الولادة في المستشفى ... الغرفة والملابس !!

السلام عليكم
حابة اسألكم وان شاءالله مالقى تطنيش زي اغلب المواضيع
لان ماشاءالله سؤالي تقدروا تجاوبوا عليه لان غالبيتكم امهات او مجربين الحمل والولادة
نرجع للموضوع
سؤالي هو
في المستشفيات الخاصة يوم اروح وتكون جاتني الآم الولادة فين يحطوني ؟؟يعني اكيد بروح الطوارئ
بس قصدي الغرفة اللي يخلوني فيها هل هي غرفة الولادة على طول ؟ او يحطوني في غرفة معينة
لاني اسمع دايما يشبكوا اجهزة وماني عارفه ايه
واسمع كمان حريم يقولو سمعنا صوت وحدة تصيح مسكينة جالسه تولد
طيب كيف يسمعوا ؟يعني الغرفة مشتركة ؟؟
طيب كيف اخذ راحتي يوم يغيروا الملابس ؟؟
يوم سألت اللي حوليني اغلبهم في حكومي واللي في الخاص مافي بيننا اسألة خاصة زي كذا
يعني بعرف ايش يصير بالتفصيل من يوم ماادخل الطوارئ لحد مااولد فين يحطوني ومع مين وكيف
مع العلم انا غرفتي خاصه لكن هل وقت الطلق والولادة فيه احد معايا ؟؟؟
او قبل الولادة وقت الطلق يكون معايا احد ؟؟؟