بنات الله يخليكم ناويه اولد في الوفاء وش تنصحوووني
انا من الرياض وماعرف احد محدد في لوفاء
وش رايكم مين احسن دكتوره خياطه ونفسيتها هاديه وابي تعامل حلو
برفين او جميله او ثمينه او علا او حوريه مين تكفوووون ردو علي وعطووني رايكم للي مجربيييين
الصفحة الأخيرة
تأخرت عليكم بس والله انشغلت مع بنتي الله يصلحه صيووحه ودلوعه بس تبي الشيل
الحمدلله يارب فرج ربي علي قبل عشرين يوم
كنت اتابع عند ساجيلا وكنت اتعب واترجاها تسوي تحاليل وساهجتني اخر شي تعبت مره بالخامس ورحت طواري وصار فيني التهاب بول شديد عاد عقبه حولت على انصاف صراحه روووعه وحبيته
وراجعت كل الحمل لما وقت الولاده وكانت تقولي اولدي بالنهار علشان اصير موجوده بليل يستدعونه ويمكن تصير نايمه ههههه واضحك اقولها ابشري واشوى الحمدلله ولدت الظهر
طبعا كان باقيلي اسبوع واعوشر رحت مراجعه السبت قلت لها سويلي كشف وتحريض قالت اذا فاتح الرحم بسوي تحريض وسوت لي كشف مررره سهل مايوجع ولقته ١ ونص رغم انه مامعي الام ابد وبكريه وسوت لي تحريض وقالت بينزل بني اليوم واستمر البني لما الاثنين وكان يجيني مغص خفيف جدا رحت لها قلت. شوفي مفتوح الرحم كشفت قالت ٢ سم قلت سوي تحريض قالت مسويتلك اول روحي امشي قلت لها البني ماوقف قالت اجل لازم نولدك اذا ماجاك طلق تعالي بكرا الصباح وانا اشغلته ابي اولد صلحت اوراقي للتنويم قالت بكرا الفجر الساعه ٥ وانتي عندنا وماراح اطلع من المستشفى الا وانتي ان شاءالله والده
رحت للبيت والمغرب رحت لأهلي بعد ساعه حسيت بشي ينزل بس قلت يمكن البني نزل لاني كنت اضحك وقعدت شوي ونزل ثاني حاار وقمت وينزل اكثر علاطول قلت المويه ويجيني برود غريب وكل من شفت وحده من خواتي قلت المويه نزلت ههههههه صبرت شوي بعد ساعه وبدت تزود اخذت اوراقي ورحت للمستشفى علاطول دفعت فلوس الولاده و ودوني لغرفة الولاده وكانت فيه مناوبه مصريه جت وكشفت قالت ٢ سم وقالت انا بتخلص مناوبتي بعد ساعه وراحت وجت باكستانيه وكل ساعه يجون يكشفون يوم صارت الساعه ٢ قالو بنعطيك طلق صناعي قلت اوكي بس اول ابرة الظهر قالت نعطيك الطلق بعدين الابره قلت ابد مافيه ولايمكن احس بألم قالت ماراح يبدا الالم الا بعد ساعه قلت زين دفع زوجي حق الابره وجت المناوبه وحطتلي جل الطلق وهي تكشف وبعد نص ساعه اشغلتهم خلو حق التخدير يجي مابي احس بألم وانا ماحس بشي ابد بعدين جاء حق التخدير هندي مايعرف عربي ابد وقام يقرق على راسي وترجم وحده كعاه قلت اعرف كل شي عن الابره بس حطوها وقام يخربط بضهري وطول وهو يحوس بعدين قال قضيت وكشفو علي قالو لسى ٣ سم وزادو الطلق ابر وبدا يجيني طلق مع الجنب اليمين واقول للهندي يقول اصلا الابره ماتخفي الالم كامل لتزم تحسين قلت تلعب علي الناس يقولون ترقصين وانتي تطلقين ماتدرين من الابره المهم الالم مرررررررره محتمل يعتبر خفيف بس مع جنبي يعني تخدرت جهه وجهه شي بسيط من الساعه ٣ لحد الساعه ٨ الصباح وانا لاجاني الالم اخذ نفس ويختفي علاطوول وهي كأني اشم ورده واطفي شمعه روووعه هالحركه بعدين جت وحده ثانيه مناوبه قلتلها انا يجيني الم وش فايدة ابرة الظهر قالت معقوله مستحيل قلت جاك العلم وتنادي دكتور ثاني حق التخدير ياااحبيله اسمه محمد حسنين مصري سألته عن اسمه قلت بكتب عنك بالمنتدى وقعد يضحك قالي بعيدها لك قلت اوكي وعادها وعقبها اختفى الالم نهاااائي وكل شوي يويق بوجهي تحسين بشي مرتاحه وجلس خمس دقايق بس وهو يسويهاا مو مثل الهندي طبعا الابره بحضور زوجك عندك وتوقيعه يعطونك اياها وبعدها كشفوني صار ٥ سم وزادو الطلق الصناعي وانا ماحس بشي ابد اسولف مع الممرضه الهنديه اللي عندي عن رحلتي للهند هههههههه وجتني انصاف تسلم وكشفت قالت ٥ سم بس بعطيك ابره توسع عنق الرحم وتلينه وبسوي تحريض وسوتلي وراحت الساعه ١ الضهر بعد ساعه وشوي حسيت كأني ابي دورة الميااه ببرز طبعا هم حاطيلي للبول اول ماخذت ابرة الظهر علشان ماقوم قلت للموضه ابغى دورة مياه وجع تحت مع فتحة الفرج وانا اذكر قريت انه مثل كذا الدفع جت المناويه اكشفت قالت ٩ سم ولاده وبديت انتفض بشكل مو معقول وانخفظ الضغط عندي من الخوف وانا ماحس بشي ابد الا الضغط مع تحت ويولمون العده وينادون انصاف ويواسون السرير وجت انصاف وقالو اذا قلنا لك ادفعي ادفعي قلت طيب ويشوفون الجهاز ولاجت الطلقه قالو ادفعي وادفع اقوى ماعندي يمكن ٤ دفعات وطلعت حبيبة قلبي
وقعدت اصيح يوم حطوها بحظني واخيرا تحقق حلمي وصاحت وشالوها علاطول وطلعت المشيمه الدكتوره وبدت تخيطني وينظفوني وبعد ساعه شالو ابرة الظهر وجابولي غداء بس عجزت اكله وقالو كولي علشان الضغط وحطو فيه ملح اكلت شوي واستفرغت ونزلت للترقيد وجابولي بنوووتي حبيبت قلبي
والحمدلله يااارب تعبت بعد ٨ ايام من الخياطه ٣ ايام مانام من الوجع واخذت ابر مسكنه وتحاميل وحبوب مافاد رحت لانصاف قلت يمكن ملتهبات قالت الخياطه مثل العسل مافيها شي بس تلتئم وتوجعك واشوى الحمدلله خفت وطاحن الخيوط قبل ٣ ايام
وهذاني منسدحه وجنببي جنينتي الله يخليها لي هي وعويناته
وان شاءالله لو احمل ثاني راح اتابع عند انصااف
طبعا الاسعاار
الولاده ٦٢٠٠ ست الاف وميتين
ابرة الظهر ١٢٠٠ الف وميتين
عطوني غرفه سويت يوميتها ١٨٠٠ بس لأني متابعه عندهم صارت مجاني
يوم طلعت اخذو ٥٠٠ لتحاليل البنت
وخوقت بنتي ٥٨ ريال عندهم وبس
اي سؤال انا تحت امرررركم