الولادة بداية التاسع

السلام عليكم ورحمة الله

أخواتي في عالم حواء،، ملاذي بعد الله

أنا استخرت والآن جاء دور الاستشارة،،
اخترتكم انتم والله ما سألت أحد قبلكم لا أم ولا صديقة ولا غيرهم

أنا دخلت التاسع لي أسبوع
هذا حملي الثاني بس تعبت فيه مررررررررررررة
في حملي الأول ما جاني كل هذا التعب

وبصراحة كنت أحس بالطلق من قبل السابع
ومن أول يوم دخلت التاسع وأنا ملاحظة بطني نازل تحت كثيييييير
وتعبانة من ضغط الحمل على الحوض والمسالك.. ألم أحيانا ما أتحمله
كان الطلق يجيني كثير بس مو منتظم
واليومين هذي معد حسيت شي
خايفة أروح المستشفى ويمسكوني وأطول عندهم

جيت عند أهلي قبل ما أدخل التاسع بكم يوم
بس والله نفسيا تعبت.. أحس ماني مرتاحة وودي أرجع بيتي
نفسي أولد عشان أرجع

وآلام الحمل أرهقتني بس كم من مرة أستخير آخذ أشياء تسهل الولادة وتفتح الرحم
عشان أرتاح من الحمل.. بس أتضايق وأقول بأتم على ما أراد الله حتى لو طولت..

وكم يوم ونفس الشي،، أرجع أفكر نفس التفكير..

الحين أنا استخرت وجيت أكتب الموضوع أتمنى ألقى عندكم حل شافي

وقتي الحين.. أسبوع في التاسع،، أقدر أستعجل الولادة؟؟
وش أنفع شي أقدر أستخدمه لفتح الرحم وتسهيل الولادة؟؟

المشي أمشي قد ما يتيسر لي،، وآكل تمر

نصايحكم،، وآراءكم الله يسعدكم ويجعلكم في الجنة