الحسنات الي اشوفها في الحكومي انهم يهتموا في الرضاعه الطبيعية كثير والشي الثاني والأهم يسوو للمولود تحليل الأمراض الاستقلابيه لان فيه امراض ياكافي الشر ماتطلع اعراضها الا بعد اشهر فهذا التحليل يطلع ادا كان عنده شي من الامراض الاستقلابيه وهذا التحليل مو موجود بالمستشفيات الخاصه

انا ولدت مرتين
الاولى كانت في خاص وكانت من اسوأ التجارب اللي مريت فيها ويشهد الله لاشفت عناية ولا غرفة مجهزة تجهيز يليق بانسانة يخرج من رحمها روح جديدة وللاسف تعرض ولدي لنقص اكسجين بسبب اهمال القابلة وتأخر الدكتورة والاسد اسى منها ان المستشفى ماكان مجهز لاسعاف حالته وظل اكثر من يومين لتجارب اطباآ فاشلين حتى قدرت ادبر واسطة وانقله لمستشفى الملك عبدالعزيز التخصصي واعتنوا فيه عناية اكثر من رائعه كانت سبب شفائه الحمد لله وبعدها قررت ما اولد الا في حكومي لو يكلفني هذا الشي حياتي وكنت مثلك في حملي الثاني متخوفة من كلام الحريم اللي يسبون ويتهمون الحكومي بالاهمال وانهم مايعطون بنج ووو لكن دعيت ربي وتوكلت عليه وقررت اولد ولادتي الثانية بنفس مستشفى الملك عبدالعزيز التخصصي في الطايف وكانت بالنسبة لي مفاجأة ماتوقعتها
غرفة خاصة كبيرة مجهزة بجميع الاجهزة الطبية لمتابعة نبض الجنين اثناآ الطلق + عدد 2 ممرضات سعوديات من اروع ماشفت في الاخلاق والتعامل حتى انهم كانوا يعملون مساج لظهري لتخفيف الم الطلق + سرير خاص للطفل بعد الولادة مجهز بذفاية علوية لحمايته من البرد بعد ترويشه في البانيو الخاص به + سرير ولادة على احدث طراز + دكاترة استشاريين متخصصيين في التوليد يتابعون حالتك من يوم يصير عندك الرحم مفتوح 4 سم+ خياطة رائعه وبنج قبل الولادة وبعده ونظافه لاتقارن بنظافة الخاص والاهم من هذا كله ان الطفل ينقل مباشرة لحضانه خاصه ويكشف عليه اكثر من سته استشاريين مابين قلب وعظام ومخ واعصاب ويعمل له تحليل دم ولا تستلمين طفلك حتى يكتبون تقرير كامل وشامل بسلامة وضعه الصحي وامكانيه خروجه ولو لاسمح الله تم حدوث اي مشكلة للطفل اثناء الولادة فالمستشفى مجهز بحضانه عناية خاصة لحديثي الولادة لايمكن توفرشبيه لها في الخاص والاهم من ذلك انها تحت اشراف استشاريين متخصصين لمثل هذه الحالات
الان انا حامل في طفلي الثالث ولايمكن افكر بالولادة في مستشفى خاص اطلاقا


ربي يقومك ويقوم كل حامل بالسلامة ويفرحنا باطفالنا بدون اي مشاكل تعترضهم

بخصوص الاخوات اللي يقولون كنا نحس بألم الحياطة ولا اعطونا بنج اعذروني اذا قلت كل هذا كذب ووحدة من قريباتي ولدت في خاص وكانت تصرخ من الم الخياطة وتحس بكل غرزة والسبب انها كانت تشرب منبهات قبل الولادة مثل الشاي والقهوة ومعروف ان المنبهات تمنع تأثير البنج


الحامل لازم تمتنع عن المتبهات من الشهر السابع عشان يتأثر جسمها بالبنج اما سالفة انهم مايعطون بنج فهذا كذب مايدخل العقل ومن يصدق انهم يوسعون لك بمقدار عشر غرز بدون بنج !!!
والكل عارف ان الحكومي يعطون بنج للجروح البسبطة اللي تحتاج خياطة من الحوادث رغم ان المريض مايحتاج فيها لتنويم ويخرج مبااشرة للبيت فما بالك بولادة وجنين يخرج للحياة !!
حدث العاقل بما يعقل