الولادة القيصرية ..من جربتها؟؟

السلام عليكم ورحمه الله وبركاته

شلونكم ياخواتي ..؟؟؟
انا عندي اسئلة عن الولاده القيصرية.. ياريت اللي اولدت قيصرية تقولي.. وتجاوبني.

انا والحمدلله حامل بتوام.. والدكتور قالي للحين مو مبين اشلون راح يكون وضع ولادتي لاني للحين بالشهر السادس واحتمال بالاشهر القادمه تتغير اوضاع البيبيات في بطني..بس للحين واحد تحت والثاني مستعرض فوق.. وانا خايفه من هالشيء لان الدكتور قالي اذا ولادتي طبيعية راح يسحبه من ريله... بس احتمال بالاشهر القادمه تتغير اوضاعهم.
هذا ثاني حمل لي ومن قبل ولدت بنتي طبيعي. بس تعبت وايد من الخياط وخاصه اني فيني بواسير فضليت وقت طويل لين تشافيت.. وهالمره خايفه من الولادة الطبيعية .خاصه انهم اثنين مو واحد..
ياريت اللي سوت العملية تقولي... شلون كانت العملية.. وشلون حالتها بعد الولاده مباشرة.. ومتى التام الجرح.. وشلون كانت تشيل البيبي .. وترضعه بعد الولاده.. ومتى بدت تمشي بعد الولاده.. يعني ابي التفاصيل.. وخاصه للي ولدو توام قيصرية ياريت تشاركونا.. وجزاكم الله الف خير يارب.
وانا انتظر ردودكم :)