السلام عليكم خواتي العزيزاتحبيباتي حبيت اتكلم عن معاناتي بالولاده واذا احد مر عليه نفس مشكلتي وكيف عالجتوها
معاكم اختكم من الكويت عمري ٢٩ سنه
انا مشكلتي ان فتحة المهبل وانتو بكرامه قريبه من الشرج فكنت اتعب بالولاده الطبيعيه كنت اقول دام اني ولدت طبيعي اول مره وصج الخياط يتعب ولاكن يلتئم ويروح وكنت احسب ان كل الحريم نفس حالتي وهذي ضريبة الامومه وللعلم اول طفلتين جبتهم حجمهم صغير فكنت ما انشق واجد بس بآخر ولادة لي كان حجم البيبي كبير بالنسبة لخواته فشنو صار😱
تمزق العجان بالكامل مع الشرج وكان طفلي ملتف عليه الحبل السري يعني الدكتوره حسبي الله عليها جازفة فيني وفي الطفل الحمدلله الله سلمنا من الشر بس خواتي انا لي الحين شهرين ونص وانا اعاني من الالم والخياط وصار معاي ناسور مهبلي مستقيمي (خروج البراز من المهبل مع الغازات) قالولي احتاج عملية ناسور بعد ٦ شهور وبعدها بسنه عملية ترميم للعجان لان ماكو عجان يدوب جلطه تفصل بين الفتحتين😭😭😭
ابي احد مر بنفس حالتي تقريبا يعرف احد مثل حالتي يقولي شنو سوا وهل راح ارد لحياتي الطبيعيه
وضعي ما اقدر اقعد لوجود غرز داخليه مدتها ٦ شهور وتذبحني مثل الإبر تغز كله منسدحة ولدي ما قدرت ارضعه لاني تنومت بالمستشفى عطوني حبوب انشف الحليب ولا اقدر امارس حياتي الطبيعيه ولا اشيل ولدي جبت له ممرضه
تكفون اللي يعرف نفس حالتي يعلمني وينورني ويطمن قلبي اذا راح ترد حياتي الطبيعيه مثل اول 😭😭😭😭 والله تعبت والله المستعان اهو الجباااار اللي يجبر جميع الجروح
Ommaria @ommaria
عضوة جديدة
يلزم عليك تسجيل الدخول أولًا لكتابة تعليق.
لا لو
•
الله يشفيك ياقلبي ماعندي علم ان شاء الله البنات يفيدونك
Ommaria
•
الله يشفيك ويرفع عنك .. وحسبي،الله ع كل طبيب يجازف بحالة مريضالله يشفيك ويرفع عنك .. وحسبي،الله ع كل طبيب يجازف بحالة مريض
آمين يا رب ما قصرتي عالدعاء يا قلبي🌹
الصفحة الأخيرة