الولادة في عسكري الرياض>> انظري ملف المستشفيات المثبت

انا ولدت فيه مرتين ولله الحمد

بالنسبه لمعاملتهم رائعه جدا مع العلم ان البعض يسبهم والولاده بغرفه مستقله

والزوج مايدخل معاك لغرفة الولاده

والخياطه في ولادتي الاولى كانت حلوه والولاده الثانيه كانت مو مره حلوه يمكن لان حجم البيبي كان كبير فأظطروا يوسعون المنطقه

وحطي ببالك اختي ان اللي يصير لغيرك ماراح يصير لك

اذكر دخلت قبل ولادتي بيومين وكان المستشفى مره مزحوم ونفسيات الممرضات مره سيئه

وبس يهاوشون

ويوم جاء موعد ولادتي ماكان فيه زحمه ونفسياتهم مره حلوه والحمد لله على كل حال

الله يجزاك خيررر اختي طيب بسئل لو بطلب مرافق مو لازم زوج ما يدخلون


لان فيه وحده قالت لي يدخلون الزوج وقت الولاده بس لازم اذن من الاداره


بصراحه انا مررررررره خايفه ومتوتره بكريه واول مره ومدري وشي هاالولاده

ردو على سؤالي تكفون استناكم

انا رفضو يدخلون زوجي معاي ولا حتى عند الباب مع اني ولادة قيصريه

بس الدكاترة ممتازين والممرضات مو ذاك الزود

هلا حبيبتي

اولا الله يهون عليك

عن تجربتي الولاده فيها مره ممتازه وربي وفقني بممرضات ولا اروع

وتراهم حبوبه يركزون على البكريه لا تحاتين ولا تشيلين هم وبعدين ليش يدخل زوجك
عشان تلوع كبده ههههههههههههههههههه
نصيحه خليك ابروحك تاخذين راحتك بالولاده اكثر تخيلي اللي معك يشوف الموقف صراحه ما اوافقك الراي

بس عندي نصيحه انا الخياطه الخارجيه كانت ممتازه بس الداخليه لك عليها مااااش وغلطتي
اني رحت للدكتوره الخاصه بعد الاربعين وقالتلي هشي وانه ماتقدر اتسوي شي
الا في ولادتي الثانيه

حبوبه هاذي تجربتي وان شاءالله اكون افدتك