لا لاتجازفي انصحك لاتسمعي لهم يكفيك التمر لانه مذكور في القران وهزي اليك بجذع النخله
غيره لاتشربي وحتى وقت نفاسي عمري ماشربت الخرابيط اللي يقولو عليها حوايج النفاس حدي قهوة القشر فقط وغيرها ولاافكر صراحه بطني مو حقل تجارب

الله يسهل على كل حامل
ويرزقها ولاده ميسر

الله يجزاك خير على مساعدت خواتك
الله يجعله في ميزان حسناتك يارب




بس حبيت اوضح بعض الاشياء


زي السداده مو كل الحريم تنزل معهم السداده بالبيت ولا حتى تنزل قبل الطلق
يكون الطلق محتمل لكن قوي بس محتمل مايخليك تصرخين هنا مافيه لا مويات ولا سداده ولا افرازات
بعض الحريم مايصير لهم مع
انا اثنين جبتهم طبيعي وواحد قيصري
مانزلت السداده بالطبيعي الا بالمستشفى هم نزلوها لي الدكتوره ساعدتني ونزلتها
القيصري لا ابد محدد لي الولاده اول مادخلت التاسع لانه مقعدي
البطن النازل مو علامه برضو انه الولاده قربت
انا كل طفالي بطني مرتفع فوق
البكر فوق والكل يقولي ماراح تولدين بطنك مرتفع
جتني الولاده اخر يوم بالتاسع فجئه بدون مقدمات سابقه وبطني مرتفع بداء فيني الطلق ٣ الظهر ورحت المستشفى ٩ بالليل لانه نزل علي مويه مقدار نص فنجال شاي ولا رجع ينزل فرحت للمستشفى وكشت على الدكتوره قالت فاتح ٤سم وبعدها فتحت لي السداده
وولدت الساعه ١ بالليل




ولادتي الثانيه قيصري مايحتاج تذكر لانها ماهي طبيعيه
قررولي العمليه اول مادخلت التاسع لانه مقعدي ماراح يقلب يخافون تجيني الطلوق مستعجلين مولديني وانا ماعندي مشاكل


الثالث برضو نفس البطن بعيالي مرتفع ويقولون لي بالحوض وجتني الطلوووق الفجر الساعه ٥ وبالكشك اكتشفت انها مش بالحوض مانزل الجنين وولدتها بسهاله الساعه ١١ الضحى جتني الطلوق قبل لاخلص التاسع بيومين والرحم فاتح ٤سم ولا نزل معي شي لا سداده ولا مويات


لذا مودليل اذا نزل البطن معناته ولاده قربت انا ماينزلون تجيني الولاده وهم فوق بس وحده بالحوض ووحده مش الحوض




مانصحك تشربين اعشاب
خاصه اليانسون ابعدي عنه لانه يهدي المغص يعني انتي تبين تحمين الطلق تشربينه تهدينه ليه وتوقفين انا اشربه اثناء حملي عشان مغص الغازات يختفون على طول


القرفه كثير من الدكاتره يرفضونه ويحذرون منه لانه عنده خاصية تخلي الدم مايتجلط يعني يسبب نزيف ولا يوقف
كثير يحذرون منها القرفه اكثر الدكاتره وفيه دكاتره لا ينصحون فيها وحده هنا نزلت موضوع تقول سببت لي نزيف ويوم عرفت الدكتوره هزئتها كانت تتروح فيها فنزلت موضوع تحذر منها لان القرفه تمشي الدوره وتنزل الدوره فكيف لو شربناها وجنين برحمتا فخطر القرفه تجنبوها


الخروع برضو نفس القرفه ناس ضرتهم وناس فادتهم


التمر مايجيب طلوق ابدددددددددددد وتفكير خاطئ
التمر يلين الرحم ويهدي الانقباضات
لكن انه يجيب ولاده مايجيب انا اكله من اول حمل لحد التاسع لانه ممتاااااز للجنين تقويه وتعطيه فيتامينات ومعادن احسن من الحبوب وممتاز التمر لعقل الطفل تخليه بسم الله ماشاءالله ذكي ونبيهه


كولوا تمر احرصووو عليييييه من اول شهر لاخره لاتحرمون عيالكم من فوايده روووعه من تجربه


اما سالفه انه لاقربت الولاده تكون الحامل خفيفه 😁😂 اخ بس وش اقول انا بس انا اخر الشهور ثقل غير طبيعي بعيالي خاصه التاسع ماطيق نفسي ولا لي حيل اتحرك ماحس بخفه وووووين الخفه ذي ماشاءالله حتى النفس عندي مررررره كتمه والله لا خفه ولا شي مو كل الحريم


