الولادة السهله..بلا قص ولا خياط..

الحمدالله يا بنات انا الحينه بشهري التاسع بالاسبوع ال36 .
حبيت اعطيكم نصايح عن طرق الولادة المفروض كل وحده تتبعها علشان ما تضرر...

ولله الحمد اول ولاده لي ..ما كانت عندي اي
معلومه ..حتى القص والخياطه كنت احسب
من كلام الحريم انه واقع لا محال له...
ورحت مع عمتي ام زوجي ...اللي الله يطول في عمرها ما قصرت..بس ما فادتني ابداا.بالعكس نصايحها ما كانت في محلها..الحمدالله اني ما رضيت اسوي اللي قالته لي ...
وحظي ان اللي ولدتني اجنبيه متفهمه وفيه لشغلها...جلست جنبي وشرحت لي كيف الولادة وايش بحس فيه وشو لازم اسوي..واني لازم اكون منتبه لكلام اللي تقوله لي..وقت الولاده ..
حسيت بالثقه فيها كثير...فعطتني قوة..

المهم ...

الدفع ممنوع ابداااااا....
لا دكتورة ولا اجهزة تعرف متى لازم تدفعين..
الله سبحانه هو اللي يحدد..
الجنين ينزل شوي شوي..ويضغط على عنق الرحم ليتوسع..فوظيفتج بس التنفس شهيق وزفير بسرعه وقت الالم شهيق من الانف وزفير من الفم......لمساعدة الجنين حتى ينولد طبيعي...ويوم يروح الالم تنفسي ببطء وبعمق شهيق من الانف وزفير من الفم..
ولما يكون الجنين قارب على الخروج..والرحم توسع واستعد لخروج الجنين...من الله بتجيلك الم قوي..مهما كانت عندك قوة ..مابتقدرين تشهقين ولا تزفرين..غصب عنك بتدفعين..انا مرة الدكتورة قالت لي ..لا تدفعين..الا لما اقولك..وسبحان الله توسع الرحم في ثواني وغصب عني دفعت ..وهي تصارخ لا تدفعين .وانصدمت لما شافت الراس...

المختصر يا بنات...التمزق الداخلي والخارجي ما يحدث ابدااا...الا لما الوالده تجبر الجنين على الخروج والرحم بعده مو مهيأ...

فلا تاكلون او تشربون او تشمون او تسوون اي خرابيط لتسريع الولادة ...لانكم انتم الخسرانين...غير رحمج بيتأذى ...وممكن من كثرة الدفع اللي ما له لزمه يطلعلك البواسير..
والصراخ ما يفيدك ابدااا..
يرهق جسمك...وممكن يرفع الضغط عندك...ويقل الاكسجين من الجنين..وووو

والمشي..بالنسبه لي..بس لما اكون بالتاسع وما في الم بالمرة...
التمر لازم تاكلينه يوميا من تدخلين التاسع..

ولما ينزل معج الدم او الماي حق الجنين..توقفي عن الاكل...علشان ما تظطرين تعمليها بالسرير وقت الولاده....

للعلم ....انا ولدت اربع مرات لا قص ولا جرووح لا داخليه ولا خارجيه..ولله الحمد....

ادعولي ربي يسهل ولادتي مثل ولاداتي السابقه...


وبس...لو تذكرت شي ثاني بخبركم...