفظ هي الحمار حمار ي ثور انتي كبر الثور وعقلك عقل نعجه !!
ومن هالكلام ..
المهم قلت لها هذا اللي فالحه فيه قلة ادب وغش
ولسان طويل ووصاخه بالسناب!!!!
جهدك بالسناب وفريه بالكتب والمذاكرة
وتناظرني ماهي متوقعه الرد مني
المهم كنت ناويه اقول للمراقبه
وانتم عارفين وشهي عقوبتها
فصل من الجامعه طبعا او رسوب ف الماده
لكن مسكت نفسي وكان اخر اختبار وقلت اخاف يمرمطوني معاها يكفي انهم معقدين خلني انطم
ومن بعدها نفسي امسكها اخنقها
وحده قليلة حياء تخيلوا ي ناس تصور هي وزوجها عارين وتقول نبدأ العمل!!!؟ وتصور مساج واشياء يع خاااااصه جدا
فيه مواقف كثيييييره تتلفظ و تتكلم ببجاحه ماادري شلون اربيها وهذا غيض من فيض فيه اكثر من كذا
احاول ابتعد لاكن مافيه فايده لابد يجمعني فيها موقف او اختبار او اي شي وانا انسانه مااتحمل هالنوعيات.
ما تتخيلون ابدا جرأتها وقلة ادبها
لدرجة تجي فالمحاضرة تقول بناااااااات شرايكم
تقصد التكريزة او العلامات اللي تظهر ع الجلد.
وواضحه جدا وتتباهى فيها تقول ترا سوينا كذا وكذا
والسناب حدث ولا حرج.
طبعا ماني مجبورة اتابعها وحذفتها من السناب وريحت راسي
الله يعين بس بنفس شعبتي هالترم
وتاخرت كثير لين قفل النظام ولا كان غيرت الشعبه
مشكلتها تتكلم وتشرح اللي سوته بليلة البارح بصوت عااااالي جدا ومزعجه بالحيل يعني لدرجة محد يتحمل الصوت والغثا والهياط اللي هي فيه