مابي احطم البعض بس اخاف تجي وحده تقول ماحس زي هاللعراض ماجاني هالاعراض اللي خفه باخر الحمل ونزول السداده والمويه تحسبها ماراح تولد طبيعي او معها مشكله لا بس لازم نبين فيه حريم كذا وحريم كذا


وللعلم الطبيعي عندي اللهم لك الحمد سهاله من رب العالمين القيصري جابلي النفسيه والاكتئاب الله لايعيده


قص العجان عادي على حسب الدكتوره مو شرط بالوسط بين المهبل والشرط وموشرط على جنب اللي يعجب الدكتوره تسويه
انا كل النوعين سووها لي ببكري جنب وبالثالث بالوسط


نصيحححححه الي تتشق العجان قولولهم جننننب بس الوسط لااااااااا لااااا لااا من تجربه


اللي جنب بسرعه ينخاط ولا يتعب بالجلوس عليه على طول انخاط معي
اللي بالوسط ووووف ياخذ وقت عشان ينخاط ومتعب ولا تقرين تقعدين لانه بالوسط لانه مانخاط بسرعه فصعب تقعدين


قلتها مره بموضوع لبنات ونصحت بنات بهالشي وحده بعد ماولدت ارسلت لي قالت والله انك صادقه ولادتي الثانيه بالوسط الاولى جنب ونفس اللي صارلك صار لي


لذا اللي تتشق العجان تطلب من الدكتوره ماتسويه له وسط وللعلم انا بكل ولااتي نفس النظام الغدائي ونفس نفاسي يعني مهتمه بس طوووول لحد ماطاب

نصيحه قبل وقت الولاده اول ماتدخلون للتاسع ابدو بقراءة وورد الولاده يومياً بعد صلاة الفجر مباشره


هنا ٤ رقيه شرعيه + ورد تسهيل الولاده
‏https://www.hawaaworld.com/showthread.php?t=450422...


بولادتي الاولى قرتها اختي علي وانا معي طلق ماكنت اعرف عن الورد الا يوم عطونا بالمستشفى الكتيب وكان الرحم ثابت على ٤سم والطلوق تعور بس محتمله
هي نفثت علي ونفثت على المويه وشربتني اياه
ماقعدت الا دقيقتين الا الطلوق قووويه حيل ورى بعض لدرجه عجزت امسك نفسي وناديتهم يجون يقوسوني جوا قالوا ٨سم كششششك ويطيرون فيني وتسهلت يارب لك الحمد


ولادتي الثالثه قريتها اخر اسبوع بالتاسع لانه مامعي بوادر ولاده بديت فيها يوميا الفجر وانفث على نفسي وانفث بمويه طول الوقت اشرب منه وامسح على بطني وظهري


وماكملت الاسبوع الا تقومني الطلوق فجئه وانا نايمه الفجر
وربي سهل لي ولادتي


بس فيه نقاط مهمه لازم انبهكم عليها
انتبهوا يالحوامل من البرد انتبهوا تمشون حافيات بالبرد انتبهوا تلبسون خفيف بالبرد
اذا دخلك برد راح ياثر على ولادتك
انا اهملت نفسي دخلني برد وعجزت اوقف ولا امشي حتى النفس بصعوبه الحمدلله كنت عند اهلي فجابولي زيت زيتون دافي فيهزخبة البركه وكمون ودهنت جسمي ومكان الوجع كان ماسكني وجع ببطني مع الجهه اليمين ورجلي اليمين مااقدر افردها ولا امشي عليها
وبعد مادهنت تغطيت ببطانيه ولبس ملابس ثقيله وشراب ثقال وتلحقت البطانيه ونمت نص ساعه وقمت كلي عرق والالم اختفى وحسيت محتاجه للحمام طلع كله غازات كثيره طلع البرد
بس ماتبت من مشي حفيانه ولبس الخفيف
بالولاده عنق الرحم قاسي والسبب داخلني برد والمفروض احرص بالشهر التاسع على التدفيه وتدهن بزيت الزبتون عشان يطلع البرد


بس يارب لك الحمد بفضل الله ثم ورد تسهيل الولاده فرجها الله علي

الله يسهل عليك ومانشوفين الم زي الفات . البواسير اخذي قطنة وعليها زيت خروع وحطيها في البواسير راح تجففها باذن الله وعن تجربة .